أنا صافي وعندي ١٧ سنة وداخلة علي ال١٨ الاول كنت بشرب سجائر بس مع صحابي بعد كده اتجهت للحشيش وبشربو من سن ١٥ و دلوقتي بحاول ابطلو بس برجع تاني نفسي ابطلو وارجع جسمي لشكله الطبيعي ووشي لو اي حد عندو نصايح يبقا جزاه الله كل خير
ابتعدي اولا عن الصحبة السيئة .. كوني صحبة تعينك على الاعمال الصالحة والخير .. هيكون شئ جيد اذا التزمتي بحفظ القران .. وايضا اذا كان هناك عمل خير تقومين به، مثل التطوع .. يعني حاولي الفترة ديه تعملي حاجات تكون مختلفة شوية .. وفي نفس الوقت حاجات كويسة (الفكرة انك تبدلي العادة السلبية ب عادة جيدة).. والاهم من كل ده .. انك فعلا تكوني عايزة تتركي الشئ ده .. لانه حرام .. وانك عايزة ترضي ربنا.
تم النشر الخميس، ١٨ يناير ٢٠٢٤
الحل أنك تقاطعي الصحاب اللي علموكي شرب الحشيش والسجائر لأنهم بيدمروا حياتك - حرفيا رمضان فاضل له أقل من شهرين وهو فرصة ذهبية للإقلاع عن هذه المنكرات عاهدي ربنا أن مع بداية شهر رمضان تكوني توقفتي تماما عن التدخين المخدرات
تم النشر الخميس، ١٨ يناير ٢٠٢٤
اى شىء سىء تودين الابتعاد عنه عليكى الابتتعاد عن كل ما يرتبط به الاماكن والاشخاص ( لا يليق ان نطلق عليهم اصدقاء) اتركيهم بكل حزم اغمرى جسدك بالعصائر المليئة بالفيتامينات القوية ( برتقال - طماطم - رمان ) اعتمدى على التمرينات الرياضيه المستمرة ولو بسيطة ( مشى او جرى فى مكانك ) ( نط الحبل ) المهم يكون بيساعد فى تنشيط الدورة الدموية واستثارة التعرق من الجسم اصحى بدرى وشمى هواء نضيف الصبح الاستمرار مهم جدا جدا والتزامك قصاد نفسك هو المفتاح
تم النشر الأحد، ٢١ يناير ٢٠٢٤
سجائر وبنوتة؟ أين الأهل والأقارب؟ كيف بدأت العادة وهل انت طالبة أم تعملين
تم النشر الخميس، ١٨ يناير ٢٠٢٤
اكل ونوم كويس واشربي لبن وعصير قصب كتير وروحي الجيم وابعدي عن سكه الصحاب خالص وحبي نفسك انشاالله لو واحد ف الميه
تم النشر الأربعاء، ٣١ يناير ٢٠٢٤
بصي يا حببتي اولا اقطعي علاقتك باصحابك دول خالص وابعدي عنهم دي حاجه تاني حاجه روحي لدكتور تمام علشان يقولك ايه الي المفروض يتم لنزع الماده من جسمك تدريجيا بعدها وفي الوقت ده حاولي تقربي من ربنا صلى وقراءه قرأن وكمان تروحي جيم ولا اي نادي تمارسي رياضي تحاولي تشغلي وقتك على قد ما تقدري ولو نفسك جت الحاجه دي قاومي وكلي واتغطى كويس وخدي فيتامينات تعوض جسمك وان شاء الله طالما عندك اراده صدقيني هتخفي بس اصحابك هما الي اذوكي فاولا تبعدي عنهم وبعدها اعملي الي قولتلك عليه صدقيني هترجعي احسن من الاول وكوني صدقات جديده بس مع ناس كويسه وبلاش سجاير او غيره لان السجاير بدايه طريق الشرب وربنا يقويكي يشفيكي ويبعد عنك كل شر يارب
تم النشر الاثنين، ٢٢ يناير ٢٠٢٤
والله انتي بطله عاش عليكي اهم نصيحه تبعدي عن صحابك وتصاحبي ناس كويسه فعلا عشان الصاحب ساحب وحاولي تاخدي الموضوع واحده واحده وفي ادويه ولازم طبيب بس كفو عليكي ده وقع منك 👑
تم النشر السبت، ٢٠ يناير ٢٠٢٤
• لابُد أن تذهبي لطبيبة نفسية حتى تساعدك في التخلص من الإدمان من خلال الأدوية ، لأنكِ أصبحتي مُدمنة ، وهذا ما يجعل الإقلاع عن الحشيش صعب.
تم النشر الجمعة، ١٩ يناير ٢٠٢٤
اولا ازاى بنت وتسمحى لنفسك انك تشربى او تعملى الحجات دى البنت غير الولد تماما البنت ليها سمعتها ثانيا لازم تقطعي علاقتك باصحابك لأنهم خدوكى سكة وحشة وقربى من ربنا وصلى وقعدى مثلا ٣شهور مقاطعة التدخين واشربى حجات مفيدة للجسم تعوضى وإنشاء الله تتعافى انتى قدها
تم النشر الجمعة، ١٩ يناير ٢٠٢٤
لعرض السؤال في فدني اضغط هنا