من صغرنا ابن عمى كان دايما يحاول يلمحلى بحبه بس دايما كنت بعمل مش واخدة بالى لحد من كام يوم بعتلى واعترف بكل حاجة من ناحيتى بس المشكله ان هو بيشرب وكدة غير كده انو مكملش تعليم واتجاه للشغل انا معرفتش ارد عليه لحد دلوقتى معرفش اقول اى خايفة ميتغيرش هو بيحلف انو هايبطل وهيتغير علشان أوافق بس خايفة ميعرفش يتغير وهو بباه متوفى ده بيخلينى اتعاطف معاه ومش ببقا عاوزة اجرحه بس بردو مش عاوزة اجى على نفسى ومقدرش اغيرو للأحسن بفكر فى المستقبل هاعمل اى محتاره ومعرفش هل اديله فرصة يمكن يتغير ولا أرفض واقوله انت زى اخويا وخلاص
العادات دي صعب تتغير ومفيش حد بيتغير عشان حد الحقيقة. التغيير لازم يكون من جوا الشخص نفسه وعشان عاوز يتغير ويكون افضل أو عرف إن الحاجة اللي بيعملها حرام وقرر يوقفها عشان يرضي ربنا. أنا هجاوب على افتراض إنه هو اعترف لك عشان يتقدم لك ويطلبك من والدك مش بيعترف وخلاص عشان تتصاحبوا يعني ويعيش يومين في قصة حب. الزواج مش مصحة علاجية ومش للتهذيب والإصلاح. وكمان بلاش قراراتك تكوني واخداها بإحساس التعاطف والشعور بالذنب وتتعبي بعد كده في حياتك. إذا هو تغير من نفسه ولقيتِ إنه أصبح أفضل وكان ما زال عاوز يتقدم لك فوقتها ممكن تفكري بطريقة مختلفة وتشوفي ياخد فرصة ولا لأ وتصلي استخارة واللي فيه الخير يعمله ربنا. بالتوفيق.
تم النشر الخميس، ١٩ سبتمبر ٢٠٢٤
مش هيتغير اللى بيتجه نحو الحاجات دى صعب يتغير الا لو اتجه لله بقلب سليم ممكن اقولك فى نسبة 60٪ ممكن يتغير
تم النشر السبت، ٢٨ سبتمبر ٢٠٢٤
ميصعبش عليكى يا حبيبتى طبعا مينفعش توافقى خالص على اى ارتباط بشخص بيتكلم وبس اذا كان مقرر يبطل الغلط ويتغير فهو هيعمل ده ....لو هنفترض انه هيعمل ده عشانك فيعمله الاول وبعدين تبقى تبصى إذا كان ده الراجل اللى ينفع زوج ولا لا
تم النشر الجمعة، ٢٠ سبتمبر ٢٠٢٤
بيشرب قصدك مخدرات ؟ لو كده ف اكيد لا وغير كده حاولى تقولى انك مش عوزاه بطريقه متجرحش مشاعره أو تخلى حد من أهلك يكلمو بطريقه كويسه بردو ومعرفش الشعور متبادل ولا لا بس فكره الإدمان دى لوحدها مش حلوه
تم النشر الجمعة، ٢٠ سبتمبر ٢٠٢٤
عزيزتي، أفهم تمامًا حيرتك ومشاعرك تجاه هذا الموقف. من الواضح أنك تواجهين تحديًا عاطفيًا كبيرًا، وهناك العديد من العوامل التي يجب أن تأخذيها بعين الاعتبار. أولًا، من المهم أن تتصلي بمشاعرك الصادقة وتجري حوارًا مع نفسك لتحديد ما إذا كان بإمكانك تحمل التحديات المحتملة في العلاقة معه. إذا كان لديه تاريخ من السلوكيات غير الصحية مثل الشرب وعدم استكمال التعليم، فهذا قد يكون مؤشرًا على صعوبة التغيير. ثانيًا، عليك التفكير في مستقبل حياتك. هل تعتقدين أنه سيكون قادرًا على التغيير فعلًا؟ التغيير يتطلب الإرادة والجهد من الشخص نفسه، ولا يمكنك أن تضحي براحتك وسعادتك من أجل شخص آخر. إذا كنت تشعرين بأنه ليس هناك فرص حقيقية للتغيير، فمن المهم أن تفضي نفسك. إن التعاطف مع حالته وفقدانه لأحد المقربين منه هو شعور إنساني، لكنه لا ينبغي أن يكون السبب في اتخاذ قرارات قد تضر بك. في النهاية، اجعلي أولويتك هي سلامتك النفسية والعاطفية. يمكنك أن تخبريه بأنك تقدرين مشاعره ولكنك بحاجة لمن يكون مستعدًا للعمل على نفسه وتحمل مسؤولياته. إذا قررتِ أن تعطيه فرصة، كوني واضحة بشأن توقعاتك واحتياجاتك، لكن تأكدي من أنك مستعدة لأي قرار قد تتخذينه. الله يوفقك ويمنحك الحكمة في هذه الفترة الصعبة.
تم النشر الخميس، ١٩ سبتمبر ٢٠٢٤
ما انا حاسه ان الموضوع هايكون صعب وبابا اكيد مش هايوافق فتيجى منى احسن ماتيجى من بابا
تم النشر الخميس، ١٩ سبتمبر ٢٠٢٤
بصي انا معاكي أن كل إنسان يستاهل فرصه تانيه بس في موضوع الشرب والادمان والحاجات دي معتقدش انتي الي هتتعبي لان الحاجات دي بتكون صعبه انه يوقفها مش بارادته غصب عنه ولو وافقتي انا شايفه انك هتظلمي نفسك بصراحه وبنسبة كبيره مش هيتغير فا انتي انهي الموضوع بذوق وقوليله انه مفيش نصيب وانك اخوات بس كده
تم النشر الخميس، ١٩ سبتمبر ٢٠٢٤
لو كان عايز يتغير عشانك كان عمل كده من زمان أو من الأول كان فكر أن لازم يهتم بمستقبله عشانك بس هو مش في دماغه أصلا
تم النشر الأحد، ٢٢ سبتمبر ٢٠٢٤
بالظبط كده انتي انهي الموضوع بشكل لطيف معاه
تم النشر الخميس، ١٩ سبتمبر ٢٠٢٤
لعرض السؤال في فدني اضغط هنا