كيف اصلح من نفسي وابقي شخص افضل؟
حاسه اني بياعه وبتاعت مصلحتي ونرجسيه
بقيت بحس اني وحشه وبدات اكره نفسي
بسم الله الرحمن الرحيم ما فيش نرجسي بيعترف انه نرجسي، واللي بيقول على نفسه كده غالبًا بيكون واقع في علاقة ما مؤذية ومش قادر يعرف هو الغلط فين فيبدأ يشك في نفسه
تم النشر الأربعاء، ١٦ أغسطس ٢٠٢٣
قرأت تعليقاتك وعرفت السبب الرئيسي .. هقولك على حاجه .. لو انتي ع علاقة بشخص (خطوبة) والشخص ده كان متوافق معاكي من البداية .. ولكن بعد كده حس ان مشاعره ناحيتك مش زي الاول، وحس كمان انه مش مرتاح .. السؤال ليكي بقى - هل هتقبلي بأنه يستمر معاكي وهو مش مرتاح معاكي؟ هل هتقبلي انه يستمر معاكي وهو مفيش جواه ادني مشاعر ليكي نهائيا ..؟ هتقبلي ده على نفسك؟ هترك الجواب ليكي... العلاقات مش بالعافية .. محدش بيضطر انه يدخل ف علاقة ويبقى مضطر انه يكمل فيه غصب عنه، لاحسن الطرف التاني ياخد على خاطره ولا يزعل ولا يضايق ... او يقول انه شخص مش كويس علشان سابني. بالعكس انتي شخصية كويسة جدا، لانك اختارتي الصح ليكي وله .. هو للاسف ممكن تكون الصدمة غلبته ف حكم عليكي الحكم ده، ممكن يبقى هو اساسا مش عارف يحكم ع الامور اساسا .. ومتسرع وبياخد الامور بشكل عاطفي بحت ومش بيفكر بالعقل شوية .. ممكن كتير جدا. لكن اللي لازم تبقى متأكدة منه وعارفاه كويس ان لازم تثقي ف قراراتك اكتر من كده، وتثقي ف نفسك كمان، مش اي حد يقول اي حاجه تصدقيها ع نفسك ..
تم النشر السبت، ١٢ أغسطس ٢٠٢٣
الاوصاف دى منك انتى ولا انتى بتكررى اللى اتقالك من ناس حواليكى ؟
تم النشر الجمعة، ١١ أغسطس ٢٠٢٣
ايه اللي وصلك للإحساس ده..؟ هل هو موقف معين ولا كلام حد قالهولك..ولا ده ناتج من حاجة حقيقية..؟
تم النشر الجمعة، ١١ أغسطس ٢٠٢٣
التوازن مطلوب ونعمل كل حاجة بشكل عملى يكون افضل ....يعنى اعاتب نفسي بس بدل ما اخلص عتاب اشوف العملى بتاع حياتى هتجه بيه لفين عشان اللى جاى يكون احسن وانا محسش بحاجة وحشة ولا احسس حد بحاجة وحشة ....ده اللى هيخلى تعاملاتنا اللى جايه افضل بكتير
تم النشر الجمعة، ١١ أغسطس ٢٠٢٣
فعلا يا دكتور لو كلنا فكرنا بنفس التفكير هنعيش في غابه احنا كلنا بشر واكيد فينا الحلو وفينا الوحش ولازم كل انسان يركز علي نفسه و يشوف ايه الوحش اللي في ويحاول يغيره عشان نعيش كلنا في سلام.. وهو ده اللي انا بحاول اعمله لما بحس اني فيا اي حاجه وحشه يمكن انا بتصرف بطريقه غلط مع نفسي وبجلد فيها بزياده بس عشان عندي خوف دايما من اني اكون وحشه
تم النشر الجمعة، ١١ أغسطس ٢٠٢٣
ليه كده بس يا وردة ...ولما الكل يبطل يبقى حلو هيبقى شكل الحياه ايه ...العيب في الوحشين مش فى الحلوين ...والحياه موزونه بوجود الاتنين
تم النشر الجمعة، ١١ أغسطس ٢٠٢٣
والله نفسي ابقي زيك متحوليش نفسك اللي انتي في حلو الناس مش حلوه علشان نبقي حلوين الناس حرفيا الناس ايه شخص واحد حرفيا بعد تحولك هيديكي خبطه علي وشك حرفيا هتندمي انك اتحولتي وهتندمي انك عرفتي الشخص ده وهتندمي انك جيتي علي الحياه
تم النشر الجمعة، ١١ أغسطس ٢٠٢٣
قربي من ربنا وخليك شخص اجتماعي وماتنعزليش عن الناس وماتهتميش لكلام حد واعملي اللي بتحبيه وبش
تم النشر الجمعة، ١١ أغسطس ٢٠٢٣
قربي من ربنا ووقتها هتحبي النااس
تم النشر الجمعة، ١١ أغسطس ٢٠٢٣
وبقيت بتخلي عن اي حد بالساهل مع العلم اني زمان كنت عكس كده تماما وكان اهم حاجه عندي اللي حواليا اهم من نفسي كمان
تم النشر الجمعة، ١١ أغسطس ٢٠٢٣
لعرض السؤال في فدني اضغط هنا