انا شخص عندي 20 سنه كان نفسي احقق حجات كتير في حياتي و يامه كان عندي 17 سنه و كده كنت متخيل اني هروح الجيم و هبني جسمي و هطلع الاول على دفعتي و هبقى حاجه مشرفه وكده وصلت سن 18 سنه جالي خمس غضاريف في ظهري و الرقبه جسمي خس و بقيت صعب اتحرك و بقيت منطوي وبقتش عارف اتعامل مع الناس و بقيت اخاف من اي حاجه اسمها تجمع للناس بمعني جالي رهاب اجتماعي و بقيت بفكر كتير في اقل موقف يحصلي يعني بقا عندي وسواس قهري شديد و حياتي اتدمرت حرفيا وبقيت اكره نفسي و كل ما اجي اعالج نفسي و اجي اختلط و اتكلم مع حد بحسو بيبصلي بصة قرف و بيتجهلني فتحولت معايه كمان اني بقيت اقول السبب يمكن في شكلي بعد ما خسيت فمبقاش عندي ثقه في نفسي كمان بدل ما كان الناس هما ال بيضحكو ويختطلو معايا بقا كلو بيبعد عني حسيت بقا ان الناس بتتعامل بالمظاهر بس وغير كده دخلت في سكة ادمان الاباحية و العادة السرية بحجة اني بجلب السعادة لنفسي بدل الهم و التفكير و وجع الجسم طوال اليوم حرفيا انا بتدمر ونفسيتي تعبت وكل ال حصلي بسبب المرض بس انا مش معترض على امر ربنا و انا بصراحة انا نفسي الاقي علاج لحالتي المعقده دي ال يقدر يسعدني يريت يقول لاني حرفيا انا تعبت اوي ودموعي على خدي طول اليوم على الحال ال وصلتلو ده والله نفسي ارجع زي الاول او احسن كمان.
ايها الشاب العشريني الجميل. رغم انك بتتحدث عن هموم في كلماتك لكن انا شايفه جواها واحد جواه نبره امل كبيره جدا. انا اقول لك على. جزئيه ممكن لو بدات تشوفها. وبدات تشتغل عليها هتلاقي الدنيا اختلفت معك بشكل كبير جدا ايه النقطه دي؟ جزء كبير مش مش الكل ولكن جزء كبير جدا من اللي احنا بنشوفه بيطلع من الناس هو بيكون جوانا. لما انا بشوف حد بيبص لي او اشوف كل الناس او اغلب الناس بيبصوا لي بصه شفقه ده عشان في الاساس انا اللي باصص لنفسي بصه الشفقه من جوايا انا بشفق على نفسي فمن كتر ما انا النظره دي انا متشبع بها انا بشوف الناس بصالي كده. لانه ما حدش فينا بيقدر يعرف اللي جوه الناس الحقيقي. ما حدش فيها بيقدر يقرا الافكار ولا يقدر يقرا القلوب ولا يقدر يقرا النفوس غير ربنا علشان كده من يعني الحاجات اللي نصحنا بها الرسول عليه الصلاه والسلام ووصانا بها ان احنا نتعامل مع الناس بظواهرهم باللي هم بيبينوه. لكن لما اجي الاقي نفسي بتعامل مع الناس واقول اصل حاسس ان هم مش عايزين يقعدوا معايا اصل حاسس ان هم تعرف ان انت كده داخل في جزئيه كبيره اللي هي نظرتك انت الشخصيه لنفسك. الحاجه الصعبه اللي انت عديت بها لكن اختبار الاختبارات اصلا بتجيلنا في اوقات بتكون هي الاوقات المنوره قوي ودي بتبقى اقوى الاختبارات ساعتها تعرف ان انت حد مش قليل لانه الاختبارات الكبيره ما بتجيش غير للناس العظماء. فبما ان ربنا اختار ان هو يختبرك في النقطه دي انك كان عندك حلم كبير وحلم متعلق بجسمك بقيت احلامك كلها على شكل جسمك وعلى حاجات هي اللي لما هتشتغل عليها ومناصب يعني توصل لها هتحس بانك حققت احلامك وهتحس بانك وصلت لشيء فربنا اختبرك في النقطه دي وقال لك طب وريني كده لو انا منعت عنك انك تشتغل على الحلم. هتعمل ايه هتعرف تلاقي غير ولا لا هتعرف تفضل شايف بقيه النعم ولا لا وهو ده الاختبار اول نقطه بص لنفسك بانك مش قليل مش معنى ان ناقص منك حاجه او انك فقدت شيء مؤقتا يعني ان كده الحدوته خلصت او ان الدنيا دقت الدنيا حقيقي ونعم ربنا واسعه وكثيره كتيره كتيره جدا لكن احنا اللي بنبقى عشان عينينا صغننه فبنبقى نظرتنا ضيقه مش شايفين غير حته صغيره مش قادرين عينينا الصغيره دي مش قادره تلم كل مراحل الدنيا ولا كل البراح بتاع الاحتمالات اللي موجوده في الدنيا والاختيارات الكتير اللي احنا ممكن نختارها غير الاختيار اللي راح مننا اللي راح مننا ده واحد في الميه تسعه وتسعين في الميه سبناهم. ليه عشان احنا اتبنت جوانا نظره وسبت زي الصوره كده اللي احنا نقوم دايسين على الكاميرا تلقط صوره تلقط رياكشن معين فاحنا ممكن نثبت الرياكشن ده ونكرر ان هو ده احنا احنا رياكشن واحد احنا صوره واحده لا احنا صور كتير احنا ممكن نبدل شكل وشنا لكذا شكل ويطلع على وشنا كذا شعور ما بين ثانيه والثانيه ما تسبتش نظره واحده ما تثبتش رياكشن واحد ولا واحده واعرف انك ممكن تغيرها وممكن تشتغل عليها كتير وتقدر تكون البني ادم مش هقول لك اللي انت عايزه ولكن البني ادم اللي ربنا يكون راضي عنه ولما يبص لك يقول فعلا ده عبد شكور.
تم النشر السبت، ٢٥ مايو ٢٠٢٤
جميله الصوره ومعبرة جدا وده يدل على قوة إدراكك وخيالك الواسع اللهم بارك 🌺 قبل أى حاجه لازم تعرف إن أكتر حد ناجح هو أكتر حد فشل لان كل نجاح قصاده فشل عشان كده بعد مابنذاكر لازم نحل امتحانات كتير وأسئلة لسنوات سابقة عشان نغلط فحلها ولما نوصل للامتحان الحقيقي نكون ادربنا على الحل الصح ونجاوب بسهولة ونوفر فالوقت ... بالظبط الحياة لما بنقع وننزل تحت أوى بنفتكر إننا انتهينا بس الحقيقية إننا بنتعلم عشان نبتدي صح (مش هقول بدون أخطاء تماما بس بأخطاء أقل نتيجة لخبرات الفشل السابقة) بنطلع أسرع وبثقة أكبر لأننا معانا خبرات سابقة . د.مصطفى محموظ (رحمه الله) فضل مريض ٣سنين وانقطع عن كلية الطب وزمايله اتخرجوا وهو مازال مريض وده كان التمن عشان يكون الدكتور مصطفى محمود ال علمه يُدّرس إلى الآن وأبحاثه لازلنا نستمتع بها وننبهر منها لوقتنا الحالى . كلامى مش كلام عشان تاخد طاقة إيجابية وتشحن وتحس انك هتهد الدنيا وبعد شوية تزهق وتنتكس تانى لكن ده معتقدات أسعى أنها تكون جزء من قيمك ومنظومتك الفكرية وانا واثقة فيك انك هتعرف تعمل ده إن شاءالله... وعشان الكلام مياخدناش وننسى الخطوات العملية ابحث عن قناة واعى، قناة نوفاب بالعربى عاليوتيوب بيعرضوا خطط علاجية وقصصة ملهمة للتعافى من الاباحيات، وده إجراء اجبارى وليس اختيارى لان بدون تعافى حرفيا حياتك هتنتهى بالتدريج وده ال انت فاهمه وعشان كده بتدور على مخرج دلوقتي !! رحلة تعافى موفقة وقريبا تنضم لفئة )wounded healer المعالج الجريح ال بيعلم الناس التعافي عشان هو اختبر نفس وجعهم قبل كده وقدر يخرج للنور وحابب يساعد ال لسه فالضلمة بيعانى .... بالتوفيق ياااارب 💪✌️
تم النشر الأحد، ٢٦ مايو ٢٠٢٤
بص يا حبيبي انا كان عندي نفس اللي انت بتقول عليه ده حاجه واحده بس لا دكتور نفساني ولا دكتور مخ واعصاب ولا مستشفى امراض نفسيه ثلاث حاجات اذكار الصباح والمساء وسوره قل هو الله احد والمعوذتين وسوره الفاتحه وايه الكرسي واظب عليهم لمده خمس ايام بالعدد لاكتئاب راح الوسواس القهري راح ورد بما قسمه الله لك يعني الوسواس القهري ده بيجي من ضغوطات نفسيه حاول تفسي دماغك وتمشي من المكان اللي انت فيه تسافر تخرج تشوف مين بتحب وتقعد معاه وينجز كده عشان تخاف
تم النشر الاثنين، ٢٧ مايو ٢٠٢٤
اكيد ربنا هيجبر بخاطرك وربنا يعينك يارب
تم النشر الأحد، ٢٦ مايو ٢٠٢٤
صلي وارضي بالي ربنا قسمه ليك واهم حاجة تثق في نفسك وتبعد عن الحرام بلاش اي حاجة محرمة والمكانه الي انت فيها شوف اي مميزاتها وحاول تثبت نفسك فيها وفي مجالك مش خلاص انا تعبان ونفستي وحشة يبقي هقف مكاني واقعد موجوع وتعبان وبعيط الدنيا مش بتعترف بالضعيف ابدا وبتدوس عليه اكتر واكتر في فترات ضعف ايوة بس وقت وبتروح ومش بنخليها تاثر علي حياتنا انت لازم تصلي وتقرب من ربنا وتستغفره علي كل الي عملته وتثق في نفسك وتفوق من الحزن بتاعك لان الدنيا مش هتقف علي زعلك اليوم الي بيروح مش بيرجع تاني فوق قبل فوات الاوان استمر علي العلاج والصلاة والدعاء وان شاء الله ربي يخفف عنك ويشفيك والف سلامة عليك
تم النشر الأحد، ٢٦ مايو ٢٠٢٤
تمام وربنا المعين ان شاء الله ✨🌹
تم النشر الاثنين، ٢٧ مايو ٢٠٢٤
يارب
تم النشر الأحد، ٢٦ مايو ٢٠٢٤
هعمل كده وان شاء الله ربنا يعوضني🌹✨
تم النشر الأحد، ٢٦ مايو ٢٠٢٤
لعرض السؤال في فدني اضغط هنا