السلام عليكم ورحمة الله وبركاته انا محمد 19 سنة عندي ادمان على العادة السرية ومشاهدة الإباحيّة عايش حياتي في اكتئاب كل يوم بسببهم وكل يوم في صراع معهم علشان ابطل ومش قادر للاسف جربت طرق كتيرة علشان ابعد عن هذا الطريقة وبردو برجع ليه مش عارف اعمل زهقان من حياتي، لو حد يعرف يفدني حتي لو بكلمة يقول 😔
محمد هقولك كام حاجة صدقني لو فهمتهم هترتاح بعيدين في بعض المفاهيم كده في دماغك لازم تتغير رقم واحد ان الله لا يغير ما بقوم حتى يغيروا ما بأنفسهم ولا انا ولا غيري هنديك الحل الواو الي يطلعك من كل ده، ابتلائك يا ابني في الدنيا اختبارك انت وكل واحد عنده حساسية نفسية اتجاه حاجة فكرة الارادة واني اقف قدام الحاجة دي واقاوم صدقني هتخسر ماتش محسوم الحل انك مريض بهذا الشئ تبعد الفون عند مفيش حاجة اسمها نت وانت قاعد لوحدك حاوط نفسك بالناس اخرج اتعلم عيش الدنيا واتنفس حاول تبني عادات جديدة ارشحلك في ده كتاب العادات الذرية لما بتملى الجوانب دي وقتك بيتملي والفراغ الي جواك بيتسد زي ما قولتلك مفيش حاجة تجمعك بفون وانت قاعد لوحدك واعمل كده فترة تلت اسابيع مثلاً اقفل الابواب خالص اقطع اي علاقة لازم تدرك واوعى ثم اوعى تقلل من هذا الشئ وتقول انا احسن من غيري كل واحد يا محمد ليه اختباره وليه قاعه في ناس قاعها امراض وقاعها موت انت على قد تحملك اكتب كل موقف حسيت بذل فيه واتكسرت بسبب الحوار ده قدام نفسك يتخلص الحوار في الآتي حاجات برنامج تعافي - اعادة الصلة بالناس والقوة العظمى الله سبحانه وتعالى - متعاقبش نفسك وتحس بالذنب عن الانتكاس حاول لحد ما تموت انت مخلوق عشان كده كل يوم بيعدي وانت مش بتضرب انت معجزة بحد ذاتك عشان كيمية مخك اتلعب فيها كتير من ده - تقبل مشاعرك وتقبل نفسك بكل شئ، وارشحلك دكتور عماد رشاد ابحث عنه في اليوتيوب واسمع حلقات التعافي، واعرف انك ما فكش شئ من العار كلنا عندنا امراض بنعالجها يوم عن يوم واوعى تكون فاضي انت طول اليوم مسحول في تمرين في شغل في دراسة عايز تحط دماغك على السرير وانت مهلوك
تم النشر الأربعاء، ٢٥ ديسمبر ٢٠٢٤
وعليكم السلام ورحمة الله وبركاته بتقضي وقتك في ايه تاني يا محمد؟ قصدي أسال عن ( دراسة . هوايات . شغل .. ؟ ) تواصلك وعلاقتك مع أهلك وصحابك شكلها ايه؟ جربت تصوم وتفضل لآخر اليوم محافظ على صيامك وتدعي ربنا يتوب عليك منها وانت صايم لأن دعوة الصائم مستجابة بإذن الله حتى يُفطر جربت تزود طاعات أكتر لعلَّها تغفرلك ذنب الإباحية؟ وتزاحم سيئاتك بالحسنات جربت تتخيل إن ربنا قبض روحك و توفيت على هذا الحال؟ وأهلك واللي يعرفوك دخلوا شافوك كده وقعدوا يتعوذوا من سوء الخاتمة جربت تحط عقبة بينك وبين الإباحية ؟ بحيث تديك وقت تفكر وتبذل مجهود ولو ثواني قبل ما تدخل تشوف الأفلام دي زي إنك تستخدم أبلكيشن يحظر المحتويات دي مثلاً ويمنع عينك تشوفها باستمرار عشان ماتحركش شهوتك وتُثار وترجع تاني ليها جربت تقضي جزء من يومك تشوف وتسمع فيديوهات ومحتوى بيتكلم عن الإباحية من وجهة نظر دينية وعلمية وصحية وتحاول جاهداً تطبق النصايح اللي فيه؟ جربت تنزل أبلكيشن فيه مجتمع من مدمني الإباحية اللي بيحاولوا يقلعوا عنها وبيشاركوا تجاربهم وتقدمهم مع بعض وقدام الأعضاء الآخرين؟ ممكن أطلب منك طلب ؟ مش عايزاك تنتظر حل سحري من أي حد عايزاك بس تفضل تعاند شيطانك وتجرب وتحاول ف كل الحلول المفيدة كلهااا بلا استثناء اللي تفشل فيه جرب غيره وما تيأسش من التوبة وكل ما تغلط توب واستغفر انت بجد أكيد مش عايز تموت على سوء خاتمة ربنا يتوب عليك ويهديك ويعفو عنك ويرزقك وإيانا حسن الخاتمة ♥️
تم النشر الأربعاء، ٢٥ ديسمبر ٢٠٢٤
ربنا معاك وطالما انك عارف انه غلط وبتحاول تبطل فربنا معاك حاول كل متحس انك عايز تغلط تروح تتوضا وتصلى حاول تقرا روايات وتشغل نفسك بيها اتعلم هوايه مثلا ومتنساش الاذكار بيفرق جدا هدانا الله واياكم❤ متفوتش فروض وصلى السنن اشغل الوقت اللي بتعمل فيه الغلط مع الوقت هتنسى انك كنت بتعمل كدا
تم النشر السبت، ٢٨ ديسمبر ٢٠٢٤
عليك بالدعاء وحفظ القران هذا يملئ عقلك بما يفيد والصلاه في الجامع في جماعه يااخي.. ويجب عليك عدم اتباع اسلوب حساب الايام هذا يتعبك اصلا ..وايضا اسمع كثيرا للاضرار وبودكاست يتحدث عن الاباحيه والعاده السريه حتي تكتسب ثقافه عن مخاطر ما تفعله ذالك سوف يعطيك عزيمه.. واسأل الله لك الهدايه ولي انا ايضا ..
