بقالى شهور محتاره ادخل ادبي وعلمى وخلاص كام شهر ونمتحن وانا لسه مش عارفه اختار ايه ومش فاهمه ازاى مع اول اختيار فى الحياه اكون متردده بالشكل ده وكمان انا اخترت علمى وجبت الكتب وروحت الدروس بقالى شهر بس انا فعلا حسيت أن ده مش مكانى مش فاهمه المواد المعقده بس عاجبنى الكليات ومكنتش عاوزه اكون لوحدى ف ادبي ف دخلت علمى وكمان فعلا والله كليات ادبي حياها مفيهاش توظيف معرفش ايه التردد ده بس انا هحول ادبي معرفش هعمل ايه فى الكتب بس الحمدلله ربنا يوفقنى وبالنسبه لو حد سأل شوفى ايه المواد الى بتحبيها اكتر مواد بحبها هى التاريخ وممكن الاحياء شويه
بصي بما أنك مش داخله علمي لهدف معين ف كليات طبيه يبقا أفضل تدخلي ادبي انك انت حابه تأريخ ومواد ادبي حاليا اخف بكتير من اول كليات ادبي كتير ويتكون ليك فرص كتير فيها ة بلاش علمي انك فيزياء و كيمياء مادتين تقال وعاوزين حد حابب مجال ده أنه علمي لو نزلتي عن 80 هتروحي كليات ادبي وساعتها بتكون لعملي كليه مجموع اعلي من نظري خليكي ادبي انا كنت علمي علوم والأسف مكانش ليا نصيب ادخل كليات علمي. ودخلت كليات ادبيه ومتقلقيش كلنا بنكون متلخبطين ف اول اتمنا اكون قدرت اساعدك
تم النشر الأربعاء، ٢٨ أغسطس ٢٠٢٤
بالنسبة للتشتت كلنا بنبقي كدا وأنصحك تصلى صلاة أستخارة لو انتى مش حابة مواد العلمى إياكى تدخلى لأنك هتندمى كلية ألسن من أحسن الكليات وكلية قمة ولها اسم وكمان الأدبى هتثبتى نفسك أكتر ولو محدش داخل ادبى هيبقى أحسن يعنى اكيد اللى داخل قليل ف انتى هتحققى ذاتك انا واحدة صاحبتى كان مستواها متوسط ودخلت ادبى وطبعا اللى دخلو أدبى مش شاطرين زيها هى ما شاء الله بتجيب الأولى عليهم كل سنة وم
تم النشر الأربعاء، ٢٨ أغسطس ٢٠٢٤
طيب هي المساله بتاعه الكليات مش بالحب يعني انت دلوقتي حتى لو مش قادره تحددي هو انا ممكن اكون حابه اتجاه في انهي اتجاه في الدراسه الاكاديميه بتاعه الكليه فخليك في علمك لانك من علمي لو انت حبيتي تخشي كليه ادبي هتخشي عليه لكن لو انت درس ادبي ومجموعه كويس مش هيدخلك كليه علميه لو انت غيرتي رايك. فيه مفيش مشكله فانك دلوقتي مش محدده قوي طريه لانه ده مش ضروري مش كل الناس بتبقى عارفه ان هي عايزه كليه ايه ومحتاج ايه مساله بقى الشغل وايه اللي ليه مستقبل وايه اللي مش مستقبل ده ما بقاش مقياس خالص دلوقتي ااا مستقبلك او اتجاهاتك هتتحدد بناء على اجتهادك في حاجات كثير جدا هي بقت بره اا الدراسه بتاعتك الكليه فمش دراسه الكليه بس هي اللي هتحدد لك انك كده هيبقى مستقبلك كويس او هتشتغلي او مش هتشتغلي مش ضروري خالص مهما كانت الكليه دي هتحتاجي تشتغلي على مهاراتك على اا حاجات تعمليها خارج الدراسه الاكاديميه هقول لك ثاني خليك في احسن.
