انا كان عندي بيست فريند وكانت قريبه مني اوييي وبنحب بعض جدا بس كنا كل شويه خناق كتير اوي علي اتفه الاسباب وكانت بتقفلي ع الواحده ف بقيت انا كمان اقفلها ع الواحده وكل مره نقول لازم نعقل ونبطل خناق كتير عشان منخسرش بعض بس كنا بنرجع نتخانق تاني لحد ما لقيت صاحبه ليا متفهمه ومبتتخانقش كتير وببقي مرتاحه معاها ف بقت هي بيستي ولما بيستي الاولي عرفت اني ليا بيست غيرها غارت وادايقت بس كنت كل مره بصالحها لحد ما ف يوم اتخانقنا خناقه لرب السما وهي كانت استفزتني اوي ف قولت عشان الموضوع ده يخلص ونبطل انا وهي خناق لازم العلاقه دي تنتهي ونخلص ف روحت مقارناها ببيستي التانيه وطبعا اوحش شئ المقارنه وجرحتها شويه يعني وكل ده في لحظه غضب ف هي ادايقت وقالت نقطع العلاقه بس انا قولتلها خلينا صحاب من بعيد لبعيد احسن وافقت ومبقتش تكلمني كتير ومبقناش زي الاول خاالص بس رغم اني عملت كده عشان نقطع ونرتاح بس مرتحتش وانا بحبها اوييي اويي بجد وعايزه نرجع انا وهي بيست زي الاول واحسن بس حاسه انو مش هينفع خصوصا اني حاسه ان بقي ليها بيست تانيه ف مش هتوافق نرجع انا وهي زي الاول وعشان كمان الكلام اللي قولتهولها ف كنت بفكر اني اجبلها هديه واصالحها ونتناقش بهداوه واقولها اني فعلا ندمانه وكده بس ساعات بيجيلي احساس انها ممكن متوافقش بس برضو بحسها هتوافق وهتسامحني بتعاملني كويس وبتكلمني كويس وطريقتها معايا كويسه بس مش زي الاول وفي بنت صحبتنا قريبه منها اوي ودي اعتقد هي اللي بيستها حاليا البنت دي بقي بتفضل لازقه فيها حرفيا وصحبتي الانا عايزه نرجع انا وهي بيست تاني دي بحسها بتهرب منها قدامي لما مبقاش انا موجوده صحابي قالو مبتهربش بس لما ببقي موجوده مبتحبش تحتك بيها كتير وبتفضل تبصلي وكان عينيها بتقولي ان هي كمان عايزه نرجع زي زمان ف مش عارفه اعمل ايه
أولاً، فكري في الأسباب اللي كانت بتودي للخناق مع بيست فريندك الأولة. هل كانت مشاكل معينة بتتكرر بينكم؟ او عادات سلبية بتآذي العلاقة؟ عشان لا تعيدي نفس الأخطاء في علاقتكم المستقبلية. ثانياً، من المهم تواجد الصداقة في أي علاقة، فالثقة والاحترام المتبادل بينكم يرتقي بالعلاقة. اسألي نفسك إذا كانت علاقتك مع بيستك الجديدة تبني على الثقة والاحترام والدعم المتبادل. وأخيراً، حاولي تفادي مقارنة بين الصديقات، واستمعي لمشاعرك واحتياجاتك. اذا كنت ترغبين في إعادة العلاقة مع بيستك الأولى، فحاولي التواصل معها بصراحة واستمعي لآرائها أيضا. قد يحتاج الأمر إلى وقت وجهد لإصلاح الأمور، لكن يمكن تحقيق ذلك بالتفاهم والصبر.
تم النشر الخميس، ٢٣ مايو ٢٠٢٤
اولا بداية الخلاف وانفصالك عنها دا غلط، انتى بتقولى انها كانت بيستك المفضله بس دا م حقيقه لو كانت فعلا ليها غلاوة عندك بالشكل دا مكنتيش ابدا هتفكرى مجرد تفكير انك تنفصلى عنها او تقطعوا علاقتكوا ببعض.. بس اى كان اللى حصل المهم دلوقتى واحب عليكى انك تحاولى ترجعوا علاقتكوا وتجربى تكلميها وتصالحيها وتحاولى مره واتنين وعشرة اذا كانو فعلةا تستاهل وانتى شايفاها صحبة جدعة ومينفعش تخسريها ف حاولى انك ترجعى العلاقه ، وهى كمان لو ليكى نفس الغلاوة عندها م هتقلك لا وهتحاول كمان انكوا ارجعوا لبعض 🤍
تم النشر الخميس، ٢٣ مايو ٢٠٢٤
لعرض السؤال في فدني اضغط هنا