ممكن يكون الحب في سن المراهقة حقيقي؟
لا طبعا ده مش اسمه حب ده ممكن نقول عليه أنكم بتدوري علي حد يهتم بيكم ويطمن عليكم دايما وده بيبق من ضمن أسبابه الفجوة التي حدثت بين والديك وبين الأسرة بأكملها والانجراف نحو السوشيال ميديا المدمرة في جمله حلوة اوى ممكن ملهاش علاقه بس احب اعرفهالك اي قرار بتاخديه اسألي نفسك ده "قراري ولا قرار الانستجرام " معظم قراراتنا بتكون مبنيه علي اللي بنشوفه علي السوشيال ميديا وبنكون عايزين نقلده ، غير انه لو سابك مثلا تفضلي متأثرة وتخشي ف اكتأب ومشاعر سلبية انتي في غني عنها ياريت تقفلي الباب ده تماما وده غير ان ده حرام اصلا ويسقط عليكي غضب الله اوصيكي بتقوي الله واتباع سنة سيدنا محمد عليه أفضل الصلاة وأتم التسليم وتلجأي للقرآن ومتستسلميش لافكارك الشيطانيه دى ومتخليش الشيطان يضحك عليكي ويخشلك من الباب ده حافظي علي وردك وصلواتك الخمس واكثري من النوافل وتقربي من المولى سبحانه عز وجل
تم النشر الجمعة، ١٨ أغسطس ٢٠٢٣
بعيدًا عن كونه حبًا من عدمه فالأمر الأصيل والأكيد أن عقلية الإنسان في سن المراهقة تتغير تمامًا بمجرد دخوله سن ما بعد العشرين، بسبب خوضه للعديد من التجارب والخبرات، وهذا التغير يشمل ما نقبله ونرفضه في شريك الحياة الذي نريد إكمال حياتنا معه، بل وتتسم رغباتنا واختيارتنا لهذا الشريك بالكثير من العقلانية مقارنة بتلك التي راودتنا في سن المراهقة، وكلما كانت التجارب والخبرات أكثر، كلما كانت رغباتنا وأحلامنا أكثر واقعية وأقل جموحًا. النقطة الثانية هو لماذا نحن نختار دخول علاقات مع الجنس الآخر، لأننا نبحث عن شريك الحياة الذي سنقضي معه العمر كله أو حتى بعضه. أي أننا نبحث عن علاقة تتسم بالاستمرارية وتكلل بالارتباط الشرعي في النهاية، فهل قصص الحب التي تقع في المراهقة تتسم بهذا وتنتهي بهذه النهاية. حقيقة أغلبها ينتهي سريعًا، ويبدأ كل من الطرفين في البحث عن شريك آخر، وهكذا حتى تستهلك مشاعر القلب تمامًا وربما يصبح غير قادر على التفرقة بين هذه المشاعر وبين مشاعر الحب الحقيقي. هذا هو تحليلي الخاص للأمر برمته.
تم النشر الاثنين، ٢١ أغسطس ٢٠٢٣
هو بيبقى انجذاب بس للجنس الاخر ...بداية استكشاف المشاعر الحب مش استكشاف اصلا ....الحب معنى اعمق واقوى من الحاجات الاوليه دى
تم النشر السبت، ١٩ أغسطس ٢٠٢٣
لأ .. لانه مش حب حياة الشخص اول ما بيبدأ في سن المراهقة .. بيكون عايز يكتشف حاجات كتير في حياته ومن الحاجات ديه بتكون (الحب). بيكون عايز يجرب، بيكون عايز وبيتمنى يعيش في حالة حب .. شخص تحبيه ويحبك .. ولكن في المرحلة اللي بيكون موجود هو حب مراهقة او انجذاب طبيعي انه يحصل ما بين اي طرفين، ومع الانجذاب ده بتتولد (حالة) الحب .. وهنا فيه فرق ما بين الحالة نفسها والحب. الحالة انتي بتكوني منغمسة فيها، حابه الحالة نفسها بكل ما فيها، مش هتفرق مع الشخص ده او كان غيره، بس طبعا وقتها بتكوني مغيبة ومقتنعة بالشخص ده غض النظر عن اي حاجه تاني. لما تكبري شوية وتعدي ال 20 .. تفكيرك هيتشقلب .. هتكون اساسا حد تاني بتفكير وافكار مختلفة .. هتتعرفي على نفسك اكتر، هتعرفي انتي عايزة ايه ؟ ومحتاحة تتعلمي ايه؟ الرؤية كل ما تكبري هتوضح عندك اكتر، وبالتالي هتوضح برضه في الجانب العاطفي عندك اكتر .. هتعرفي الشخص اللي عايزاه في حياتك هيكون عامل ازاي؟ انتي دلوقت وانتي مثلا في ثانوي او اعدادي .. تفكيرك هيكون غير وانتي عندك 25 او 23 سنة .. هتكوني واعية اكتر .. وهيكون ليكي متطلبات في شريك حياتك غير وانتي عندك 16 سنة .. فالبتالي اللي موجود في حياتك دلوقت ممكن مينفعكيش لما تكبري، وهو كمان لما يكبر اكتر ممكن يشوف حد تاني بمطلباته لما يكون 25 او 26 .. حتى لما يكون عنده 30 هيكون بتفكير برضه مختلف وانتي كمان .. كل ما تكبري كل ما تنضجي اكتر، وتفكيرك يتغير. حاجه كمان مهمه - اي علاقة مش رسمي متعتبرش علاقة جدية .. او ترضي ربنا. ف ياريت تحافظي على نفسك وتصونيها، لحد ما يجي فعلا اللي يقدرها ويستاهلها في النور مش ف الظل. دمتي بخير
تم النشر السبت، ١٩ أغسطس ٢٠٢٣
بصي انت حاليا في سن اسمه سن المراهقة زي ما انت قلتي و في السن ده انت المفروض تعيشي سنك و تفرحي و حوار الحب و الارتباط ده مش وقته خالص ولو افترضنا انه حقيقي لو هو بيحبك بجد مش هيرضى يكون معاكي في علاقة مترضيش ربنا بصي انا قريت قبل كدة (بس مش متأكدة من المعلومة) ان ربنا بيكتب اسمك جمب اسم الشخص اللي هتتجوزيه من قبل ما تتولدي اصلا فلو كان هو الشخص المنشود بإذن الله فهو هييجي في وقته عيشي سنك و ابعدي عن أي حاجة حرام و افتكري ان من توجه إلى الاستقامة و هو شاب كان من السبعة اللي ربنا هيظلهم بظله يوم القيامة ان شاء اللع
تم النشر الجمعة، ١٨ أغسطس ٢٠٢٣
بالنسبه ليا عن تجربه لا لان اول مهتكبري وتروحي الجامعه وتتعملي مع أشخاص هتبصي للحياه بشكل تاني وغير كده ممكن تكتشفي أن مكنش حب لا فتره مراهقه مش اكتر غير لو كان سنك فوق 19هيبقي نظرتك في الحب صح
تم النشر الجمعة، ١٨ أغسطس ٢٠٢٣
بنسبه ليه هرجع لاول كلمه
تم النشر الجمعة، ١٨ أغسطس ٢٠٢٣
مظنش
تم النشر السبت، ١٩ أغسطس ٢٠٢٣
اه انا شايفه حقيقي
تم النشر الجمعة، ١٨ أغسطس ٢٠٢٣
مقنعة برضو
تم النشر الجمعة، ١٨ أغسطس ٢٠٢٣
لعرض السؤال في فدني اضغط هنا