بشوف الناس بتصلي بخشوع وانا مش بعرف اخشع في الصلاه وبشوف الناس بتدعي وانا مش بقدر ادعي ومش حاسه باحساس ان ربنا قريب مني
كل واحد قريب من ربنا بطريقته. ممكن حد ممكن يحس انه قريب بالصلاة، بأنه بيكلم ربنا. ممكن حد يحس انه قريب لما بيعمل خير، لما بيتصدق مثلا. ممكن حد يحس انه قريب لما مثلا يكلم ربنا ... سواء في صلاته، او لما يجرب يكتب لربنا، اه يكتب لربنا ... طيب جربتها قبل كده؟ أظن انه هو الوحيد اللي تقدر تكتب له .. وتقول له كل اللي جواك .. عن مخاوفك، عن احلامك، عن الاشياء السعيدة، عن الاشياء اللي بتقلقك. كل حاجة. كل واحد قريب من ربنا بطريقته .. كل واحد له طريقة فأنه يتكلم مع ربنا .. او يحاول أنه يعرفه أكتر. شوف الطريقة اللي بتحبها علشان تقرب منه
تم النشر السبت، ٧ يناير ٢٠٢٣
ربنا قريب من كل ( فإنى قريب اجيب دعوة الداعي اذا دعان ) حاولى تستعيذى من الشيطان وتقربى منه بصلاتك ودعائك وسماعك للقرأن وتلاوته والتسابيح كل دول هيغيروا كل حاجة فاجأة وانتى هتحسى أن كل كلمة بتسمعيها بتدخل جوه قلبك وكل حاجة بتعمليها بتطلع من جواكى ربنا يبارك فيكي وفى صلاتك وخشوعك ويرزقك الطمأنينة والفرحة ويكتبلك كل خير ويرزقنا بتذكرك بالدعاء لنا دائما ...اخوكى فى الله ...واحبك فى الله
تم النشر الأربعاء، ١١ يناير ٢٠٢٣
ربنا موجود فى كل وقت ومعانا فى كل مكان. والخشوع بيجى مع الوقت واستمرى مهما كان الاحساس وادعى حتى لو مش حاسه بحاجة.
تم النشر السبت، ٧ يناير ٢٠٢٣
التركيز في الصلاة والخشوع فيها بيكون محتاج انك تكون مركز في اللي بتقرأه .. لو زينا كلنا بتقول السور المحفوظة فمش هتركز اوي لكن لو مثلا بدات تحفظ قران والورد اليومي الخاص بالحفظ بدات تحفظه في بداية اليوم فممكن تقوله في كل الصلوات بحيث تكون حاجة جديدة بتقرأها ومحتاج تركز فيها عليك بالدعاء طبعا ويكفي نيتك
تم النشر الأربعاء، ١١ يناير ٢٠٢٣
عشان تبقي اقرب لله مش بتيجي ف يوم وليله لكن حفاظك عل الصلاة جزء ولجوءك ليه جزء أكبر ومعرفتك لنفسك من عرف نفسه عرف ربه الجائي ليه واشكيله وابكيلي خلي ربك مؤنسك ودعمك الاول هتخشعي وتبقي زيهم وأكتر هتحسي بي ربنا في كل خطواتك وف كل محنه ودي نعمه اسعي ليها ترتاحي في الدنيا اوي
تم النشر الأحد، ٨ يناير ٢٠٢٣
ربنا بيحبنا بدون تفرقة وبذنوبنا وحتا لو مقصرين حتا لو مش قريبين كفايه
تم النشر الأحد، ٨ يناير ٢٠٢٣
اغلب الاحساس دي التأثير الأساسي والاول من الشيطان بيفضل يوهمك بالأفكار دي عشان تبعدي عن الصلاه وتحسي بعجز من نفسك
تم النشر الأحد، ٨ يناير ٢٠٢٣
لعرض السؤال في فدني اضغط هنا