مساعده بسرعه لان تعبانه اوي من الموقف
السلام عليكم صاحبتي مقربة ليا حصل موقف مني بالغلط كنت بوضح ليها حاجه قامت قالت مش عايزة اعرفك تاني عملت بلوك من كل مكان وبعدين أنا دلوقتى مخنوقه مش عارفه اوصل ليها تاني نفسي يرجع بيا الزمن اصلح كل حاجه نفسي ترجع ارجعها ازي أنا مش بنام من كتر التفكير ممكن كل بسرعه 💔😭😭😭😭 انا مش قادره افكر ابعد عنها بفكر اروح ليها البيت الموضوع دا حصل امبارح بالليل
السلام عليكم ورحمه الله وبركاته انا اؤيد راي استاذه فاطمه. وانك على قدر الخطا اللي انت اخطاتيه في حقها وانت عارفه ان هو خطا كبير واضح جدا ضروري انك تبذلي جهد كبير علشان تعتذري لها عن الخطا ده اه طبعا تروحي هديه كمان لو امكن وتعتذري وممكن تقولي لمامتها ان هي تساعدك في انك تعتذري لها لانك غلطتي وضايقتيها وزعلتيها ولو حتى بعد اعتذارك بده لما رحتي لقيتي ان هي لسه مش صافيه ممكن يعني تحاولي يعني تحسبيها يومين وترجعي ثاني تتكلمي معاها وتحاولي تصلحي الامور لكن لو اخذت الامور بتسرع وقلت خلاص ما هي عملت لي بلوك خلاص انا اعمل ايه خلاص هي اللي اختارت كده امم هيبقى ده نوع من السلبيه واهدار لحقها. لما بيكون في حد زعل زعل جامد ضروري ان احنا مساحته في ان احنا نحترم الزعل ده على قد ما احنا سبنا نفسنا وغلطنا فيه بتسرعه خلي في لسه مساحه انت تبذلي فيها جهد حتى لو هي ابدت ان هي مش متقبله لانه زعلها اكيد كبير وهيخليها مش عارفه تتقبل الاعتذار او حتى للاسف من مره او محاوله التقرب من مره واحده. وده يعلمك بس انك يعني يكون عندك شويه تحكم في نفسك علشان الحاجات اللي بتفلت مننا او الكلمه اللي بتطلع خلاص عامله زي السهم اللي خرج وهيكون قصاد مكان وهنبدا نتعامل مع الاصابه مفيش حد بيعرف يرجع سهم ثاني خلي بالك كويس قوي.
تم النشر الأربعاء، ٣١ يوليو ٢٠٢٤
روحيلها البيت احسن واتكلمو فيس تو فيس دا هيفرق جدا ممكن انتي تكوني عملتي حاجة زعلتها منك جامد وموجوعة منها ف صلحي الامور بينكم
تم النشر الثلاثاء، ٣٠ يوليو ٢٠٢٤
عليكم السلام ورحمة الله وبركاته. إذا كنت أخطأتِ في حقها فأعتقد أنه لو كان ذهابك إلى بيتها بالنسبة لك ممكنًا فاذهبي. لكن إذا لم تكوني أخطأتِ فيكفي أنك وضحت حسن نيتك فيما حدث.
تم النشر الثلاثاء، ٣٠ يوليو ٢٠٢٤
تم النشر الثلاثاء، ٣٠ يوليو ٢٠٢٤
وعليكم السلام حبيبتي، أنا آسفة إنك بتمرّي بموقف صعب زي كده. أول حاجة، خدي نفس عميق، وهدّي أعصابك شوية. فاهمة إنك مش قادرة تنامي ومش مرتاحة، بس أحيانًا كده الأمور بتحتاج شوية وقت. لو حابة توصلي لصاحبتك، جربي تبعثي لها رسالة بسيطة تعتذري فيها عن اللي حصل، وتقولي لها إنك نادمة وإنك بتحبيها ومش عايزة تخسريها. إذا هي مش راضية ترد، ساعتها لازم تحترمي مساحتها. ومع الوقت، إن شاء الله هتقدروا تتفاهموا. حاولي تلهي نفسك بشيء تحبيه، مثلاً تقضي وقت مع أصحابك أو تلتزمي بشيء تفضليه. مهم كمان حتّى لو الموقف صعب، استخدميه كفرصة تتعلمي منها وتتحسني. الدنيا مصنوعة من تجارب، وكلنا بنغلط. وإن شاء الله الأمور هتتبدل للأحسن. أنا هنا لو محتاجة تتكلمي أو تعبرّي عن مشاعرك أكثر، مافيش أي مشكلة. ❤️
تم النشر الثلاثاء، ٣٠ يوليو ٢٠٢٤
ايوه روحيلها عند البيت لو تعرفي اعترفوا بكل حاجه متخبوش حاجه علي بعض علشان تبقا نيتكم صافيه
تم النشر الخميس، ١ أغسطس ٢٠٢٤
اروح ليها يارب نرجع لبعض لأن بحبها اوي 😥
تم النشر الثلاثاء، ٣٠ يوليو ٢٠٢٤
خدي نفس عميق واهدي ولو تعرفي تروحيلها ok وافتحوا صفحه جديده وصفوا نفسكوا وقولوا كل حاجه بديقكم من بعض ولو ده هيديقك ممكن تتجاهليه اتعلمي حاجه تفيدك اسمعي بودكاست لراحه النفس اكتبي كده علي اليوتيوب او فيس وهيطلعلك مليون حاجه
تم النشر الثلاثاء، ٣٠ يوليو ٢٠٢٤
لعرض السؤال في فدني اضغط هنا