مش عارفة احدد اسم للمشكلة صراحة لكن الموضوع ان حصلى زى مشكلة فى انى انشر اى حاجة مفيدة عالسوشيال ميديا وسط الناس اللى اعرفهم و يعرفونى كويس لانى من سنتين عملت قناه محتواها مفيد و بعدين وقفتها لظروف ما و من ساعتها بقيت عايزة أفيد بمحتوى كويس لكن بعيد عن ناس اللى اعرفهم لخوفى ان حد ممكن يحبطنى او النقد او ان ميكونش دا فعلا اللى هكمله ..فهل دى مشكلة كبيرة و لا اتعامل عادى
انا عندى احساس بأنى عايزة ابعد عن فيس و انستا بتوع صفحاتى فى نشر محتوى 🌝 و لما فكرت اعيد نشرها حسيت بحاجز نفسى
تم النشر الأحد، ٣٠ أبريل ٢٠٢٣
هو واضح انك مش بتقدرى تتحملى تعليقات القريبين منك سواء بالتعجب او بعدم الاهميه مثلا او بالانتقاد انصحك تعتبريهم زى اى حد غريب ممكن ينتقد اللى بتعمليه ...ويكون عندك ع الاقل رد واحد بما يفيد ( ده انا حاباه ونيتى فيه خير وده كافى . مش محتاجه تستخبي ...ولو ضرورى اوى متنشريش شغلك ده على صفحتك الشخصيه واحجبيه شويه فى الاول عن الناس اللى ممكن تحبطك
تم النشر الأربعاء، ٣ مايو ٢٠٢٣
طيب نبدأ بواحدة بواحدة دلوقت لو فيه حد عايز ينشر محتوى كويس ومفيد للناس ... حلو؟ السؤال بقى .. انت بتقول انا لو نشرت حاجه مش عايز ابقى معروف في وسط الناس اللي عارفاني او عارفهم ... علشان محدش فيهم ينتقدني! طيب وبالنسبة للناس الغريبة عادي انهم ينتقدوا ... يعني هل اي حد هيسلم اساسا من الانتقاد ف الحياة بقى! مش في محتوى السوشيال ميديا بس ... هل فيه حد هيسلم من انتقادات الناس سواء اللي يعرفهم او اللي ميعرفهمش؟ اكيد لأ الحل انك تركز على نفسك .. وتعمل اللي انت شايفه صح وطالما محتوى مفيد للناس وراضي لربنا ... ايه يهمك بعد كده ! ركز على نفسك وعلى محتواك ... وربنا معاك
تم النشر الاثنين، ١ مايو ٢٠٢٣
أهلاً بك! إن أنت قد نجحت في إيجاد محتوى مفيد سابقًا، فأنت بالتأكيد تستطيع القيام بذلك مجددًا. لا يوجد مشكلة كبيرة في نشر محتوى مفيد بعيدًا عن الأشخاص الذين تعرفهم، بل إن هذا قد يجلب لك جمهورًا جديدًا يقدر ما تقدمه. عدم المبادرة للقيام بالأمور الجديدة يمكن أن يكون مخيفًا، ولكن تذكري أنك لا تحتاجين إلى موافقة أي شخص آخر للقيام بما تريدين. تحتاجين فقط إلى الثقة بنفسك وخوض التجربة. النقد هو جزء طبيعي من العملية، ولكن يمكنك استخدامه كفرصة للتحسين والنمو. إذا كنت لا تزالين تشعرين بالقلق، فربما يكون من المفيد الحديث مع مدرب حياة أو معالج نفسي لمساعدتك في تحديد الخطوات التالية وانتقالك إلى المستوى التالي.
تم النشر الأحد، ٣٠ أبريل ٢٠٢٣
بصي انا شايفها عادي حتي لو قابلتي نقد اهم حاجه انك بتعملي حاجه حابه تعمليها لو هتقابلي نقد يبقي حد ناقص واحد في الميه
تم النشر الاثنين، ١ مايو ٢٠٢٣
لعرض السؤال في فدني اضغط هنا