أعاني من آلام في العضلات والمفاصل وبعد تناول دواء للأعصاب لم يختفي الألم فما الحل؟

Question

سلام عليكم ورحمه الله وبركاته انا اسمي:علي عندي 22 سنه معرفش لي دايما بصحي اوقات اللاقي جسمي متكسر وحاسس بتعب وزعل جوايا مع اني والله بصلي مبسبش فرض ودايما بقرء قرآن ولما بروح الشغل بلاقي اعصاب جسمي زي مايكون انا شغال بقالي يومين بحس بآلام في العصاب والاوتار ومعرفش اي السبب روحت كشفت عند دكتور كتبلي علي دواء اسمه ميلجا للاعصاب معملش حاجه ولحد دلوقتي معرفش اي السبب ؟

Accepted Answer

بصي يعني انت اتكلمت في كذا حاجه كده وناخدهم واحده واحده ان جسمك يكون متكسر. غير انك تكون حاسس بتعب وزعل يعني خصوصا لما تكون صاحي من النوم حاسس بكده لما يكون جسمك متكسر ده حاجه من الاتنين يا اما انت في عندك تفكير حتى وانت نايم فنومك بيكون مش مرتاح يا اما يعني بتنام وتحس تقوم جايه تحس انك لا ما نمتش نوم عميق فلو مش بتنام نوم عميق هتصحى جسمك متكسر. لانه الجسم ما بيكونش اخد الوضعيه اللي هو محتاجها عشان يقوم مرتاح نكمل اليوم التاني. لو زي ما انت قلت في معادله تعليقات انك جسمك بيبقى مكسر جدا وانت اصلا كنت لعيب كوره فده شيء طبيعي جدا العضلات بقى لها فتره كبيره ما بتعملش المجهود ده ما بتعملش نفس الجهد ده فايه اللي يحصل اول ما نعمل جهد كبير العضلات هتبقى مقطوعه فنفسها مقطوع دي هو القلم اللي انت بتحسه بقى يعني تحس ان انت يعني متالم في عضلاتك لدرجه ان هي منمله فده شيء طبيعي جدا علشان تتخلص منه بيحتاج انك لو مثلا لعبت كوره ما تقطعش بقى تبقى ايه مثلا ما تبقاش بتلعب مره في الشهر لا ده انت تبقى بتلعب مثلا مرتين ثلاثه في الاسبوع هتبدا تلاقي عضلاتك عاديه جدا وما تحسش ان عضلاتك مكسره بعد ما بترجع من لعب الكوره تمام دي نقطه الجسم متكسر اول ما بتصحى من النوم. انك تصحى بقى حاسس انك تعبان وزعلان فتعبان وزعلان ممكن برضو من الافكار انك اصلا نايم بتفكر في حاجات قلقاك او موتراك ممكن لو فتره الامتحانات تكون هي انك قلقان من الامتحانات ومن النتيجه وقلقانه على مستقبلك كل الافكار دي تخليك صاحي زعلان لانك عمال بتفكر فيها يعني الفكره ما بتخلصش وانت نايم هي مستمر. او صاحي بقى حاسس انك زعلان فده بتبقى حاله بسبب تركيزك على حاجات سيئه انت ممكن تكون قاعد مركز على سيء بس ومش مركز على الحاجات الكويسه اللي موجوده في الحياه فتبقى متشبع بها فتصحى زعلانه يعني رغم ان ما فيش اصلا موقف حصل او اي حاجه تزعل ولكن تركيزك الداخلي فان في حاجات مش حلوه في في الحياه وبس هيخليك صاحي زعلان ده شيء طبيعي جدا انا بدعوك كده انك ايه بس تعمل نوع من التوازن فان لو فكرت في حاجه تضايق دور على حاجه ثانيه تبص عليها في نفس التوقيت بعديها كده على طول حاجه ناعمه من نعم ربنا تحمد ربنا عليها خير ربنا بعته لك من حيث لا تحتسب حتى لو كان ان حد يعني جه ع. على عصير يعني كنت لسه بتفكر تشرب عصير من ابسط الحاجات تقدر تشعر بالامتنان وتحس بحاجه حلوه عشان ده يضاد الاحاسيس الوحشه ان شاء الله ويبقى في عندك توازن.

Answer

غالبا حالتك دي بتبقا ناتجه عن عدم وجود بروتين ف جسمك كل سمك ولحوم حاجات تغذي اقرا اذكار كتير وحصن نفسك قبل متنام امسح ب ايدك ع السرير 3مرات ربنا يشفيك ويعفو عنك بس حاول تسال شيخ بتاع جامع بلاش تجيب شخص متعرفوش ارقي نفسك عشان ممكن يكون دا جاثوم وربنا يعفو عنك❤️

Answer

أولاً، ده شيء جيد انك رحت لدكتور واخذت العلاج المناسب. لكن علشان تحسن من وضعك النفسي والبدني، هل جربت تمارس الرياضة بانتظام؟ الرياضة بتساعد كتير على تحسين المزاج واللياقة البدنية. كمان حاول تحافظ على نوم جيد وتتبع نظام غذائي صحي. اذا لم تتحسن حالتك، لا تتردد في العودة للطبيب وشرح الأعراض التي تعاني منها بدقة.

أعاني من آلام في العضلات والمفاصل وبعد تناول دواء للأعصاب لم يختفي الألم فما الحل؟

صحية

سؤال من احد أعضاء فدني

تم النشر السبت، ٢٥ مايو ٢٠٢٤

3 إجابة

12 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك