انا بعد مامتي ماتوفيت حسه اني مش عايزه اعيش خالص ومش مرتاحه مع اني بصلي سبت شغلي للاسف ومش لقيه شغل نهائي يمكن الحاجه دي تخليني اخرج من الا انا فيه بجد اهلي بيوحشوني جدا عندي اخوات بس بنات وهما متجوزين وبيسالو عليا بس انا قطعت عن صحابي بقا ماليش حد اتكلم معه انا نفسي القي شغل يلهيني من الا انا فيه ده لدرجه ان دخلت في اكتئاب ومش عارفه اطلع منه بجد
ربنا يرحم والدة حضرتك ويرزقك الصبر ويربط على قلبك شوفي حد من صديقاتك أو أخواتك يعوضك عن جزء من المشاعر والاحتياجات الي كانت بتقدمهالك والدتك حد تتكلمي معاه وتعملي معاه الي كنتي بتعمليه مع والدتك هيعوض حزء من مشاعر فقدك لوالدتك، وقربي من ربنا لأن دي الحاجة الوحيدة الي بتخلي الإنسان يصبر ويحتسب لأنه على علم يقيني بصدق وعد ربنا وإن ربنا سبحانه وتعالى لا يضيع أجر من أحسن عملا ودا يدفع الإنسان يجتهد في عمل الآخرة لأنها هي الباقية ويخافي يعصي ربنا سبحانه وتعالى حتى لا يعاقب وربنا يوفقك ويسعدك
تم النشر الجمعة، ٣٠ يونيو ٢٠٢٣
أنا آسفة لسماع ما تمرين به. فقد فقدت والدتك وتشعرين بالحزن العميق والضيق النفسي، وهذا أمر صعب بالفعل. من الواضح أنك تشعرين بالإحباط وعدم الراحة في حياتك الحالية، وتبحثين عن وظيفة تلهيك وتساعدك على التغلب على هذه المشاعر السلبية. أولاً وقبل كل شيء، يجب عليك أن تعلمي أن مشاعرك الحالية تعد شائعة في مثل هذه الحالات الصعبة. فقد تحتاجين إلى وقت للتعامل مع الحزن والفقدان. يمكن أن تكون الدعم العاطفي من الأهل والأصدقاء دورًا مهمًا في هذه الفترة. حاولي الاتصال بأخواتك وأصدقائك القدامى. حتى لو كنت قطعت الاتصال لفترة، سيكونون سعداء لسماع صوتك. اطلبي منهم الدعم، فهم عائلتك وسيكونون هناك لك. حاولي إيجاد هواية جديدة أو نشاط لإبقائك مشغولة، مثل القراءة أو الرسم أو تعلم لغة جديدة. قد يساعد ذلك في تحويل تركيزك وتحسين مزاجك. كتابة المذكرات يمكن أن تكون وسيلة جيدة للتعبير عن مشاعرك. حاولي كتابة ما تشعرين به كل يوم. قد يساعد ذلك في تخفيف بعض الضغط العاطفي. التفكير في الأهداف والأحلام الشخصية: حاولي تحديد أهداف صغيرة ومتوسطة المدى لنفسك، وتركيز طاقتك وجهودك على تحقيقها. قد يكون ذلك مفيدًا في إعطائك شعورًا بالتوجه والتقدم في حياتك.
