مش عارفه اقول ايه بجد ولا عارفه أسمي اللي انا حاسه بيه هل ده كبت نفسى متراكم ام اكتئاب
انا اغلب الوقت مخنوقه اوي و عاوزه اعيط مش عارفه ليه بيبقى من غير سبب و احيانا ببقى عارفه ليه
صراحه خلصت امتحانات الكليه و قلت لنفسي إن شاء الله تعالى الاجازه هتكون رائعه مليئه بالانجازات و التنزه مع العائلة لكن حصل العكس و لم أتنزه مع العائله كنا نذهب فى الاجازه إلى الأطباء
لم نتنزه نزهة عائلية جميله و كلما كلنا نتنزه يحصل شيء فنلغيه خلصت الاجازه و لم اقم بأى إنجاز حتى لو بسيط
الاسبوع الجاي الكليه و ده خنقنى مش حابه اروح الكليه لأنى مستنفعتش بالاجازه انا صعبان علي أخرج اروح الكليه كنت خرجت اتفسحت احسن انا عارفه خلاص الواحد مش بيده حاجه الكليه من بدايه الاسبوع خلاص الاجازه اللى راحت كده
الموضوع ده مضايقني جامد جدا مش عارفه ليه مخنوقه معظم الوقت قاعده في البيت مش بعمل حاجه محبطه على طاقه ولا شغف ما ليش نفس اروح الكليه واقابل زمايلي خالص عاوزه اجازه اعرف اخرج فيها اتفسح اشتري انا نفسي فيه
حاسه ان انا عامله كده وافضل كمان انا كده صعب ان انا اتغير و ابدا من جديد هتبدا الامتحانات وتسليم الواجبات والمشاريع ومرواح كليه وكمان رمضان جاي من الظروف ان انا صغيرة انا واحده دايما بحبط بسرعه وبستسلم بسرعه و معنديش حد يشجعني كل ما ايأس او احبط ويدعمني
آسفة جدا جدا ان الرساله طولت جامد انا عارفه ان الرساله مش مترتبه بس ده كان بيجي في دماغي بقوله
شكرا جدا
السلام عليكم، متفهمة إحساسك أكيد، وعارفة لما بيكون عندنا تطلعات وتخيب أو منقدرش ننفذها لكن هل هيفيد الندم في شيء؟ الندم والضيق هيخليكِ تضيعي أيام كتير كان ممكن تستغليها بشكل أفضل وتحققي فيها إنجازات تعوض اللي كنتِ ناوية عليها في الإجازة. وبعدين خيرها في غيرها زي ما بيقولوا... مين عارف كان ممكن حصل إيه في الخروجات دي. المهم، مش معنى إنك بدأتِ كلية ورمضان داخل إن كده مفيش مجال تنجزي حاجة تفرحك... على فكرة مع الدراسة لازم تخلي وقت لنفسك. ولو عشر دقائق كل يوم... لو هتستغليهم في تعلم حاجة جديدة ده هيفرق جدًا معك. ** بالنسبة لموضوع اليأس بسرعة محتاجة تدربي نفسك يوميًا على المثابرة... أكيد في رمضان بتقدري تصومي وده جه بالتدريج من واحنا أطفال لحد ما قدرنا نصبر على الجوع والعطش ودي إرادة في حد ذاتها. يعني أكيد عندك إرادة لكن اليأس والاستسلام بيجوا من عدم تماسك الهدف أو تقديرك له فمش بتكملي في الحاجة اللي بتسعي لها. ** وبمناسبة التشجيع، أسوأ نوع ممكن تعتمدي عليه هو التشجيع والتحفيز الخارجي لأنه بعد وقت بينتهي مفعوله وهتبقي محتاجة تسمعيه كل شوية عشان تتحركي خطوة وده مش صح. التحفيز الداخلي هو اللي لازم تدوري عليه... لازم يكون التحرك والدفعة جاية من داخلك ومن رغبتك أنتِ في التغير للأفضل. ناس كتير مفتقدة الدعم والتشجيع حتى في وجود أقرب الناس لها لكن مع ذلك اعتمدوا على نفسهم وأنجزوا. فركزي على نفسك واشتغلي عليها ولا تقلقي أكيد هتقدري إن شاء الله. استعيني بالله ولا تيأسي. بالتوفيق.
تم النشر الخميس، ٦ فبراير ٢٠٢٥
بصي هي الاجازة اسبوعين وصغيرة لوحدها بما انها برأيك ضاعت قولي الحمد لله ولن يصيبنا إلا ما كتب الله لنا تخيلي انك لو خرجتي كان ممكن لاقدر الله تصيبك حاجة وحشة و ربنا منعها عنك و فداكي بلأجازة هل هتقولي لا وعاوزة اتصاب بس اخد الاجازة واخرج؟ بصي قولي الحمد لله دائمآ و ابدآ فيه ناس الاجازة دي حصللهم حاجات وحشة فيها للأسف كتير و ضاعت منهم زيك ان شاء الله تتعوض و ممكن ايام الجامعة تكون اجمل كمان متعرفيش ربنا مخبيلك ايه وربنا يوفقك في جامعتك ان شاء الله و يهديكي
تم النشر الخميس، ٦ فبراير ٢٠٢٥
عزيزتي، أقدر مشاعرك وأتفهم تمامًا ما تمرين به في هذه الفترة الصعبة. من الواضح أن هناك ضغطًا نفسيًا كبيرًا يعتريكي، وقد يكون نتيجة للتغيرات التي واجهتيها مؤخرًا، مثل انتهاء امتحانات الكلية والإحباط بسبب عدم تحقيق الأهداف التي خططتي لها. العزلة والشعور بعدم الرغبة في الخروج والدراسة هي مشاعر شائعة ويشعر بها الكثيرون في أوقات مختلفة من حياتهم. من المهم أن تدركي أنه لا بأس في الشعور بالضيق أو الاكتئاب وأن تعاني من هذه الفترة. الحياة مليئة بالتغيرات، ومن الطبيعي أن نتأثر بها. قد يكون من المفيد أن تحاولي تحديد خطوات صغيرة يمكن أن تساعدك في تجاوز هذه المرحلة. إليك بعض الأفكار التي قد تفيدك: التحدث مع شخص قريب: إذا كان لديك صديقة أو أحد أفراد العائلة، حاولي التحدث معهم عن ما تمرين به. مشاركة مشاعرك مع الآخرين يمكن أن يساعد في تخفيف الضغط النفسي. وضع أهداف صغيرة: بدلاً من التفكير في الإنجازات الكبيرة، حاولي وضع أهداف صغيرة يمكن تحقيقها بسهولة في حياتك اليومية. حتى لو كانت هذه الأهداف بسيطة مثل الخروج للتنزه لمدة قصيرة أو قراءة كتاب. تخصيص وقت للهوايات: إذا كان لديكِ هواية تحبينها، مثل الرسم أو القراءة، حاولي تخصيص وقت لها. التفاعل مع الأشياء التي تحبينها يمكن أن يرفع من معنوياتك. التحضير للكليات بشكل تدريجي: حاولي البدء بالتحضير للدروس بشكل تدريجي، ولا تضغطي على نفسك. تأكدي من أن لديك الوقت لتعيدي ترتيب أفكارك. طعام جيد ونوم كاف: اهتمي بصحتك الجسدية من خلال تناول طعام صحي والنوم الجيد. تأثير ذلك قد يساعد في تحسين مزاجك. استشارة مختص: إذا استمرت هذه المشاعر وتعكر صفو حياتك، قد يكون من الجيد أن تتحدثي مع مختص في الصحة النفسية. الدعم النفسي المقدم من شخص يعاني من خبرة يمكن أن يكون مفيدًا للغاية. تذكري أن هذه مرحلة وستمر بإذن الله. كوني لطيفة مع نفسك ولا تثيري الضغوطات أكثر من اللازم. وفقك الله ومتعك بالصحة والعافية. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الخميس، ٦ فبراير ٢٠٢٥
الكليه أحلى ايام هتعشيها لازم تعملي اصحاب و تشاركيهم و تاكلوا مع بعض و تروحوا وتيجوا اعملي ذكريات حلوه تفتكريها انا كليه رغم كل حاجه لكنها كانت أحلى اربع سنين اصحاب هما الا هيهونوا ايام متستنيش حد يصاحبك نصحيه اعملي انتي اصحابك بنفسك و جماعيهم ببعض مش شرط عشره ممكن تبقوا تلاته و بعدين اربعه اعملي لنفسك شله و حبوا بعض ادلهم هدايا و يجبولك هدايا و بعدين هتلاقي حد تخرجي معه
تم النشر السبت، ٨ فبراير ٢٠٢٥
ضغوطات والشيطان مع الاستسلام بتاعك ضيع الدنيا اخرجي غيري جو اشغلي وقتك بكتاب مثلا مفيد او اشتغلي على نفسك اتعملي مهاره جديده هكذا.
تم النشر الثلاثاء، ١١ فبراير ٢٠٢٥
انتي لازم تخرجي كل يوم وتغيري جو وتمارسي انشطه عشان متسبيش عقلك يفكر بسلبيه
تم النشر السبت، ٨ فبراير ٢٠٢٥
ضغوطات
تم النشر الجمعة، ٧ فبراير ٢٠٢٥
لعرض السؤال في فدني اضغط هنا