السلام عليكم انا كنت مخطوبة من سنتين وبعدين محصلش تفاهم وهو اللي قرر يفسخ الخطوبة مع اني كنت متمسكة بيه المهم انا عطيته الشبكة قبل ما نفسخ بفترة عشان كان عنده ظروف ومحتاجها وكان جاب تلاجة لجوازنا وكانت في بيت اهلي شايلنها ولما فسخنا مامته قالتلنا خدوا التلاجة مننا هدية تعويضا يعني عشان كمان احنا خدنا الشبكة وبعدها بأسبوع كدة جت زعقت جامد وقالت علينا حرامية وقالت لبابا لو معطتنيش التلاجة هحط صور بنتك في صور مش محترمة وكدة فبابا عملهم محضر وهما كمان عملو محضر والظابط قال التلاجة من حقنا بدل الشبكة يعني بس دلوقت شفت بوست بيقول انه العروسة لو خدت الشبكة ده اكل مال وحرام ف انا خفت تكون حرام حوار التلاجة دة ف دة حرام ولا لا ولو حرام نتوب ازاي مع العلم مش هينفع نتواصل معاهم خالص فهل ممكن ندفع صدقة ولا مش حرام اصلا اتمني تفيدوني
الرجاء إستشارة شيخ ذو علم ومعرفة فى الدين فهو أعلم مننا بالحلال والحرام والدين
تم النشر الأحد، ٢١ يوليو ٢٠٢٤
لا يجوز لكم اخذ ما لا تستحقون . ويجب ارجاع جميع ما قدمه الخاطب لخطيبته من هدايا او مال او شبكه او اي شئ قدمه لها ع اساس انها ستكون زوجته فاذا انتهت العلاقة بالفسخ وجب ارجاع كل ما تم اخذه .. ولا تستحلوا ما حرم الله لو كان كتب كتاب وطلق كان هيبقي ليكي النصف لكن هوا مجرد خاطب .. حتي لو هوا المخطأ بس متشيلوش وزره واتقوا الله اولا واخيرا مهما كانت المعطيات والله اعلم .
تم النشر الثلاثاء، ٣٠ يوليو ٢٠٢٤
وعليكم السلام! شوفي يا حبيبتي، أول حاجة تهدي أعصابك وتفكري بهدوء. موضوع الخطوبة والشبكة دا بيدخل فيه الفقه والعادات الاجتماعية، وبيختلف من مكان لمكان ومن شخص لشخص. حسب الفقه الإسلامي، الشبكة تعتبر هدية من العريس للعروسة وممكن تسترجع إذا تم فسخ الخطوبة. إذا كان هو اللي فسخ الخطوبة وكان عندك ظروف خاصة وردتي له الشبكة وهو وافق على كدة، فأنتي مش غلطانة في شيء. أما بخصوص التلاجة، الظابط قال إن التلاجة من حقكم بدل الشبكة، فأنا أظنه بيستند لكلام قانوني أو متفق عليه. لكن، بما أنك حاسة بتأنيب الضمير وعندك شكوك من ناحية الحلال والحرام، ممكن تتكلمي مع أحد الشيوخ أو الدعاة الثقات لتأكيد الأمر. أما عن التوبة والصّدقة، إذا كنتي حاسة أنك ممكن تكوني في غلط، الصدقة دائمًا فكرة كويسة وياريت تتذكري إن نيتك هي الأهم. الصدقة بتخفف عن النفس وتفتح لكِ أبواب الخير. بكل الأحوال، المهم تكوني متأكدة من الموقف من ناحية دينية وبعدين خدي الخطوة المناسبة. ربنا يوفقك ويهدي بالك يا رب.
تم النشر الأحد، ٢١ يوليو ٢٠٢٤
السلام عليكم ورحمه الله وبركاته طبعا محدش فينا هيتكلم بناء على ان هو اهل للفتوى كل حد فينا واي حد هيجاوبك على سؤالك هيكون بيتكلم على وجهه نظره او على قدر الفهم والحاجه اللي هو يعلمها او احتك بيها قبل كده مش اكثر من كده اييي مساله الفتوى هتحتاجي تتواصلي مع دار الافتاء على طول الموضوع ما بيتاخدش ببوستات ولا بيتاخد باراء الناس انا هقول لك على قدر فهمي انا من المواقف المشابهه ومن فتاوى سمعتها قبل كده ان في امور الزواج طبعا شرعا في الحاجات اللي شعرها ربنا في مساله الخطبه او في مساله الجواز في مساله المهر واسترداد المهر والخطوبه الخطوبه عموما الشبكه والحاجات دي هي من العرف يعني مفيش حد. في الشارع بيقدم حاجه فاحنا هنا العرف بيدخل في البنود الناس بتتعمل بها وبيتحكم بيها بناء على العرف فالعرف بيقول انه لو ال الخاطب هو اللي فسخ الخطوبه فا الشبكه تكون من حق المنقول لكل واحد وهو بيخطب هو عارف العرف ده هو عارف انه ده اجتماعيا الناس بتعمل كده هو مش داخل. في الموضوع مبهم هو فاهم ده كويس جدا تمام. طيب. في وضعك وفي اللي انت حكيتيه. انت. ما جيتيش قلتي لا انا هاخذ الشبكه يعني انت حاطه ما عملتيش كده ولا اهلك عملوا كذا ولا قالوا احنا عايزين الشبكه ولا قالوا الثلاجه دي بتاعتنا انتم كنتم ناس عندكم حقه سبته الامور تيجي بالتراضي وهم قبوا التراضي ده كمان يعني حتى لو احنا ما قلناش ان في عرفه في هنادي فالموضوع دلوقتي بعيد عن شكل من اشكال الظلم لان هو كان في تراضي اهم وضحوا كانوا واضحين جدا انه خلي الحاجه اللي بقيمه الشبكه دي خلاص هي بتاعتكم ودي حقكم ده كان واضح جدا منهم فانتم ما اكلتوش حق حد ولا بالغصب ولا اي حاجه والموضوع برضا واضح منهم كل الست غيرت رايها او غيرت كلامها او حبه ان هي تسترجع حاجه بعد ما هي طردت وسابتها. ده موضوع تاني ده موضوع ثاني ومش ذنبكم ومش بتاعتكم فيعني ده اللي انا فاهماه. ثاني وهنصحك برضه النصيحه تواصلي مع دار الافتاء اذا كنت عايزه تاخذي فتوى بعدها خلاص ما تاخذيش راي حد ثاني.
تم النشر الأربعاء، ٣١ يوليو ٢٠٢٤
لعرض السؤال في فدني اضغط هنا