انا شاب مستقيم ولله الحمد ف٣ اعدادي وملتزم بأوراد بالنسبة للدراسة انا شاطر ولله الحمد بس مش بلاقي نفسي هدف في دراسة عموما وجبت مجموع وحش في ترم اول وانا كنت مذاكر المنهج بس كان عندي وسواس قهري وكده فالحمد لله على كل حال وبتعالج منه حاليا،
أهلي حفظهم الله ضاغطين عليا وابويا كان من فترة بيتعامل معايا كإني خلاص بقيت متطرف واني مصاحب ناس وحشة ومركز معايا في كل حاجة وساحبين مني الموبايل وابويا ضاغطني في المذاكرة وانا في رمضان حاسس اني بقيت مش زي الأول
بقالي ٣ ايام مقصر في اوراد كتير ومكنتش بتحصل كده وانا عايز الموبايل بجد بس مش عايز ألح على أهلي كل شوية عشان مقعش في عقوق وانا نفسيتي مش كويسة اتجاه المذاكرة مع الضغط ده وانا معلق اورادي وذاكرتي بالموبايل يعني لو فيه موبايل هنجز لو مفيش موبايل الإنتاجية هتقل خالص وانا حاسس اني في حالة فتور وبقيت بنام كتير وحاسس اني عايز انام كتير
بارك الله فيك ورزقك الهدى والصلاح .. انتبهت في نهاية رسالتك إلى أنك قد ربطت بين هاتفك وبين ما تنجزه في العموم .. وحقيقة أشعر أن هذا ربما مبالغة منك، فهناك طرق عديدة لإنجاز المهام بدون الهاتف.. حاول أن تركز على هذه النقطة لربما عقلك يخدعك ويبرر لك التكاسل بحجة الهاتف.. بالنسبة للهاتف عامة ومشكلتك مع أهلك فأرى أنك في حاجة لعقد حوار بينكم بشكل هادئ وعقلاني تحاول فيه فهم ما يزعجهم منك والسبب الذي سحب لأجله الهاتف منك. وتوصل معهم لاتفاق مرضي لكل الأطراف . بالنسبة للنوم فأنا أظن هذا عائد لسببين إما طفرة نمو .. أو هروب منك من الواقع
تم النشر السبت، ٨ مارس ٢٠٢٥
حاول مع اهلك تفهم انك متعلق بتليفون علشان المذاكره وطبعا لزم تحاول انك تقرب من ربنا ازي تقول انك مش هتروح تحفظ قران صدقني بقرب من ربنا كل مشاكلك هتلاقيها حل والله العظيم حاول تكون هادي وانت بتكلم اهلك وانك تفهمهم او بمعني أصح تحسسهم انك فعلا بقيت ناضج بما فيه الكفايا وعارف انت عايز ايه وعايز تعمل ايه وربنا يوفقك يارب ديما وتذكر علاقه الرب مدخلهاش في خناقات الدنيا
تم النشر الخميس، ٦ مارس ٢٠٢٥
أخي العزيز، أقدر مشاعرك وما تمر به من تحديات. من الجيد أنك تسعى لتحقيق الاستقامة والنجاح في دراستك، وأتمنى لك الشفاء العاجل من الوسواس القهري الذي يؤثر على حياتك. بالنسبة لمشكلة ضغط الأهل، من المهم أن تحاول إيضاح نواياك لهم. يمكنك أن تشرح لأبوك مدى أهمية الموبايل في دراستك وكيف يمكنك استخدامه كأداة لمساعدتك في المذاكرة وليس كوسيلة للتشتت. ربما يمكنك اقتراح بعض وسائل الرقابة على استخدامك للهاتف لضمان عدم انشغالك بأمور غير دراسة. كما يجب أن تدرك أن التوازن أمر أساسي. حاول تكوين خطة دراسية، وتقسيم وقتك بين المذاكرة وأداء الأذكار، واظهار الجدية في تعاملك مع المذاكرة حتى يشعر والداك بالراحة تجاه ذلك. وعليك بالصبر والدعاء، فإن التوفيق من الله، وهو أقرب إليك مما تتصور. تذكر أن فترة المراهقة مليئة بالتغيرات، ولكن الثبات والصبر هما مفتاح النجاح. إذا استطعت أن تتحدث إلى والديك بوضوح وباحترام عن مشاعرك وآمالك، فقد تتمكن من إحداث تغيير إيجابي في موقفهم. دعني أعرف إذا كنت بحاجة إلى المزيد من المساعدة، وأنا هنا لدعمك.