تم النشر الأربعاء، ٢٨ أغسطس ٢٠٢٤
عزيزتي، أقدر تمامًا موقفك وترددك بشأن اختيار المسار الدراسي المناسب. هذه المرحلة من حياتك قد تكون محيرة، ولكن من الطبيعي الشعور بعدم اليقين في اتخاذ قرارات مهمة مثل هذه. من المهم أن تذكري أن الاختيارات ليست نهائية، وأن هناك دائمًا فرصة للتكيف مع الوضع. إذا كنت تشعرين أن تخصص العلمي ليس مناسبًا لك، فلا تترددي في التفكير في الأدبي، خصوصًا إذا كنت تجدين شغفًا في مواد مثل التاريخ والأحياء. قد تكون الدراسة في تخصص يناسب اهتماماتك وطموحاتك المهنية أكثر ملاءمة لك. إليك بعض الخطوات التي قد تساعدك في اتخاذ القرار: تقييم اهتماماتك : كوني صادقة مع نفسك حول ما تحبينه وما ترغبين في دراسته. إذا كنت تحبين التاريخ والأحياء، فكرى في أسباب حبك لهذه المواد وكيف يمكن أن تتناسب مع مهنة مستقبلية. البحث عن الكليات : ابحثي عن الكليات التي تقدم التخصصات الأدبية، وكيفية القيمة العملية لها في سوق العمل. قد تجدين أن هناك فرص عمل جيدة متاحة لحاملي الشهادات الأدبية. استشيري الأهل والأصدقاء : حاوري من تثقين بهم حول مشاعرك وارتبكي أفكارك. أحيانًا، الحديث مع الآخرين يرشدك إلى رؤية الأمور من منظور آخر. حددِي أولوياتك : هل تجدين أن الأمان الوظيفي أو الشغف الدراسي هو الأهم بالنسبة لك؟ يمكن أن تساعدك هذه الأهمية في اتخاذ القرار. أخذ وقتك : لا تشعري بالضغط لاتخاذ القرار على الفور. تأكدي من أنك مرتاحة باختيارك قبل أن تتخذي الخطوة النهائية. في النهاية، تذكري أن الحياة مليئة بالتحديات والفرص. بغض النظر عن الخيار الذي تتخذينه، كوني واثقة أنك ستتمكنين من النجاح. وفقك الله لما فيه الخير.
تم النشر الأربعاء، ٢٨ أغسطس ٢٠٢٤
لأ 😭
تم النشر الأربعاء، ١٣ نوفمبر ٢٠٢٤
انا حاسه انى بتكلم مع نفسي بس ف الماضى ايه الرعب ده 🤡 ، عموماً متقلقيش الإنسان ف المرحله دى اكيد هيتردد ولكن كل حاجه ف الحياه محتاجه شغف فعلا صدقينى بس انا عن نفسي مرتاحه ف المواد الادبيه اكتر انا شيلت فيزيا ف اولى ثانوى وانهرت بجد ف كرهتها حاولت احبها مقدرتش ومش محتاجه احكيلك عن قد ايه امتحانات تالته ثانوى مصيبه ده كفايه الى بنشوفه وعلى ايه ما احنا خلاص هندخل تالته ثانوى ادبي بردوا بيعيطوا ويصوتوا ولكن الواحد بيعمل الى عليه والى عايزه ربنا هيتم انتى ايه مشكلتك مع علمى ؟ هل المواد صعبه عليكى أو مش عارفه تحليها ولا ايه بالظبط
تم النشر الأربعاء، ١٣ نوفمبر ٢٠٢٤
مانا لو قولتلك نزلى الواتس تانى هيكون حاجه غريبه بس عموما حاولى تستفيدى من الكلام الى قولتو وربنا معاكى
تم النشر الأربعاء، ١٣ نوفمبر ٢٠٢٤
عندك ماسنجر؟
تم النشر الأربعاء، ١٣ نوفمبر ٢٠٢٤
مسحتوا من كام يومين عشان التشتت ، عندي تليجرام عشان بينزلوا عليه ورق الدروس و كده لو عندك انتي كمان
تم النشر الأربعاء، ١٣ نوفمبر ٢٠٢٤
انتى عندك واتس طيب ؟
تم النشر الأربعاء، ١٣ نوفمبر ٢٠٢٤
طيب هقولك حاجه ، ممكن تقوليلي بعد ما جربتي علمي و ادبي ايه الفرق الي حسيتيه؟
تم النشر الأربعاء، ١٣ نوفمبر ٢٠٢٤
حصلخير الموضوع ابسط من كده صلى استخاره
تم النشر الأربعاء، ١٣ نوفمبر ٢٠٢٤
ايوااا ، هو فيه حد مبيخفش من الندم؟
تم النشر الأربعاء، ١٣ نوفمبر ٢٠٢٤
