السلام عليكم ورحمه الله وبركاته
أريد تطوير شخصيتي لكن لا اعلم من أين أبدأ
انا شخص في العمل بختلط بالناس وبتكلم معهم لكن في سكن العمل او في بلدي في البيت لما انزل اجازة لا اعرف اكون صاحب لي او اختلط به ولا اعرف ارفه عن نفسي
يومي في البيت عبارة ان بصلي صلواتي الخمس ولما برفه عن نفسي بذهب لنت او سيبر اخي
فما نصيحتكم لي اذهب لدكتور سلوكي ام ماذا
لو حد يعرف دكتور سلوكي اونلاين يكون أمين وعنده ضمير بارك الله فيكم اسف على الاطاله
السلام عليكم ورحمه الله وبركاته. جميل جدا ان انت بتبحث عن تطوير ذاتك خليني اقول لك انه افضل ناس تتعامل معاهم ومش عشان ده تخصصي خالص ولكن فعلا اللي يقدروا يتعاملوا معك ويساعدوك انك توصل لهدف معين خصوصا في المهارات الذاتيه والاجتماعيه هما اللايف كوتش او اللي بيتكتب كده بالعربي مدرب حياتي دول يقدروا يساعدوك قوي لانه هو ده صلب التخصص، بنشوف ايه الهدف اللي موجود عندك انت عاوز توصل لايه المهارات اللي انت عاوز تتعلمها ونبدا نحط تدريبات ونشتغل على ده عشان تقدر توصل له باذن الله زي ما انت حابب وبالشكل اللي انت تكون راضي عن حياتك فيه. الطبيب النفسي خلي بالك او الطبيب عموما مش هيشتغل معاك في الشكل السلوكي بالشكل الكبير ده في اخصائيين ثانيين اللي هو بيكون بيتعامل في الامور السلوكيه ده برضه تقدر تتواصل مع اي أخصائي نفسي يكون بيتعامل في الجزئيات في جزئيه العلاج السلوكي يعني لازم وانت بتسأل اخصائي تسأله انت بتتعامل بالعلاج السلوكي ولا لا لان ده مهم جدا تقدر تستغل هنا الخبراء اللي موجودين تدخل على قائمه الخبراء و يعني هتلاقي كتير ان شاء الله وتقدر تتواصل مع اي حد منهم من خلال البيانات اللي هو حاططها على التطبيق هنا. وإن شاء الله تقدر توصل للي انت محتاجه أتمنى اكون افدتك.
تم النشر الأحد، ١٦ مارس ٢٠٢٥
فيه بودكاست لذيذه اوي بتتكلم عن تطوير النفس والمهارات والتعاملات مع الناس بشكل عام زي :- ١.بودكاست وثبه د. هنوف الحقيل ❤️ بودكاست غلاف ل عبدالله المسلّم ❤️ بودكاست كيف تنجح العلاقات د. ياسر الحزيمي ❤️ مهارات إدارة العلاقات د. ياسر الحزيمي ❤️ بودكاست تنفس (أبداها صح )❤️
تم النشر الأربعاء، ١٩ مارس ٢٠٢٥
اولا كده لو عندك قرايب روح واقعد معاهم واعمل حاجات جديده في يومك واخرج وروح اماكن جديده او اماكن جديده في نفس بلدك القي السلام على الناس اتعامل مع اللي حواليك عادي مش شرط خالص يكون عندك صاحب بس اهم حاجه يكون عندك هدف وده بقى اللي عايزاك تعمله حط هدف نفسك توصل له فعلا اي حاجه سواء في الدين في الشغل تطوير ذات اي حاجه اشتغل عليها كويس جدا واستمر عليها من غير تشتت ولازم تقلل من التليفون والسايبر لان احتمال كبير هو اللي مسبب الزهق او هو تقريبا مسبب الزهق
تم النشر الأحد، ١٦ مارس ٢٠٢٥
وعليكم السلام ورحمة الله وبركاته، يوسف. أقدر لك مشاعرك ورغبتك في تطوير شخصيتك، وهذا أمر نبيل. إليك بعض النصائح التي قد تساعدك في هذا المسعى: التعرف على الذات : ابدأ بتحديد اهتماماتك ومهاراتك وقيمك. ما الذي تحبه؟ وما الذي تتمنى أن تكون عليه؟ هذه المعرفة ستساعدك في بناء ثقتك بنفسك. التواصل مع الآخرين : يمكنك محاولة الانضمام إلى أنشطة اجتماعية أو مجموعات في مجالات تهمك، مثل دورات تعليمية أو ورش عمل. ستمنحك هذه الأنشطة فرصة للتفاعل مع أشخاص جدد. ممارسة الهوايات : استكشف هوايات جديدة، سواء كانت رياضة أو فنون أو حتى قراءة. هذه الأنشطة ليست فقط وسيلة للترويح عن النفس، بل ستساعدك أيضاً في التعرف على أشخاص يشاركونك نفس الاهتمامات. التدريب والتطوير الشخصي : يمكنك البحث عن دورات تدريبية في التنمية الذاتية. هناك الكثير من الموارد المتاحة على الإنترنت، مثل المنصات التعليمية التي تقدم محتوى قيم في مجالات التواصل والثقة بالنفس. استشارة متخصص : إذا شعرت أن الأمر يتطلب مزيدًا من الدعم، يمكنك التفكير في التوجه إلى معالج نفسي أو متخصص في تعديل السلوك. يمكنك البحث عن المتخصصين عبر منصات موثوقة. في النهاية، تذكر أن عملية تطوير الشخصية تحتاج إلى وقت وصبر، ولكن كل خطوة تخطوها نحو الهدف يمكن أن تكون لها تأثير إيجابي على حياتك. بارك الله فيك ورزقك كل خير.
تم النشر السبت، ١٥ مارس ٢٠٢٥
العلاقات اه والحاجات تانيه اي حاجه لياسر الحزيمي اسمعها
تم النشر السبت، ١٥ مارس ٢٠٢٥
ماعرفش والله مكانهم فين بالضبط لكن ممكن تسأل في مستشفى جامعة عين شمس لو قريب منها لإن معظم دكاترة السايكتري عندنا من عين شمس او ممكن تسأل المستشفيات القريبة منك لو فيه دكتور سلوكي متعاقد معاهم لإني أعتقد سعرهم في المستشفى هيكون اقل بكتير من لو عيادة برا، آخر حل بقا ممكن تبحث على جوجل على عيادة قرببة منك
تم النشر الأحد، ١٦ مارس ٢٠٢٥
ممكن حضرتك تقوليلي مكانهم فين في القاهرة
تم النشر الأحد، ١٦ مارس ٢٠٢٥
نصيحتي أيوا روح لدكتور سلوكي بس بلاش اونلاين عشان هتلاقيهم استغلاليين
تم النشر السبت، ١٥ مارس ٢٠٢٥
قصد حضرتك علي بودكاست العلاقات ولا فيديوهات تاني
تم النشر السبت، ١٥ مارس ٢٠٢٥
حاول تتفرج على برودكاست ياسر الحزيمي
تم النشر السبت، ١٥ مارس ٢٠٢٥
لعرض السؤال في فدني اضغط هنا