عايزه حل للنوم ممكن انام اليوم كله عادي واصحي اصلي باقي الفروض مع بعض ونام تاني مش عارفه أمارس يوم زي الناس ، ونفسيتي بقت زفت لما مفيش حاجه اعملها
اعمل اي
يبقي معندكيش احساس بالمسؤولية تجاه حياتك ولا البيت والناس اللى انتى عايشة معاهم ووسطهم. اقل حاجة تصحى عشان تؤدى دورك فى البيت ...ليه يكون كل حاجة على حد تانى وانتى ملكيش دور. دى ابسط حاجات تعمليها .....قبل بقي ما نتكلم على اهداف اخرى فى الحياة. وليه تقومى وتصحى .
تم النشر السبت، ١١ فبراير ٢٠٢٣
طيب اول حاجه نتأكد من انه مفيش اي مشاكل صحيه .... ومفيش اي ضغط نفسي بتمري بيه او اكتئاب او مش بتاخدي اي دوا بيعمل اثر زياده النوم بعد منتطمن ع كل ده وان شاءالله تكوني زي الفل حطي واحده واحده انشطه ف يومك تحبيها بشكل متدرج زي انك تطلعي مطعم تفطري مع حد قريب منك او تتغدي او تتعشي وليكن مرتين ف الاسبوع بعد كده تبدأي تتمشي عشر دقايق ف يومين تانين ف الاسبوع تتعودي ع النشاطين دول تدخلي نشاط تالت زي انك تروحي الجيم و لان الرياضه مهمه جدا ف تنشيط الدوره الدمويه هتحسسك بالنشاط وانك فايقه كمان حاولي تسجلي اهتماماتك والحجات الي بتحبيها ونفسك تعمليها بحيث انك تملي يومك بحجات بتحبيها ومفيده وتساعدك انك تتغلبي ع الفتره دي لان لو عندك فراغ كبير هتنامي ونوم قهري كمان الي بيجي ف الضغط والفراغ وابدأي سجلي جدول لنومك مع ادخالك الانشطه بالتدريج كل يوم نمتي كام ساعه وطبعا بما انك بتصحي للصلاه دي حاجه حلوه جدا استني بعدها عشر دقايق استغفري سبحي او اقرأي قرأن
تم النشر السبت، ١١ فبراير ٢٠٢٣
اعملي تحاليل ضروري جدا اوقات كتير نقص فيتامين د ونقص الحديد بيسبب كده استشيري طبيبة باطنه في اسماء التحاليل المطلوبه بعد التحاليل لازم جدا تلتزمي بالادويه وتحرصي عليها كويس جدا وفي اوقاتها. لغايه ما توصلي لحل المشكله دي ركزي جدا جدا في امر الصلاة متطبقيش الصلوات على بعض .صلاتك هي حياتك وهي اول حاجه هتتحاسبي عليها فمتضيعيهاش الحياة بتنتهي في لحظة ومحدش يحب يقابل ربنا وهو مفرط او مقصر بصي الناس ال في سوريا ال حصل عندهم الزلزال ربنا يحفظنا ويعافينا ويفرج عنهم في لحظة كل واحد ثبت عالحاله ال كان فيها ال كان بيصلي وال كان بيغني وال كان بيقرا وال كان بيذتكر وال بتطبخ وال بيلعب في لحظة كل شئ وقف فحاولي بالله عليك حتى لو هتنامي اليوم كله تقومي قبل وقت العصر بربع ساعه مثلا ثلي الظهر واستني خمس دقائق يؤذن العصر وصليه ونامي تاني وقومي قبل العشاء بربع ساعه الحقي المغرب واستني صلي العشااء ونامي والفجر طبعا في وقته مفيش خلاف المهم متهمليش الصلاة وفي نفس الوقت اسعي لحل مشكلتك طبيا لو امورك طبيا سليمه ففي الحاله دي هتحتاجي للرقيه الشرعيه تسمعيها وتقرأي سورة البقرة وتقراي الرقيه على ماء وتشربيه وتقرايها على زيت زيتون وتدهني جسمك به وحافظي هلى اذكار الصباح والمساء وربنا يعافيك
تم النشر السبت، ١١ فبراير ٢٠٢٣
لعرض السؤال في فدني اضغط هنا