الندم؟
تم النشر الأربعاء، ١٣ نوفمبر ٢٠٢٤
غير كده انا طاقتي الايام ديه حاسه انها مستهلكه ، انا اصلا مش قادره اققوم اذاكر مع أن كنت باديه السنه زي الفل ، و جبت درجات حلوه في امتحانات الشهر ، بس انا بحس برده ان فيه اختلاف ، بحس فيه حاجه كده مش مظبوطه، و بعدين احنا برده فيه ادبي ممكن الامتحانات تيجي صعبه و نقعد نعيط و يحصل كل الكلام ده ، ده شئ وارد احنا منعرفش المستقبل ، بس برده فيه علمي الناس كتير و التنسيق عالي ، انا مش عارفه اعمل ايه ، يعني الحاجه الوحيده الي مخوفاني من ادبي هي الندم بأمانه ، انتي ايه رأيك طيب؟؟
تم النشر الأربعاء، ١٣ نوفمبر ٢٠٢٤
انا اسهل حاجه اعملها الم المنهج ، بس اختار بس الأول فهماني؟ ، و فيه درجات هتروح عليا و كتب و بتاع مش مهم صدقيني و مفيش حد من عائلتي عنده مانع بس انا مش عارفه حتي الكليه أو المهنه الي انا عايزاها مشكلتي اني شخصيه متعدده الشغف محبش ادخل مجال أو مهنه فيها روتين ، و كده ، بحب التغيير ف خايفه أن ده يأثر عليا لما ادخل ادبي و اققول اني عاوزه ارجع لعلمي تاني 😭🙏، و غير كده انا بحب الجغرافيا و الفلسفه و علم نفس و كل ده جدا ، و بحب برده مواد علمي بس مش زي ادبي و انا عاوزه الاحسن ليا الصراحه بس خايفه ادخل ادبي و ميولي يتغير و احب طب مثلا ولا انتي ايه رأيك
تم النشر الأربعاء، ١٣ نوفمبر ٢٠٢٤
الحقيقه ان كل فى الدنيا ليها عيوب ومزايا بس احنا بنشوف احنا هنرتاح ف ايه يعنى سمعت أن الكليه بتكون ليها دور كبير زى لازم تشوفى ايه الكليات الى بتميلى ليها انا عن نفسي الحقيقه عمرى ما حسيت نفسي انى حابه المجال الطبي ف قولت باقى الكليات كده كده ف ادبي وانا لقيت صعوبه ف الكيميا والفيزيا وغيرها ومع تفكير كتير جدا جدا قررت ادخل ادبي ف النهايه احب اقولك لازم تعرفى ايه الكليه الى انتى حباها انا عن نفسي حابه كليه السن واتمنى ادخلها الحقيقه معرفش هتلاقى كتب او لسه هتعرفى المنهج ازاى انا صريحه معاكى فعلا موضوع النقل حاليا صعب بس لازم تعرفى انك لو مستعده تدخلى ادبي هتعرفى تلمى كل الى فاتك
تم النشر الأربعاء، ١٣ نوفمبر ٢٠٢٤
للأسف لا أنا في تانيه، انا كل يوم بنهار ، بجد اعصابي باظت ، خوف من كل شئ بجد ندم و كل حاجه بقالي تلت شهور من قبل الدراسه بفكر و موصلتش انا كده كده في علمي بس حاسه انه مش مكاني و خايفه احول ادبي ميكونش مكاني برده
تم النشر الأربعاء، ١٣ نوفمبر ٢٠٢٤
اتمنى تكون ف اولى ثانوى لأن لو ف تانيه ف ازاى لسه متردده لحد دلوقتي عموماً انا اخترت ادبي ومرتاحه جدا مش عشان هو سهل الجغرافيا لوحدها تحسيها رياضه من كتر ما هى محتاجه ترتيب افكار عشان تقدرى توصلى بس انا مرتاحه عشان انا بحب المواد الادبيه
تم النشر الأربعاء، ١٣ نوفمبر ٢٠٢٤
ممكن اعرف عملتي ايه دلوقتي عشان انا زيك بالظبط؟؟
تم النشر الأربعاء، ١٣ نوفمبر ٢٠٢٤
شوفي درجاتك في السنه اللي قبلها مواد علمي ولا ادبي اللي جبتي فيها درجات اعلي ،وايه مواد اللي استيعباك فيها اعلي مواد علمي ولا ادبي وايه مواد اللي مش بتاخد وقت معاكي في المذاكرة وصلي استخارة واستخيري ربنا وربنا يوفقك
تم النشر الأربعاء، ٢٨ أغسطس ٢٠٢٤
لعرض السؤال في فدني اضغط هنا