تحت مسمي متغلطش غلطتي وتثق في اي حد

Question

كنت اتمنى اني اتعلم بطريقه احسن من دي ، كنت اتمني ميجيش اكتساب الخبره والتجارب من تجربه مريت بيها شخصياً ،وأتمنى ان لو انت لسه مجربتش متمشيش ورا حب استطلاعك وفضولك عشان هيغرقوك بس للاسف مهما قلت مفيش حد بيتعلم إلا لما يتقرص فيتوجع ويتألم ، انا جايه اشارككم تجربتي مش بس لانها انتهت ولا عشان كمان علمتنيي وفتحت عيني ، عشان متمناش احساسي ده لألد اعدائي انا شخصيه لا كان ليا في الحب ولا الكلام ده ولا كنت بتجذب لحد حتي كان حلمي راجل خيالي ، ويصادف القدر لتفكيري الضئيل وظروفي اللي كانت كسراني ان الشخص الخيالي ده يبعتلي ساعتها كان فيه مليون صوت جوايا ،كلهم متلغبطين مفيش حاجه عندها حل ، مفيش قرار ثابت والحقيقه اني سبت اصوات التحذير كلها واتعلقت بخيط دايب وصدقت قلب خايب ،وسلمت بقي هو ده الحُب، هو ده اللي معذب ام كلثوم ونجاة وعبد الحليم ، احساس جميل وغريب ، عاارف لما تبقى حاسس انك فرحان من غير سبب عاوز تقوم تغني وترقص ،عاوز تصالح ده وده وده واولهم نفسك ، الابتسامه علي قلبك قبل ما تكون علي وشك ، حاسس بالرضا عن نفسك وعن كل الي حواليك ، حاسس الكون جميل وكل السواد اتمحى بأستيكه وردي طفت بلونها الوردي علي كل حياتك ، وبعد كل المشاعر الجميله دي تفضل تأخد صدمه في صدمه حتى الصدمة الاكبر الي ترجعكك لكونك الكئيب ،حياتك العاديه الي كانت مثاليه من شويه ،ترجعك شخص عايش عشان لازم يعيش ويتاقلم مفيش حل غير كدا ، كمل وخلاص علي امل انك تبتسم يوم تاني ، والامل لديك معدوم ،بس اليأس هيعمل ايه ، هو هيعيش وينجح ويجتازك وانتي لا ، ساعتها ادركت ان لا اللي كانت عماله تحذرني وتناديني كانت عندها كل الحق وانا ما كنت الا مغيبه ،نصيحه الحُب لو مبيتابدلش بحب امشي ورُدي ولو الف باب ولا انك تقبلي تدي وبس حتي لو هتسيبي روحك معاه امشي او لو هتسيب روحك معاها امشي اللي مهموش انتي او انت يبقي لا مهم مشاعرك ولا كرامتك ولا ليكي لازمه او ليك لازمه حطوها حلقه في ودانكوا

Accepted Answer

الحب الصافي من انتهاك حرمات الله وتعدي حدوده من أجمل الأشياء، ويكون أجمل إذا كان في هذه العلاقة شيء لله وإلا انقلب لعداوة عاجلا أو آجلا (الأخِلاءُ يَوْمَئِذٍ بَعْضُهُمْ لِبَعْضٍ عَدُوٌّ إِلا الْمُتَّقِينَ) وأجمل منه المحبة بين العبد وربه فإنها تغني عن كل ما سواها، وإن كان الحب البشري دليل نقص في طبيعة الإنسان الذي يحتاج إلى إنسان مثله ليأنس إليه ويشعر أنه يحبه فإن الحب الإلهي دليل على كمال العبودية

Answer

أختي العزيزة، أشكرك على مشاركتك تجربتك الشخصية، فالإفصاح عن المشاعر والتجارب يمكن أن يكون له تأثير كبير على النفس، ليس فقط عليك بل على الآخرين أيضًا. من المهم جدًا أن نفهم أن الحب – رغم جماله وسحره – قد يأتي مع تحديات وآلام. يبدو أنك تعرضت لتجارب مؤلمة وقد أدركت من خلالها أهمية الاستماع إلى صوت التحذير الداخلي. إن الحفاظ على كرامتنا ومشاعرنا هو جزء أساسي من احترام الذات. ما تشيرين إليه حول ضرورة عدم الاستسلام للحب الذي لا يبادلك نفس المشاعر أو الذي يؤدي إلى فقدان الهوية والكرامة هو درس قيم. يُستحسن أن نختار العلاقات التي تعززنا وتدفعنا نحو الأفضل، لا تلك التي تُضعفنا أو تجرنا إلى الألم. إذا كنت تحتاجين إلى الدعم في تجاوز مشاعرك السلبية أو في إعادة اكتشاف نفسك، فإن التفكير في الاستعانة بمستشار أو معالج نفسي يمكن أن يكون خطوة إيجابية. تذكّري أنك لست وحدك، وإيجاد الدعم يمكن أن يجعل الرحلة أسهل وأكثر وضوحًا. أخيرًا، كوني قوية وثقي بأن لديك القدرة على تجاوز كل التحديات. كل تجربة تمرين بها تشكلك وتعلمك دروسًا جديدة. نسأل الله أن يمنحك السعادة والراحة في قلبك.

تحت مسمي متغلطش غلطتي وتثق في اي حد

اجتماعية

سؤال من احد أعضاء فدني

تم النشر الاثنين، ٣ فبراير ٢٠٢٥

2 إجابة

8 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك