كيف يمكنني مساعدة أهلي في الظروف الصعبة التي نمر بها وأتخلص من شعور أني عبء عليهم؟

Question

انا واهلى بقالنا كام سنه بيحصل لنا اضطرابات ومشاكل وتغيرات كتير بالذات اخر كام سنه، وانا مدركه اننا بنتعرض لابتلاء كبير بسبب قلة الفلوس بشكل مفاجئ من كام سنه كان ماديتنا كويسه جدا بالنسبة لنا الحمد لله ولكن فجأه بدأت الالتزامات تكتر بشكل مفاجىء وحاجات كتير بتحصل العربيه كل شويه بتعمل حادثه وبتتصلح بآلافات، استلفنا تقريبا من نص الكوكب وعملنا قرض مرتين وتفاصيل اكتر لكن الحمد لله على كل شىء ، اكتر حاجه مؤلمه بالنسبه ليه ان بابا بيعافر من زمان من وهو لسه شاب سافر السعوديه في التسعينات ونزل مصر اتعرف على ماما وخلفونا هناك وعيشنا كذا سنه وكانت حياتنا كويسه جدا جدا لحد ما الشركه اتصفت وبابا قال هينزل مصر تانى وكان اسوأ قرار وندمان عليه وبعد مانزل الوضع على مرور السنين بيكون اسوأ لحد من كام سنه الوضع بقا غير يطاق فعلا احنا بنعيش في ايام بجد بنأجل تعبنا كتير كتير عشان الادويه غاليه بعد ما كنا عايشين احسن من ناس كتير في السعوديه نفسها وحاجات كتير معرفش ليه حالنا اتغير بالشكل المخيف ده وبابا نفسيته تعبت جدا لانه مش عارف يعمل ايه تانى بابا حاليا 57 سنه وكمان حصل مشكله يوم الجمعه اللي فات كبيره جدا وبابا انهار جامد وقال انو مش في إيده حاجه وان معدش قادر وان وشي بقا صغير جدا لما يكون هو مدير مصنع وبيستلف من العملاء الأقل منه احنا مرتبنا كويس جدا ولكن بيحصلنا ابتلاءات كتير جدا وبشكل مستمر بتخلينا نستلف ونتعب نفسيا كلمت ربنا كتير ودعيت وانا بصلى وعملت كل حاجه اتمنى ربنا يسمعنى ويرجع البركه تانى ف حياتنا لان فعلا انا مش قادره خالص حاسه انى عبء كبير على أهلي وانا 17 سنه فعلا مش قدامى حاجه اعملها خالص وبابا ساب البيت وقال هيرجع بعد شهر وبعدين كلم ماما امبارح وقالها انه هيسافر الإمارات طب انا معرفش ايه كميه التعب اللي ف بابا اللي تخليه يسافر ويتشحطط وهو خلاص على المعاش طب هيلاقى شغل فين ولا امتى بجد معرفش الموضوع فيه تفاصيل بس بجد انا معرفش اساسا ايه السؤال انا بفضفض بس والله وادعولى كتير كتير ربنا يحل الابتلاء ده مش عشاني عشان بابا حتى ونفسيته هو غالي عندى وتعب ف حياته وتفاصيل صعبه جدا بس الحمد لله على كل شيء.

Accepted Answer

لا تفكري كثيرا في هذا الشيء انت شخصية رائعه وكريمة اذا كان بمقدورك المساعدة فلن تتأخري ابدا اكن انت ليس بمقدورك فعل شيء، لا عليك، ادعميهم بالكلمة الطيبة وخففي عنهم وادعي ربنا وصلي وان شا۽ الله ربنا كريم لطيف بعباده لا تفكري كثيرا ودعي الامر لله الواحد الاحد واكيد ربنا م ح ينساك وكل شي يحصلك في هذة الحياة لخير ولسبب

Answer

أختي العزيزة، أود أن أبدأ بمشاركة بعض الأفكار معك حول الوضع الذي تمرين به. من الواضح أنك تعانين من الكثير من الضغوط والتحديات، والحمد لله أنك قادرة على التعبير عن مشاعرك. هذه خطوة مهمة في التعامل مع الصعوبات. أولاً، يجب أن تعرفي أن مشاعرك ليست وحدها، فالكثير من الناس يمرون بتجارب مشابهة، والشعور بأنك عبء هو شعور طبيعي في مثل هذه الظروف. من المهم أن تعلمي أن كل واحد منا يواجه تحدياته وابتلاءاته في الحياة، وهذا جزء من سنة الله في الخلق. ثانياً، إليك بعض الخطوات العملية التي يمكن أن تساعدك: التواصل مع العائلة : تحدثي مع أفراد عائلتك عن مشاعرك، قد يساعد الانفتاح في بناء دعم متبادل. البحث عن فرص عمل صغيرة : هناك العديد من الأعمال التي يمكنك القيام بها من المنزل، أو حتى بعض الأعمال الحرة التي قد تناسب عمرك ومهاراتك. التعلم والتطوير الشخصي : استغلال الوقت في اكتساب مهارات جديدة عبر الإنترنت قد يفتح لك أبواب جديدة في المستقبل. المساعدة العاطفية : إذا كان هناك أحد من العائلة أو الأصدقاء الذين يمكنك التحدث إليهم، فقد يساعد ذلك في تخفيف بعض الضغط النفسي. الدعاء والصبر : استمري في الدعاء، فإن الله قريب من عباده. وأيضًا، اعملي على صبر نفسك، فكل صبر له أجر. تذكري أن ما تمرون به ليس نهاية الطريق، بل هي تحديات يمكن تجاوزها بالتعاون والدعم المتبادل. حافظي على الأمل وتوكلي على الله في كل خطوة. أتمنى لك ولعائلتك الفرج القريب.

كيف يمكنني مساعدة أهلي في الظروف الصعبة التي نمر بها وأتخلص من شعور أني عبء عليهم؟

نفسية

خوف

اجتماعية

أهل

سؤال من احد أعضاء فدني

تم النشر الأحد، ٢٩ ديسمبر ٢٠٢٤

2 إجابة

7 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك