انا ريماس سني 15 سنه مامتي مش بتخليني اتحجب وءنا صح مش قريبة من ربنا و ساعات بتلغبطت في الصلا و مش بعرف اكملها و اخواتي بيقولو لي ي تيته ريماس و يفضلو يتريقو بس انا عايز ه اتحجب عشان اقرب من ربنا اكتر في تانيه اعدادي كان مجموعي وحش قولت ليها عن الحجاب بردو مش موافقة بردو و حاليا انا اولي ثانوي و محتاجه اتحجب بجد
مرحبا ريماس، انا فهمت مشكلتك. انتي عايزة تتحجبي عشان تقربي اكتر من ربنا وتحسي بالاطمئنان الروحي. ده حقك وانتي حرة فيه. لكن للاسف مامتك مش مقتنعة بالحجاب ومش موافقة تخليكي تتحجبي. انا هقترح عليكي كام نصيحة: اولا، حاولي تتكلمي مع مامتك بهدوء وتشرحيلها اسبابك للرغبة في الحجاب. قوليلها انه هيساعدك تركزي اكتر في الدراسة ويقربك من ربنا. حاولي تفهمي وجهة نظرها برضه واتفاق على حل وسط. ثانيا، لو مامتك مازالت مش مقتنعة، ممكن تبدأي تتحجبي شوية شوية في البيت اولا. مثلا تلبسي الحجاب اثناء الصلاة او قراءة القرآن. ده هيخليها تتعود على الفكرة شوية شوية. ثالثا، صلي استخارة وادعي ربنا يهدي مامتك ويقنعها. ربنا سامع دعوة المظلومين. رابعا، حاولي تكسبي ثقة مامتك فيكي عن طريق التفوق في الدراسة ومساعدتها في اعمال البيت. كده هتبقى اقنعها انك ناضجة ومسئولة وتستاهلي تختاري. ان شاء الله مامتك هتوافق قريب وهتقدري تتحجبي زي ما انتي عايزة. ربنا هيجيب لك الفرج. ربنا معاكي يا ريماس.
تم النشر الجمعة، ٣٠ يونيو ٢٠٢٣
اولا اسأل الله لكى الثبات وان ييسر لكى طريقك ويعينك على تحمل اى اسباب تمنعك . ده احسن فيديو تتعلمى منه الصلاة خطوة بخطوة https://youtu.be/QIi6YSJfPTw بالنسبة لماما ...انا عديت بنفس الازمة زيك وانا فى نفس السن تقريبا ....اد ايه الكلام كان بيوجع وكأنى كنت بزق جبل قدامى عشان اكمل ....بس دلوقتى لما بفتكر انى متراجعتش عن ده بكون فخورة بنفسي اوى . انتى قدامك طريقتين ... الاولى انك تلبسي الحجاب الصح ع طول وتلتزمى بيه وتتحملى كل السخافات اللى هتقابليها وترفضى تنزلى من غير الحجاب ....اصرارك بهدوء هيخليهم مع الوقت يستسلموا. التانيه..انك تعملى الموضوع بالتدريج ...انك لما تنزلى تلمى شعرك وتلبس مثلا ايس كاب فى الشتا او ايشارب الاسكارف الصغير ده ف الصيف ...وتقولى لماما دى موضه عادى ....واحده واحده تبدلى الاسكارف بطرحه وهكذا ....اللبس كذلك تبطلى تنزلى باى حاجة تظهر رجلك او دراعك وتقوليلها بحب الاستايل ده ...وهكذا. قربي من ربنا بانك تتعلمى اكتر عن اساسيات الدين زى الصلاه حتى لو الحجاب لسه عندك عقبات فيه....وربنا هيساعدك اكيد وهيهيألك الاجواء فى التيسير للامر. واحنا معاكى ع طول ان شاءالله فى اى حاجة مش عارفه توصلى للصح بتاعها.
تم النشر الخميس، ٢٩ يونيو ٢٠٢٣
استعيني بالله عز وجل وتحجبي ولا تطيعي أمر والدتك بعدم التحجب وودي والدتك وبريها وأدعي ربنا يهديكي ويهديها وابحثي عن صحبة صالحة تعينك على القرب من ربنا وربنا يوفقك ويعينك
تم النشر الجمعة، ٣٠ يونيو ٢٠٢٣
اتحجبي حتي لو والدتك مش موافقه، ربنا سبحانه وتعالي اباح مخالفة الابوين في حالة واحدة فقط وهي معصية الله سبحانه وتعالي، بل ان والدتك تأثم لو اجبرتك علي خلع الحجاب. اتحجبي ومتخافيش، كلميها براحة وبمنتهي الأدب والحب وقدوتنا في دا سيدنا ابراهيم عليه السلام لما كان بيكلم والده قاله يا ابتي ودا اسلوب نداء ليُحنن قلب أبيه ويستلطفه. اعرفي اسبابها وكلميها بالحسني واثبتيلها انك هتبقي احسن بالفعل لا بالقول. واعرفي ان دا ابتلاء من ربنا ليكي فاصبري واحتسبي الأجر عند الله سبحانه وتعالي. وهي لو لقت منك ارادة حقيقية وتغير للأفضل هتتراجع ان شاء الله ربنا يبارك فيكِ ويتم نعمته عليكِ
تم النشر الخميس، ٢٩ يونيو ٢٠٢٣
أول حاجه أرفع لكي القبعة احتراماً لهذا السؤال خلينا نبدأ بالصلاة و أنت بتصلي مش بتعرفي تركزي و ساعات كتير بتسرحي و بتسألي نفسك هل أنا فى الركعة الكام ديه التالتة واا الرابعه ؟ طب و الحل؟ الحل بسيط لو بتقرأي فى سرك و أنت بتجري اا اقرأ بهدوء و بصوت محدش يسمعوا غيرك لحد لما تتعودي إنك تركزي أو ممكن قبل ما تصلي تستعيذي بالله و تقولوا سورة الناس و تصلي و أنت بتصلي ضروري جدآ أنك تكوني فاصلة كل حاجه عن دماغك لأن زي ما المذاكرة ليها تركيز الصلاة ليها تركيز و متخافيش مقبولة منك بأذن الله تاني حاجه الحجاب . والدتك مش عايزاكي تتحجبي و أنت عايزة تتحجبي طب و الحل؟ والدتك بصى من ناحية إنك تعيشي مراهقتك و وقت ما نخش على الجد تلبسي الحجاب و طبعاً ده مش صح فعايزين نقنعهم نعمل أى ؟ أقولك أتفرجي على podcast(أية المشكلة فى الحجاب ) و هو هيقولك على طؤق ممتازة و حاجات أول مره تعرفيها كمان تالت حاجه أخواتك.. أخواتي هزارهم وحش معايا و ده بيدايقني و عايزاهم يبطلوا أعمل أى ؟ تعاملي مع الهزار ده اللي هو إزاي ؟ يعني اخوكي قالك يا تيته ردي عليه يبقى تحترمني بقى طول منت عارف أني تيته أو بمختلف الردود لكن طبعاً تكون ردود متبينش أنك مدايقة أو تقدري على طول تقولي لأخواتك أنا بدايق من هزاركوا و هما لوحدهم هيبطلوا يقولولك كده رابع حاجه و ديه من عندي أنا الثانوية ... المرحلة اللي أنت فيها هتحتاج منك جهد و وقت مش قليل هتحتاجي فيه للصبر و المثابرة أنصحك فيها تلات نصائح 1 حطي بينك و بين كلام زمايلك خط أحمر (كلهم بدون استثناء سواء ولد أو بنت) 2 ذاكري من بداية أول ثانوي مش تستني لحد تالتة 3 هتعاملي كل زمايلك إنك مش عارفه حاجه . وبس
تم النشر الخميس، ٢٩ يونيو ٢٠٢٣
ربنا يهديهم ي ريماس ويوفقوا على انك تلبسى الحجاب بس افضلى على موقفك وحاولى معاهم كتير متزهقيش انا اعرف بنت كانت عايزه تنتقب واهلها رافضين فضلت تلح عليهم لحد ما وافقوا الحمد لله بعد فتره فحاولى وربنا هييسرلك امورك ان شاء الله وبالنسبه للصلاه والدين عموما حاولى تشتركى فى اكاديميه زاد فعلا جميله بتعلمك علم شرعى كامل من فقه وسيره وعقيده وغيره وبشكل مبسط واونلاين اعتقد كلنا محتاجين نتعلمه وربنا يوفقك يارب الى ما يحب ويرضى
تم النشر الخميس، ٢٩ يونيو ٢٠٢٣
ازيك يا ريماس، جميل جداً انك تفكري كده، ويهمك شكلك قدام ربنا وانك مقتنعه بالحجاب كشئ يقربك منه. طبعاً بحييكي على ده. أما عن لغبطتك في الصلاة فحاولي تتعلميها بأركانها الصحيحة ممكن يوتيوب كأسهل طريق، ومتشغليش بالك بكلام اخوتك، اكيد قصدهم هزار فحاولي تتقبلي الموضوع بهدوء وبلاش تفكري في هزارهم، ممكن تردي عليهم انتي كمان رد لطيف بهزار. أما عن والدتك، انصحك قدر الإمكان مهما كان ردها يكون ردك عليها لطيف، كمان حاولي تتكلمي معاها بهدوء عن الحجاب وانك قد ايه مبسوطه بيه ومش عايزه زعل ربنا منك وان ده شئ كويس وانتي مقتنعه بيه. وصدقيني قربك من ربنا هيفتح قلبك للحياة ودعواتك ليه إن شاء الله يستجيب لها، كمان ربنا سمحلنا بفرصه عظيمه جدا وهي اننا نقدر نتكلم معاه بكل اريحيه بدون كلام منمق ولا مرتب ولا حتى فصحى، تقدري تتكلمي مع ربنا بكل اللي في قلبك بأي طريقة كانت طالما في حدود الحياء منه.. إن شاء الله وقتها مامتك تتغير وتغير رأيها. عيدكم مبارك 🙂☘️
تم النشر الخميس، ٢٩ يونيو ٢٠٢٣
الذي فعلته أختي الكريمة هو المطلوب شرعاً، وموقف والديك ليس بشرعي ولا قيمة له في ميزان الشرع، بل إنهما يأثمان؛ لأنهما يصدان عن سبيل الله تعالى ويمنعانك من التزام شرع الله، ولذلك أنا أتمنى أن تبيني لهما خطورة ما يفعلان وما يقولان، ولا مانع من الاستعانة ببعض الصالحين الفاهمين ليشرح لهما ويوضح أهمية الحجاب إذا كان لديكم قريب يتمتع بشيء من الفهم الشرعي الأصيل ويخشى الله ويتقه؛ لأن مسألة أن يرفض الناس شرع الله تعالى رغم أنهم من المسلمين مسألة خطيرة، ولذلك أنا أيضاً أطلب منك الدعاء لهما أن يشرح الله صدرهما الله تبارك وتعالى جعل رضا الناس مرهون برضاه هو، أما إذا لم يرض سبحانه فلا يمكن لأحد أن يكون لرضاه قيمة، فالذي افعليه أختي الكريمة فا هو عين الحق، والذي تطلبيه هو شرع الله تبارك وتعالى، وهذا أمرٌ لا رأي فيه لا للوالدين ولا لغيرهما؛ لأن الله تعالى قال: ((وَمَا كَانَ لِمُؤْمِنٍ وَلا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَنْ يَكُونَ لَهُمُ الْخِيَرَةُ مِنْ أَمْرِهِمْ))[الأحزاب:36]، وقال جل وعلا: ((إِنَّمَا كَانَ قَوْلَ الْمُؤْمِنِينَ إِذَا دُعُوا إِلَى اللَّهِ وَرَسُولِهِ لِيَحْكُمَ بَيْنَهُمْ أَنْ يَقُولُوا سَمِعْنَا وَأَطَعْنَا))[النور:51] وقال تعالى: ((فَلا وَرَبِّكَ لا يُؤْمِنُونَ حَتَّى يُحَكِّمُوكَ فِيمَا شَجَرَ بَيْنَهُمْ ثُمَّ لا يَجِدُوا فِي أَنفُسِهِمْ حَرَجًا مِمَّا قَضَيْتَ وَيُسَلِّمُوا تَسْلِيمًا))[النساء:65]، ويقول النبي صلى الله عليه وسلم: (كل أمتي يدخلون الجنة إلا من أبى. قيل: ومن يأبى يا رسول الله؟ قال: من أطاعني دخل الجنة، ومن عصاني فقد أبى). نعم إن مقام الوالدين عظيم جدّاً في شرع الله، فقد قرن الله برهما والإحسان إليهما بتوحيده، كما قال تعالى: ((وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا))[الإسراء:23] وقال جل وعلا أيضاً: ((وَاعْبُدُوا اللَّهَ وَلا تُشْرِكُوا بِهِ شَيْئًا وَبِالْوَالِدَيْنِ إِحْسَانًا))[النساء:36] ولكن النبي صلى الله عليه وسلم أخبرنا بقوله: (لا طاعة لمخلوق في معصية الخالق) فلا يجوز لك أبداً أن تطيعي والدك أو والدتك أو كبيراً أو صغيراً في معصية الله تعالى، فالحجاب فرض عين على كل مسلمة، وهو ليس سنة من السنن حتى نقول من الممكن أن نجبرها بسنةٍ أخرى، وإنما أي امرأة مسلمة ليست محجبة فهي عاصية، وهي قطعاً مما أخبر به النبي صلى الله عليه وسلم بقوله: (صنفان من أمتي من أهل النار لم أرهما) وذكر منهما: (نساء كاسيات عاريات مائلات مميلات). كما إني أوصيك أيضاً بالإحسان إليهما، وإكرامهما أكثر من ذي قبل؛ حتى لا يشعران بأنك قد تغيرت عليهما، أو أنك بسبب الحجاب قد أصبحت تعاملينهما بشدة وقسوة وجفاء؛ لأنه مع الأسف الشديد أن بعض الناس عندما يمنَّ الله عليه بالالتزام يُصبح لديه شيء من العنف أو القسوة أو الغضب أو العبوس الدائم، كما لو كان يظن أن هذا هو الدين، رغم أن هذا خطأ فادح، فالأصل أن دين الإسلام دين الرحمة ودين التواصل، ودين المحبة، ودين التقدير، ودين الاحترام، ودين العطف، خاصة مع الوالدين، فالله تبارك وتعالى أمرنا بالإحسان إلى الوالدين حتى وإن كانا على غير الإسلام، وفي ذلك يقول الله تبارك وتعالى: ((وَإِنْ جَاهَدَاكَ عَلى أَنْ تُشْرِكَ بِي مَا لَيْسَ لَكَ بِهِ عِلْمٌ فَلا تُطِعْهُمَا وَصَاحِبْهُمَا فِي الدُّنْيَا مَعْرُوفًا ))[لقمان:15]. أوصيك مع الالتزام بالحجاب كما ذكرت بالصبر الجميل، وأن تتواضعي لهما، وأن تخفضي لهما جناح الذل من الرحمة، وأن تصبري عليهما غاية الصبر، وأن تكثري من الدعاء لهما أمامهما ومن ورائهما، وأن تُحسني إليهما غاية الإحسان، فلعل الأمر ملتبس عليهم وهم لا يعرفون خطورة ما يفعلان، ولعلك بإحسانك إليهما وإكرامك لهما تغيري هذه النظرة، وتجعلينهما من أهل الجنة الذين يقبلون شرع الله ولا يرفضونه أسأل الله تعالى أن يعينك على ذلك، وأن يشرح صدر والديك لقبول الحق، وأن يعلماً بأن رضا الله من رضا الوالدين وسخط الله من سخطهما، هذا حق، ولكن هذا مشروط بأن لا يكون ذلك في معصية الله؛ لأن النبي صلى الله عليه وسلم قال: (من أرضى الله بسخط الناس رضي الله عنه وأرضى عنه الناس، ومن أرضى الناس بسخط الله سخط الله عليه وأسخط عليه الناس) ولا طاعة لمخلوق في معصية الخالق.
تم النشر الجمعة، ٣٠ يونيو ٢٠٢٣
وريها انك شخص مسئول وبيلتزم بالعبادات والدراسة والتمرين لو بتتمرني خليها تشوفك حد هيبقى اد قرار الحجاب مش هيتراجع عنه لما يزهق من لانه مش لعبة + انتي لازم تفهميها انك من وقت ما بلغتي ف انتي فرض عليكي تتحجيي الموضوع مفيهوش نقاش وان اي تأخير ف هي اللي هتشيل ذنبك كلكم راع وكلكم مسئول عن رعيته
تم النشر الخميس، ٢٩ يونيو ٢٠٢٣
لعرض السؤال في فدني اضغط هنا