تم النشر الخميس، ٦ مارس ٢٠٢٥
عايزه اقولك إنك في إختبار من الله عز وجل عظيم جدا ،وبإذن الله هيجزيك إن صبرت عليه واحسنت وجاهدت نفسك وصبرت على جهل اهلك بكلام وأوامر الله سبحانه وتعالى الحلول بقا ....... إنك تلتزم وتثبت على ما أنت عليه ولو عندك مصحف طبعا بدل التليفون وكده اتعامل ...... وطبعاً فروضك ثم فروضك...... وطبعاً ارضي والديك ولكن لا تغضب الله تكلم معهم حاول إقناعهم براحه واحده واحده بدون تعصب أو انفعال ع الهادي كده ....... تجلس معهم وتعمل أي حاجات لطيفه كده ،بحيث إنها تشيل البعد أو المسافات اللي بينكم وتقربكم من بعض اكتر وتعرفهم إن الدين جميل مش ينفروا منه .........والدعاء ثم الدعاء لهم بالهداية والصلاح وتحنين قلبهم عليك ويشرح صدرهم لما يحبه الله ويرضاه سبحان وتعالى......المهم ف ده كله هو الثبات الثبات على ما أنت عليه .....وماتدمنش التليفون حاول تتأقلم من غيره وتعبد الله من غيره وقرب اكتر واكتر لربنا سبحانه وتعالى....... وأثبت صدق نيتك لله سبحانه وتعالى ولو كل الأمور كانت ضدك وأكمل حفظ قرأن ولا تيأس أبدا.... واسال الله ان ينفع بك ويعينك على مايحيط بك ويعينك على طاعته وذكره وحسن عبادته
تم النشر الجمعة، ٧ مارس ٢٠٢٥
مبدأيا ماشاء الله عليك ثانيا جرب تتكلم معاهم بهدوئ و اتناقش معاهم بطريقة هما حبينها و اشرح الموضوع من وجهة نظرك و اسمعهم بردو لأن ممكن تاخد بالك من حاجه مكنتش عارفها او ملاحظها فى قرارهم
تم النشر السبت، ٨ مارس ٢٠٢٥
انت يا اخى فى امتحان فجاهد نفسك على الصبر وعلى قوه التحمل علشان دى فتره وان شاء الله هتعدى لكن يتكمل يا ممكن يحصل انتكاسه واحذر منها حتى تستطيع الاستمرار فى طريقك واعى الله كثيرآ فى صلاتك بالسبات
تم النشر الجمعة، ٧ مارس ٢٠٢٥
ومش عارف اعمل ايه بقا لو هعارض أبويا في اني مش هحلق دقني او في العيد لما العيلة هتتجمع وهيبقا في اختلاط وساعات بيبقا فيه غيبة او كلام عن ممثلة فولانة ولا فولانة وبرضوا مش عارف اعمل ايه لو حصل عزومة في رمضان مع الأهل او لو عايزين يعملوا عيد ميلادي
تم النشر الخميس، ٦ مارس ٢٠٢٥
وانا بجتهد مع اهلي اني اطمنهم عليا وان صحابي كويسين ومتفوقين وان المسجد الي انا فيه كويس وان دروس كلام فيها مفيد وبعيد عن الشبهات وكده
تم النشر الخميس، ٦ مارس ٢٠٢٥
انا بروح احفظ قرآن في المسجد بس الفترة دي بفكر اني مروحش بقا خالص واروح بعد العيد يكون دنيا هديت شوية
تم النشر الخميس، ٦ مارس ٢٠٢٥
لعرض السؤال في فدني اضغط هنا