تم النشر الجمعة، ٣٠ يونيو ٢٠٢٣
ربنا يجبر بخاطرك ويسعدك ويعوضك ان شاء الله ربنا يرحم والدتك ويسكنها فسيح جناته وجميع اموات المسلمين اللهم امين
تم النشر الخميس، ٢٩ يونيو ٢٠٢٣
ربنا ديما بياخد حد عزيز علينا علشان يقولنا انا موجود ولو الدنيا كلها سبتك انا مش هسيبك ولو الكل اتخلى عنك انا موجود علشانك انت مش لوحدك ربنا لما بياخد حد عزيز علينا او بيخرج حد من حياتنا بيبقا مستنينا نروحله وديما واثقين ان بابه ديما مفتوح لينا اه بنتوجع على فراقهم بس الحياه بتستمر مش بتقف ارجعى لاصحابك وخالى الحياه تستمر اكيد لو مامتك عايشه مش هيعجبها اللى وصلتى ليه وهتتمنا ديما ليكى الافضل وهى فى المكان الافضل خاليها تشوفك من مكانها زى ما ديما حابه تشوفك وبلاش تعزلى نفسك
تم النشر الخميس، ٢٩ يونيو ٢٠٢٣
الله يرحمها ويهون على قلبك. فترة التعب اللى بتعدى بعد فقدان شخص عزيز علينا بتبقي ليها مراحل...ومرحلة الاكتئاب دى من اخر المراحل...اهم حاجة منخليش اى مرحلة منهم تطول ...بعد الاكتئاب ده لازم تبدأى التقبل للواقع اللى بيقول انك لازم تكملى حياتك بكل تفاصيلها. طبعا الشغل مهم ليكى عشان تدخلى فى روتين يرجعك للطبيعى تانى ....اشتغلى اى حاجة مهما كانت مؤقته . تحطى قدامك كل الاسباب اللى لازم تكملى عشانها واللى منها انك تخلى ماما فخورة بيكى وانك تذكريها دايما وسط الكل وكل حاجة اتعلمتيها منها تكمليها وتقولى للكل دى اتعلمتها من ماما....مفيش احلى من ان كل اللى يشوفك يدعيلها انها احسنت تربيتك. عمل الانسان بينقطع بعد ما يموت ..يعنى ميقدرش يعمل حاجات تانيه تتضاف لاعماله.....الا حاجات معينه ...منها الولد الصالح اللى يدعو له ....فانتى ابسط سبب تكملى حياتك عشانه انك تشتغلى على نفسك تكونى صالحه اكتر وتدعيلها طول الوقت وتكونى سبب للدعاء ليها.
تم النشر الخميس، ٢٩ يونيو ٢٠٢٣
الشغل مش هيبعد الاكتئاب، الشغل هيلهيك، فيحصل موقف هتحسي نفسك اتهديتي وذبلتي، ربنا يجبر بخاطرك، ويسعدك، مجال شغلك إيه وأكتبِ علي جروبات الفيس ال تخص مجال شغلك، وإن شاء الله تلاقي، بس حاولي تكوني أحسن من حيث النفسية، نفسيتك وراحتك أهم الأول عشان تقدري تكملي ومتبذليش، وصلي قيااااام ليل كتيييير، بجد الكلام مع ربنا أحلي، وأي دعوة هتدعيعا بإذن الله مجابة❤️❤️
تم النشر الخميس، ٢٩ يونيو ٢٠٢٣
للاسف طولت كتير اوي انا بابا متوفي من 7 سنين مع اني مكنتش حسه بالحزن ده اه طبعا زعلت عليه مامتي كانت مخليني مش حاسه بفقدنه بس للاسف مامتي توفيت بقالها سنين وانا حسه اني بجد بموت بالبطي مش عارفه ولا حسه باي يوم بيعدي عليه حلو بحاول اطلع من الا انا فيه بس مش عازفه نهائي اخواتي معايا بس برضوه مش بقدر اتكلم معاهم لانهم متجوزين وعندهم اولاد وحياه تانيه واكيد مافيش وقت يسمعوني حتي لو اتكلمت بلقيهم يتكلمو في حاجه تانيه خالص باذن الله هبقا كويسه
تم النشر الجمعة، ٣٠ يونيو ٢٠٢٣
مبدأيا الله يرحمها يارب ،حزنك ملوش علاقة بعلاقتك بربنا انتي بتمري بمراحل ما بعد الفقد وطبيعة مشاعرك السلبية ف اولها مش لازم تخرجي منها او تتجاهليها اتعاملي معاها ع انها شئ طبيعي الا لو طولت اكتر م شهور كتير وف النهاية مفيش تعافي نهائي م الحزن،رأيي المتواضع واللي فادني انا شخصيا اني تابعت مع اخصائي نفسي -ثيرابست- بعد انهيار عصبي بسبب الضغط والفقد وخلافه،بيساعد جدا وبيبتدي يوجهك صح
تم النشر الخميس، ٢٩ يونيو ٢٠٢٣
الشغل اسلم طريقة علشان نفسيتك و رحتك الشخصية و تعرفي تستقلى اكتر منقدرش نعوض فقدان اهلنا بس نقدر نعدي الاكتئب و الفكر النفسي و نقرب من اى حد بنحبه شوية لحد منعدي الفترة دي و ننساها
تم النشر الخميس، ٢٩ يونيو ٢٠٢٣
لعرض السؤال في فدني اضغط هنا