تم النشر الخميس، ٢٦ ديسمبر ٢٠٢٤
بص يا محمد الداء ده مرض شهواني يحتاج تحصين يعني اللي اقصده إن طول ما أنت عندك معلومات علميه أولا عن الموضوع هتحط حواجز كتيير بقدر كل معلومه وأبسط شيء حابب أقولهولك دول ناس بيعين نفسهم بالفلوس لناس تانيه بتاجر فيك من مؤثرات عشان يجذبوك عشان أنت السلعه اللي هتجيب ليهم فلوس كتير وكتيييير جدا حرفيا من كل ثانيه تخيل كل واحدة هتشارك فيه عشان عارفه أنه مربح الحقيقه إنك مساهم في ربحها مهما كونت نسبتك واحد في المليار فأنت مساهم وكمان أما يتشهروا بيزودوا إعلانات توصل ليهم يعني أنت مساهم إن غيرك يشوف ولما مشاهداتهم بتزيد أنت مساهم أن لو حد شاف هيقول ما في ناس كتير زي وكل ده أصلا يا صديقي تمثيل!!! أنت لي مش بتفكر أنهم بيمثلوا وأنت تشوف على حساب علاقتك بخالق الكون على حساب نفسيتك على حساب صحتك على حساب وقتك على حساب ثقتك بنفسك من شويه ممثلين!!! ثاني شيء القرآن شفاء لما في الصدور وليس دواء لان الدواء ينفع أو لا لكن الشفاء هيشفيك يعني من أمراض القلب كالشهوه فحاول كل يوم تزيد عن اليوم اللي قبله وأقرأ بصوت عالي أخر شيء اياك والفراغ اياك والفراغ اياك والفراغ وما تبقى لوحدك بقدر الاستطاعه وإن شاء الله لو نفذت اللي قولته ليك تتحسن وترجع أبشر حاجه أخيره أحنا مش مثاليين إياك لو وقعت تستسلم زود محاولات استغفار وورد وانشغال لحد أما تلاقي نفسك تتعب إنها ترجع تاني وأتمنى تكون استفدت
تم النشر الأربعاء، ٢٥ ديسمبر ٢٠٢٤
وعليكم السلام ورحمة الله وبركاته، محمد. أفهم تمامًا مشاعرك وما تمر به. الإدمان على العادة السرية ومشاهدة المواد الإباحية يمكن أن يكون تحديًا كبيرًا، خاصة في سنك. أول شيء يجب أن نذكره هو أن هذا موضوع شائع، ويواجهه الكثير من الشباب. لذلك، لا تشعر بالوحدة في هذا الصراع. إليك بعض النصائح التي قد تساعدك: التوعية : حاول أن تتعرف أكثر على التأثيرات السلبية لمشاهدة المواد الإباحية واستخدام العادة السرية بشكل مفرط. الفهم يساعدك في تغيير سلوكك. وضع الأهداف : حدد أهدافًا صغيرة ومحددة لمساعدتك في التغلب على هذه العادة. على سبيل المثال، يمكنك تحديد عدد الأيام التي ستحاول خلالها الابتعاد عن هذه العادات. تغيير الروتين : حاول تغيير روتينك اليومي بأنشطة جديدة مثل ممارسة الرياضة، القراءة، أو الانخراط في هواية جديدة. هذا يساعدك في ملء وقتك بأشياء إيجابية. الدعم الاجتماعي : تحدث مع شخص تثق به عن مشاعرك، سواء كان صديقًا أو عائلة أو حتى مختصًا. لا تخف من طلب المساعدة. تجنب المحفزات : حاول الابتعاد عن المواقع أو المواقف التي تعيدك إلى هذه العادات. اجعل بيئتك مشجعة على التغيير. الأهم من كل ذلك هو أن تكون صادقًا مع نفسك. كلما كنت مستعدًا للتغيير واعترافك بالتحقيق فيه، كلما زادت فرص نجاحك. تذكر أن كل يوم هو فرصة جديدة. وفقك الله وأعانك على التغلب على هذه التحديات.
تم النشر الأربعاء، ٢٥ ديسمبر ٢٠٢٤
التائب من الذنب كمن لا ذنب له. قاعدة أمامك .. واستعينوا بالصبر والصلاة..
تم النشر الخميس، ٢٦ ديسمبر ٢٠٢٤
التزم بصلواتك واسمع خطب عن العاده السريه من المشايخ وجزاءها ف الاخره وعليك بالصيام بيحفظ النفس وحاول تلعب رياضه وتشغل نفسك عن الفراغ
تم النشر الخميس، ٢٦ ديسمبر ٢٠٢٤
لعرض السؤال في فدني اضغط هنا