أهلي يظنون أني أغار من خطبة شقيقتيّ ويجرحونني بكلامهم المؤذي حتى تعبت نفسيًا، ماذا أفعل؟

Question

انا عندي 23 سنه واختي الكبيره مخطوبه والاصغر مني مخطوبه وانا بحب شخص ومستنياه يخلص ويجهز علشان يخطبني انا بيجيلي عرسان كتير وانا اللي برفض ومبحكيش لأهلي واهلي عندهم فكرة اني مبيجيليش حد واني نفسيتي تعبانه وغيرانه من اخواتي بس انا مش كده انا كل الحكايه اني مستنيه شخص انا بحبه مستنياه يخلص ولكن مشاكلي بدأت تزيد اكتر معاهم وحالتي النفسيه مبقتش احسن حاجه حاسه نفسي اني مبقتش قادرة استحمل كلامهم اللي مليان كلام موذي من اهلي ومن اخواتي اللي هو انتي كبرتي وانتي محدش بيجيلك معرفش ليه بيتعاملو كده معايا وشتايم تجرح وانا كنت الاول بستحمل وبسكت بس دلوقتي مبقتش بقدر استحمل اي كلام من الكلام الموذي ده واللي زاد بقى ان الشخص اللي بحبه وف حياتي عنده مشاكل ومبقاش معايا ولا بيسمع لي ولا جمبي وانا بقيت حاسه اني لوحدي واوقات كتير بيجيلي رغبه ف اني عاوزه اذي نفسي ارمي نفسي من البلكونه او اعور نفسي او اخد ادويه واموت نفسي علشان ارتاح من كل اللي انا فيه ده الناس بقت موذيه اوي اوي سواء كلام اهلي او بعد الشخص اللي ف حياتي عني أنا مبقتش فاهمه مين معايا ومين ضدي ولا بقيت عارفه احكي لمين ولا بقيت عارفه اي حاجه كل ال محتاجاه اني محتاجه ارتاح واريح اي حد مني💔💔💔

Accepted Answer

السلام عليكم، إيه المانع اللي يخليكِ متقوليش لأهلك إن فيه حد هيتقدم لك؟ هل مش واثقة فيه ولا خايفة من رد فعلهم إنك بتحبي شخص؟ خليكِ متأكدة إن طول ما أنتِ محسسة اللي قُدامك إن كلامه بيكسرك ويجرحك هيفضل يؤذيكِ ويضغط عليكِ. أنا مش عارفة إيه اللي بيقولوه... انتِ بتقولي شتائم بس باقي الكلام فيه أهل كتير بتقوله عشان فاكرين إنهم كده بيجبروكِ تاخدي الخطوة اللي رافضة تاخديها. اتكلمي مع الشخص اللي بتحبيه وتأكدي فعلا هو هييجي يتقدم ولا لأ. علاقتك به من وار أهلك غلط أصلا وحرام. بس عامة لازم تتأكدي منه... انتِ متأكدة أصلا إنه هيتقدم ومنتظر يجهز نفسه؟ هياخد كم سنة يجهز نفسه؟ هيربطك جنبه لحد ما يجهز نفسه؟ افرضي قعد سنين... هتفضلي منتظرة. ده بعيدًا إنك لسه 23 وصغيرة يعني بس ده لا يعني إنك تفضلي منتظرة سنين جنبه من غير حتى رابط رسمي. نصيحتي لكِ اتكلمي مع أهلك بصراحة لو خايفة منهم خلاص متقوليش على موضوع ارتباطك ده بس كلميهم إن كلامهم وحش ومش بتحبي يوجهوا لك كلام زي ده وواجهيهم ودافعي عن نفسك ومتسمحيش لحد يهز ثقتك بنفسك أو يجرحك. الشخص ده كلميه وقولي له ييجي يتقدم لك حتى لو ظروفه صعبة دلوقتي. على الأقل يثبت صدق نواياه غير كده يبقى بيقضي وقت وخلاص ولما يبقى جاهز فعلا هيروح يتقدم لواحدة تناسب ظروفه وترضي أهله. ربنا معك ويوفقك.

Answer

عزيزتي، أود أن أعبّر عن تعاطفي العميق مع ما تشعرين به. إن ما تمرين به هو وضع صعب للغاية، ومن المهم أن تعرفي أنك لست وحدك في هذه المشاعر. الضغط النفسي من العائلة وغياب الدعم من الشخص الذي تحبينه يمكن أن يجعلك تشعرين بالعزلة والضيق. أولاً، يجب أن تدركي أن مشاعرك صحيحة ومشروعة. الشعور بالغضب، والحزن، والقلق، وحتى الوحدة هي مشاعر طبيعية نتيجة للضغوط التي تواجهينها. من المهم أن تجدي وسيلة للتعامل مع هذه المشاعر بطريقة صحية. إذا كنت تشعرين بأن الضغط النفسي أصبح صعباً للغاية، فإن الحديث مع شخص موثوق به، سواء كان صديقاً مقرباً أو أحد أفراد العائلة الذين تثقين بهم، قد يساعدك كثيراً. من المهم أن تشعري أنك محاطة بأشخاص يدعمونك ويفهمونك. أما بالنسبة لرغبتك في إيذاء نفسك، فهذا أمر خطير. من فضلك، إذا كانت هذه الأفكار تتزايد لديك، عليك أن تبحثي عن مساعدة مهنية على الفور. هناك متخصصون يمكنهم مساعدتك في معالجة مشاعرك وتقديم الدعم والموارد اللازمة لتجاوز هذه المرحلة. لا تتخذي قرارات سريعة في هذه اللحظة. حاولي أن تمنحي نفسك الفرصة لاستعادة قوتك. حاولي أن تحبي نفسك وتعتني بها. الذهاب إلى متخصص نفسي يمكن أن يكون خطوة مهمة نحو تحسين حالتك النفسية. تذكري، الحياة مليئة بالتحديات، ولكن من المهم أن نواجهها بالقوة والدعم. لا تترددي في طلب المساعدة، فالصحة النفسية هي أولوية. وأرجو أن تجدّي السلام والقوة في نفسك لتجاوز هذه الأوقات الصعبة.

أهلي يظنون أني أغار من خطبة شقيقتيّ ويجرحونني بكلامهم المؤذي حتى تعبت نفسيًا، ماذا أفعل؟

اجتماعية

علاقات

أهل

سؤال من احد أعضاء فدني

تم النشر الأربعاء، ٢٩ يناير ٢٠٢٥

2 إجابة

4 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك