انا بنت عندي 21 سنه اعترفت علي شخص وانا عندي 16 سنه كنا صحاب في نفس المعهد وبعد كده الصحابيه اتحولت لحب فضلنا مع بعض لحد ما بقا عندي 20 سنه يعني فضلنا نحب بعض اربع سنين وبعد كده عرفت أنه كان بيحب صاحبتي وكان معايا بس عشان يعرف أخباره بس هي كانت مخطوبه و مش بتحبه والا فارق معاها اصلا وانا حبيته اوي بصراحه واتعقلت بي جامد كنت مستعده اخسر اي حاجه الا هو بس لما عرفت حقيقته تعبت وحصلي مشاكل نفسيه بعد ما سبته حسيت أن فعلا حياتي واقفت بعده وانا دلوقتي الحمد الله بقيت كويسه بس هو دلوقتي ليحاول يرجع ليا تاني
"ندا " فوقي وسيبك من الكلام دا بالنسبة العيال دا لما يقبلك تاني او يحاول يكلامك هيكون محتاج يسمع منك اقوي راد اعتبار لك امسحي بيه البلاط "حق الراد مكفول ليك " وخليك ناشفة كده دا كلها مجرد عاطفه كاذبة موش حب حقيقي بالمعنى.🌸
تم النشر الجمعة، ٢٧ أكتوبر ٢٠٢٣
سيبك منه هو او غيره وثقه. اهلك بالدنيا تعرفي انك لو رجعتيله فرصة انك تصلحي من نفسك وربنا يغفرلك هتبق صعبه وكمان اهلك لو عرفو اتخيلي كم الخذلان ال هيحسو بي والله ثقتهم هتنعدم فيكي متخليش مشاعرك تغلبك انتي دلوقتي ضعيفه بس حبيبتي هو استغلك لمصلحته وبكدا انتي مش فارقه معاه لأنك لو فارقه فعلا مكنش استغلك دا ملوش امان اتمنى متخديش كلامي بزعل وتحبطي انتي تستحقي شخص يقدرك ويحترمك وصدقيني هتعيشي اسود ايام حياتك لو رجعتيله استني نصيبك وحبك الحقيقي ال بجد ال هتقضي معاه الباقي من عمرك في الحلال وقبل م تخطي اي خطوه صلي استخاره مش معنى تصلي هترجعيله او لا انتي لو قررتي ترجعي براحتك ولكن استخيري ربنا الاول وصلي بنية انك قررتي ترجعي مش بنية انك هترجع ولا لا لو في خير هتحسي بارتياح وهيجي يتقدملك مفهوش خير هتحسي انك مش مرتاحه حتى لو حاجه بسيطه ومن غير مشاكل ولا اي حاجه عشان ميمسكش عليك حاجه سيبي واعتبري انه مكنش موجود
تم النشر السبت، ٢٨ أكتوبر ٢٠٢٣
بصي بلاش تأمني تاني .. الشخص اللي خذل مره مش صعب عليه يخذل مرات وعشرات وهو مكنش امين معاكي ولا كان واضح كفايا كان بيلف ويدور وشخص يبدو من كلامك انه منزوع منه الدين والحكمه بلاش تكملي معاه اللي باقي من عمرك بجد هتندمي وهتكوني ظلمتي نفسك ظلم شديد استني اللي يجي يكون بيخاف من ربنا وتقي وربنا مبارك في خطواته .. لو لسه بتحبيه وعندك نيه تديه فرصه تانيه ؛ يبقي تقوليله انا مش هكمل في حاجة حرام واطلبني من اهلي وادي نفسك فتره تشوفي اتغير حقيقي ولا لا
تم النشر الجمعة، ٢٧ أكتوبر ٢٠٢٣
السلام عليكم... اول حاجه المفروض اصلا مكنش حصل اللي حصل دا من الأول لانه حرام ودي اهم حاجه لازم تعرفيها ولازم تستغفري ربنا كتير وتطلبي منه العفو والرحمه .. تاني حاجه بقا اللي عايزك يجي يطلبك من بيتك وانتي لو لسه مرتاحه له خلاص يجي يطلبك من أهلك واتجوزوا..بس
تم النشر الجمعة، ٢٧ أكتوبر ٢٠٢٣
لا فكك منه زى ما مريت بالاسوأ لوحدك هتعدى فكره رجوعه دى كمان انتى قويه وتستاهلى كل حاجه حلوه❤️
تم النشر الأحد، ٢٩ أكتوبر ٢٠٢٣
إوعى تهينى نفسك... خلى نفسك عزيزة... كنا عيانين بيه وخفينا الحمد لله آنتى مش قليله ونفسك حلوة تستاهل حد يقدرها وبيحبها آوى...
تم النشر الأحد، ٢٩ أكتوبر ٢٠٢٣
اوعي ترجعيله مهما حصل استني الفرصة الحلال وانتي الحمدلله خلاص عرفتي تنسيه يبقا ليه ترجعي للهم بايدك تاني
تم النشر الاثنين، ٣٠ أكتوبر ٢٠٢٣
متديش مجال ليه تضمني منين انو مش هيكدب دا كدب عليكي 4سنين خدي بالك اوي
تم النشر الجمعة، ٢٧ أكتوبر ٢٠٢٣
لعرض السؤال في فدني اضغط هنا