لم اجد شريك حياه مناسب،. لا ادري. كل الذي اجده في البدايه مناسبا
.
اولا... يكون عندك ايمان ويقين و متأكدة انه نصيب وليه وقته ومكتوب بالضبط هيكون مين وامتا وازاى.. ثانيا... ويمكن مايعجبكيش رأيي بس انا شايف انه حاجة كويسه انك متلقهوش ف اول واحد تتعرفى عليه! طب ليه.. كلنا بنحب حلاوة البدايات وكل واحد عايز يكون حلو وجميل وطيب ويبان كامل عشان يشد الى قدامه ليه - طبيعتنا كدا - وللاسف دا بيدارى حاجات بنتفاجئ بيها بعدين قدام.. فدا حاجة كويسة عشان تقدرى تختارى صح ومتنخدعيش بالمنظر الاولانى .. ثالثا.. كل واحد بيكون ليه مواصفات معينة ف شريكه اللي بيتمناه.. حاولى يكون مواصفاتك معقولة ماتكونش عاليه اوى بحيث إنه لازم يبقى مقفل ال ١٠٠٪ من الى ف دماغك.. رابعا.. متستعجليش ع الارتباط وتأنى ف اختيارك لان دى حياتك حتى لو الى حواليكى زنوا ع دماغك او صحباتك بيرتبطوا.... خامسا.... ادعى ربنا كتير يرزقك زوج هين لين طيب قريب من الناس ويتقى ربنا فيكى.. سادسا.. اتقى ربنا فى نفسك واحفظيها واستغفريه كتير وهو هيجازيكى باللي يحفظك... وربنا يرزقك بالخير يارب..
تم النشر الأحد، ٢٩ ديسمبر ٢٠٢٤
اعرف نفسك جيدا لكى تستطيع معرفة من يناسبك اعرف هدفك من الحياه ومن الزواج بالاخص ما يناسبك فى الطرف الاخر هو ما يتوازى مع حالك او ما يكمل ما ينقصك اعرف ماذا تستطيع ان تعطى للاخر لكى تبتعد عن التناقضات او ان تشعر انت انك غير مناسب
تم النشر الأحد، ٢٩ ديسمبر ٢٠٢٤
عزيزتي، من الطبيعي أن تشعري بالحيرة في رحلة بحثك عن شريك حياة مناسب. العلاقات تتطلب بعض الوقت والتجربة لاكتشاف الشخص الذي يتناسب مع طموحاتك وقيمك. إليك بعض النصائح التي قد تساعدك في هذه الرحلة: تعرفي على نفسك : قبل البحث عن شريك، اعملي على فهم اهتماماتك، وطموحاتك، والقيم التي تهمك. هذا سيساعدك في تحديد ما تبحثين عنه في العلاقة. توسيع دائرة المعارف : قد يحتاج الأمر إلى استكشاف دوائر اجتماعية جديدة، مثل الانضمام إلى أنشطة أو مجموعات مهتمة بمجالات تهمك. هذا قد يسهل عليك الالتقاء بأشخاص مناسبين. التواصل والصراحة : عندما تلتقين بشخص جديد، كوني صريحة حول توقعاتك واهتماماتك. هذا سيساعد على تجنب سوء الفهم في المستقبل. تقبلي الرفض : قد لا يجد المرء دائماً الشريك المثالي منذ البداية. كوني قوية وتقبلي أن بعض التجارب قد لا تثمر عن علاقة طويلة الأمد. إن شاء الله تجدين شريكاً يتناسب مع أحلامك وطموحاتك. تذكري أن الأمر يتطلب الصبر والإيمان بأن الله سيكتب لك الخير.
تم النشر الأحد، ٢٩ ديسمبر ٢٠٢٤
لابد من تحديد معايير اختيار شريك الحياة بما يتناسب مع تحقيق التوازن المطلوب من غير افراط او تفريط ولا مبالغة او طلب الكمال .... اوقات وجهة النظر بتختلف حسب الموقف واللي بنرفضه في وقت بنرجع نوافق عليه بعد كدة القصد نتحقق من سلامة معايير الاختيار اللي بنقيس عليها والدين والاخلاق اهم معايير ويجي بعدهم الاجتماعي والمادي والثقافي والجسدي
تم النشر الأحد، ٢٩ ديسمبر ٢٠٢٤
السلام عليكم ورحمة الله وبركاته بصي ي جميله كنت سمعت دكتور هاله سمير بتقول، ،عاوزه زوج صالح ملتزم مناسب التزمي ،عاوزاه صادق كوني صادقه عاوزاه تقي اتقي الله في كل شي ،متستعجليش بصيلها من ناحيه ايجابيه الي هو انا لسه صغيره لسه رزقي مجاش لان الجواز رزق هيجي باذن الله ،اسال الله ان يرزقك بالزوج الصالح التقي النقي القوام اللهم امين يارب يارب
تم النشر الأربعاء، ١ يناير ٢٠٢٥
في شخص اسمه الدكتور عمرو أبو خليل علي يوتيوب اسمعيه وانتِ هتعرفي وده رابط قائمة التشغيل، بجد مش هتندمي وأي حد ممكن يسمعها: https://youtube.com/playlist?list=PLx9K_iSa8TCgwVXqEhxAyf5p3SMnjRhpo&si=LTjDOe_PKASGN_S_
تم النشر الاثنين، ٣٠ ديسمبر ٢٠٢٤
ادعي الله بالزوج الصالح
تم النشر الاثنين، ٣٠ ديسمبر ٢٠٢٤
ده سؤال محتاج دراسة كاملة .. اعرفي نفسك وافهميها الأول وبعد كده الآخر هيكون أسهل في الاختيار .. افهمي بردو طبيعة العلاقة الزوجية ومسؤولياتها والهدف منها .. كل ده هيساعدك
تم النشر الأحد، ٢٩ ديسمبر ٢٠٢٤
لعرض السؤال في فدني اضغط هنا