وكمان بحس ان قلبي بقى حقود جدا بجد لما لدبااقي حد اصغر مني واوحش مني من البنات اتجوز وكدا بموت من الفرسة عشان انا احلى منها ومجاليش عرسان لغاية دلوقتي
بجد انا حتى من حقدي بعدت عن اصحابي كلهم واي شغل يجيلي بسيله ومش مرتاحة ف اي حاجة وبقيت لوحدي وبفكر مكملش حياتي اصلا عشان ابتديتها غلط من الاول
وبعمل غلطان كتير وعمالة اشيل فذنوب ومش عارفة اتوب عن اي حاجة بجد زقت وتعبت وقلبي تعب
وحاسة اني لا انتمي للمجتمع دا اساسا ونفسي ابعد عنهم واعيش فمجتمع تاني لان بحس في تنافس جامد بيني وبينهم وبينهم وبين بعض
بجد مبقتش طايقة كل دا
حتى مفيش حد فكر يقدملي مساعدة او يبقى معايا حتى اهلي قاسيين معايا ومش لاقية راحتي فاي شيء
السر كله فى فكرة التنافسية اللى انتى شايفاها. احنا مش موجودين عشان ننافس بعض اصلا فى الدنيا. نتنافس على الآخره اه ...يعنى نجتهد عشان نوصل لمقامه اعلى ...ودى حاجة روحانيه نقدر نحققها بافعالنا الصادقة تجاه نفسنا الاول وتجاه ربنا ...وبنستخدم اللى حوالينا باننا نتعاون فى الخير وكلنا نستفيد بردوا. غير كده يا بنتى والله محدش هيفرق حاجة عن حد ولا اى منافسه هتفرق خالص. مين بقي احلى ومين وصل الاول ومين حصله ومين وقع ومين قام .....العبره بالخواتيم اوعاكى والحقد والكبر لان دول من الشيطان..هو مبسوط انك واصله لكده وبينفخ زيادة فيكى عشان تفضلى بالصفاات اللى هو بيحبها . الشيطان حط نفسه فى مقارنه مع سيدنا ادم لما اتخلق ...مع انه مش محتاج يعمل كده ....كل واحد ربنا خلقة جميل ومميز وليه رزقه ...ركزى فى ورقتك وحياتك وملكيش دعوه بالاخرين
تم النشر الجمعة، ٢١ يوليو ٢٠٢٣
لازم تعرفي إن مفيش حد كامل في الدنيا دي. كلنا بنغلط وبنقع في الذنوب. المهم إننا نتوب لربنا ونرجعله تاني. ربنا رحيم وبيسامحنا على طول لما بنرجعله بصدق. بالنسبة للجواز، خلي بالك إن ده أمر مقدر من ربنا. لما يجي وقته بيجي. متقارنيش نفسك بغيرك ربنا عارف إنك مستنية وهيكرمك في الوقت المناسب إن شاء الله. مهم تعرفي ان كل البشر سواسية وكلنا عندنا نقاط ضعف وقوة. محدش كامل. انتِ انسانة مميزة بمواهبك وشخصيتك. متقارنيش نفسك بحد تاني. ركزي على نفسك واعملي اللي يسعدك من غير ما تبصي للناس. نصيحتي ليكي تبتعدي شوية عن السوشيال ميديا عشان ممكن يكون سبب جزء من المشاعر دي. وابدأي تركزي على الاشياء اللي بتحبيها وتسعدك في حياتك. واعملي هوايات جديدة واتعرفي على ناس جداد من مجالات مختلفة. والاهم من كدا كله انك تشوفي مصادر للفرح والرضا من جواكي مش من برا. لما تبقي مبسوطة من نفسك هتلاقي الدنيا حلوة والناس كويسين. ربنا معاكي يا حبيبتي وهيفرجها عليكِ قريب إن شاء الله. ثقي في رحمته وما تيأسيش.
تم النشر الخميس، ٢٠ يوليو ٢٠٢٣
من امتى طيب والافكار ديه بتحوم حواليكي؟ ثانيا .. احنا مش عايشين في الدنيا ديه علشان نتنافس ع حاجه .. كل واحد وبياخد نصيبه ورزقه واللي ربنا كاتبه له .. واحنا ما علينا غير السعي وفقط؟ ربنا لو رزق واحدة بعريس مثلا ده لا يدل انها حلوة بمعاييرك او ان الاحلى بس هي اللي تتزوج .. الموضوع مش ماشي بالطريقة ديه خالص. صفي نيتك اتجاه نفسك وحبيها وحبي الناس .. هتلاقي الدنيا اتسهلت معاكي .. لو فضلتي بالطاقة اللي جواكي ده محدش هيتأذي غيرك للاسف.
تم النشر السبت، ٢٢ يوليو ٢٠٢٣
ههههه فعلا
تم النشر الجمعة، ٢١ يوليو ٢٠٢٣
مش بالسن بس العمر بيجري واحنا لسة واقفين فمكانا
تم النشر الجمعة، ٢١ يوليو ٢٠٢٣
ياااه لسة صغير والحياة قدامك طويلة ههههههه
تم النشر الجمعة، ٢١ يوليو ٢٠٢٣
ايوة كم عمرك الان
تم النشر الجمعة، ٢١ يوليو ٢٠٢٣
ايوة مانت احسن منهم ولو جه حظ بتلاقي الناس بتتهافت تمنع عنك رزقك وتاخده هي عشان هما اساسا حاقدين ومش بيتمنولك الخير لانك افضل منهم فكل شيء تقريبا
تم النشر الجمعة، ٢١ يوليو ٢٠٢٣
انا بقيت شريرة كمان وبدعي عليهم بشكل يومي ومبقتش حابة اشوف حد بيتطور عشان حياتي كلها متدمرة
تم النشر الجمعة، ٢١ يوليو ٢٠٢٣
اهم حاجه ذاتك وخرجي طاقتك في اي حاجه
تم النشر الجمعة، ٢١ يوليو ٢٠٢٣
بصي الحوار مش بلسن،
تم النشر الجمعة، ٢١ يوليو ٢٠٢٣
لعرض السؤال في فدني اضغط هنا