بحكي مشاعري اللي محدش يعرف عنها حاجه
أنا عندي ٢٠ سنه دايما كنت بشوف نفسي وحشه من جوه امي عمرها ما فرحت بيا ولا اختي هما بيحبوني لكن أنا سبب دايما اجبلهم مشاكل و بعاملهم بطريقه مش حلوه من جوايا بتمني الموت ولا ادايق امي كده لكن غصب عني بعاند دايما حتى صلاتي دايما بتأخر فيها كلهم فكرين اني مش بحس و معنديش مشاعر لكن بطلت اني اعيط من أنا وصغيره لما كنت بحاول احكي وافضفض ل ماما و مكنتش بتفهمني ولا بتسمعني خت عهد علي نفسي محدش يشوف دمعتي غير الله خلتهم يقتنعوا أن أنا مش بحس بحد
لكن أنا طول الوقت مخنوقه عشان ماما مش فرحانه أنها جبتني و عارفه دا بسببي أنا بس عايزه اعرف اني هفضل كده دايما مش هبقى البت اللي ماما فرحانه أنها جبتها أنا مش عايزه افضل كده لكن مش عرفه دايما بدعي ربنا يصلح حالي و تكون ماما راضيه عني
السلام عليكم. هي اول كلمه انت بداتي بها هي اساس المشكله انك بعد 20 سنه قررتي تبدئي تحكي مشاعرك اللي انت مخبياها رغم انك قررتي مع نفسك قرار هو قرار سيء جدا وكل اللي انت شايفاه قدامك ده هو بسبب القرار الغلط ده اييي وانك ما تعبريش عن مشاعرك وما تطلعيهاش رغم انك قررت ده لانك في نفس الوقت بتلومي على مشاعر اللي قدامك. طيب هل تفتكري فعلا مش بتحبي لا هو دلوقتي اللي ظاهر عليها واللي ظاهر من بره على مشاعرها ورفضها لاسلوبك في الحياه بيوصل لك ان هي من جواها عندها شعور ان هي مش بتحبك ومش مبسوطه ان هي جابتك في الدنيا او حتى لو هي بترد ده بترددوا اييي بسبب ان هي ما كانتش تحب ان يكون عندها بنت بتتصرف التصرفات دي او بالشكل ده. شفت انت قررتي ازاي قرار ورغم كده متضايقه من حاجه بتحصل في المشاعر برده غريبه مش كده؟ علشان تعدلي كل الظروف المضايقاكي دي ضروري انك تنسفي القرار ده انسفيه تماما مش حاجه اسمها معبرش عن مشاعري طب انا ممكن اكون بحكي للي قدامي بس هو غصب عنه ومش قادر يوصل لنفس احساسي فعشان كده ما فهمنيش وطلع منه رد فعل بيقول ان هو ما فهمنيش ممكن اكون قلت له في وقت هو مش مركز فيه اصلا ممكن اكون قلت له في وقت هو مهموم فيه اصلا ممكن حاجات كثيره جدا تخلي مش فاهمني وخصوصا الاب والام يعني ده هم عندهم مليون مسؤوليه ومليون حاجه ممكن تخليهم في اوقات ما عندهمش طاقه التركيز اللي يفهمونا بها غير ان هم كمان ممكن يكون درجه وعيهم ودرجه افكارهم مش واصله للي انا بقوله دلوقتي بسبب فرق الاجيال ففي اسباب كثير جدا تخليها ما تفهمكيش فانصفي القرار ده اللي انت قررتيه عشان هي مش ده اولا. الحاجه المهمه بقى اللي ضروري تتعاملي بها طول الوقت مع مامتك او مع اي حد انك ما تبقيش قاعده مستنيه ومتوقعه حاجه معينه يا اما بلاش او حاجه محدده وتبني عليها علاقه الشخص ده يعني ماما لو جيت اتكلم معاها وراحت مكشره في وشي خلاص كده هي ما بتحبنيش فانا مش هتكلم معاها ثاني. احنا كده بنبقى عاملين زي السياف واقفين على رقبه اللي قدامنا بحركه بكلمه بموقف وده ما ينفعش خالص في العلاقات وكمان ما ينفعش في علاقاتنا باهلنا. في حاجات بتعدي وحاجات بنحاول فيها كثير ومجرب نفهم بعض سنين عقبال ما تقدر تستوعب بعض في نقطه محدده تخلي صدرك رحب واييي يعني على قدر سنك ما شاء الله مش صغيره دلوقتي 20 سنه مش قليل وعي نفسك اكثر بعلاقات وحدودها وازاي اتعامل في العلاقات علشان احسن منها وعشان احافظ عليها احنا علينا واجبات وعلينا مسؤوليات تجاه بعض ضروري جدا ان احنا نوقعهاش قبل ما نفكر ان احنا نقول انا عايز ايه من اللي قدامي وخصوصا لو الام والاب.
تم النشر الثلاثاء، ٦ أغسطس ٢٠٢٤
شعور انها ما بتحبك شعور مؤقت ومش صح مفيش ام مبتحبس اولادهاا تجنبي الحاجات الي بتزعجها ومتعمليش حاجه تضايقها ودايما حسسيها نك تحبية وانك موحودة حواليها وبتساعديها
تم النشر الثلاثاء، ٦ أغسطس ٢٠٢٤
أنت معترفة أنك تسيئين التعامل وتعاندين، وبما أنك تحسنين التواصل مع ذاتك وتحبين تقويم نفسك إذًا الحل أمامك وسهل إن شاء الله. حاولي التقليل من حدة أسلوبك قليلًا لأن العند والمعاملة السيئة يسبب ضغط نفسي رهيب على من يتعامل معك سواءً كانت أختك أو. والدتك. اجلسي معهما وتحدثي بهدوء أنك عرفتِ أخطاءك وأنك عازمة على التغيير واطلبي منهما المساعدة في ذلك. اطلبي منهما أن تنبهكِ إحداهما بطريقة لطيفة إذا انفعلتِ أو دخلتِ لدائرة العند.
تم النشر الثلاثاء، ٦ أغسطس ٢٠٢٤
أولاً، أريدك تعرفي أنك مش لوحدك في المشاعر دي، كتير من الناس بتحس بنفس الشكل، خصوصاً في سن صغير زي سنك. عادي تحسي أن أمك مش راضية عنك، بس المهم تفهمي أنك تستاهلي الحب والدعم. أنا عارفة إنك بتحاولي تتخبي مشاعرك بسبب الإحباط، لكن البكاء مش ضعف. أحياناً البكاء بيكون أفضل وسيلة لتفريغ المشاعر. حاولي تتكلمي مع ماما مرة تانية، يمكن تحاولي تشرحي لها مشاعرك بشكل أوضح، أو لو لا، ممكن تفكري إنك تدوري على حد تاني تتكلمي معاه، زي صديقة أو معالج نفسي. المشاعر السلبية اللي حاسة بها مش لازم تستمر. حاولي تعملي شوية نشاطات تحبها عشان تشعري بسعادة، كمان حاولي تسيبي مساحة لنفسك عشان ترتاحي وتفكري بشكل إيجابي. والصلاة ممكن تكون وسيلة جيدة لطلب الدعم من ربنا دايماً. وفي النهاية، تذكري إن الحياة بتغير والمشاعر كمان بتتغير. تقدري تبني نفس جديدة وإيجابية!
تم النشر الثلاثاء، ٦ أغسطس ٢٠٢٤
لعرض السؤال في فدني اضغط هنا