انا في شخص اول مره شوفته مكنتش مرتحاله وكان دائما بيحاول يقرب مني بشكل مريب يعني كان بيصر أنه يقعد عندي في البيت و يحاول يعرف عني كل حاجه وكنت دائما بحس أنه بيحقد عليا وحصل مواقف أكد ده ليا فأنا عندي كام سؤال بخصوص ده
1-الشخص ده انا مره اتكلمت عنه مع ابن عمتي لأني مكنتش عارف اعمل معاه ايه لأن الكلم جاب بعده وانا حكيتله عشان يساعدني ويقولي اتعامل معاه ازاي لكنه الصراحه مفدنيش بأي حاجه 😅المهم انا حاسس إن ده غيبه لأن ابن عمتي ممكن يكون خد فكره وحشه عنه لكن مفيش اي علاقه بتربط بينه وبين ابن عمتي فهل ديه غيبه ؟ وبردوا مره اتكلمت عنه مع امي واختي لكن بشكل غير صريح يعني في كلام مذكرتوش لأن في مواقف هو عملها معايا مش عايز احكيها لأمي واختي وبردوا مره اخويا شافني جالس معاه واخويا جه كلمني وقالي انا مش مرتاح لصاحبك ده فهل ديه كله غيبه ولا لأ؟
2-الشخص ده بردوا كان بيتكلم مع ناس كتير عني يعني مره اتكلم مع المدرس بتاعي اللي انا بحبه والمدرس ده خد عني فكره وحشه انا معرفش هو قال ايه بالظبط عني ولما واجهته اكتشفت أنه اتكلم عني أمام ٧ او٦ أشخاص منهم خمسه انا أعرفهم انا معرفش الباقي خد عني فكره وحشه ولا لأ ومعرفش هو قال عني ايه بس لما انا واجهته كان متوتر ومش عايز يتكلم فهل الي هو عمله معايا ده غيبه وبردوا هو قالي مره إن فيا حد شايفني متكبر فده حسسني أنه بيتكلم عني قدام الناس فهل كلامي ده دلوقتي غيبه عنه ولا لأ والمفروض اعمل ايه؟
3-الشخص ده انا قطعت علاقتي بيه بعد ما اتأذيت جامد معاه تمام ولما بعتلي كل سنه وانت طيب بخصوص العيد انا مردتش عليه وانا فعلا كنت مخاصمه جامد لدرجه اني كنت بدعي عليه وكنت بحس بجاويا إني عايز انتقم منه لكن بدأت أحس أن الموضوع ده بيؤثر عليا بالسلب وخائف اكون من الناس الي بتبقا عاوزه تنتقم ديه وفي نفس الوقت مش عايز اكون اهبل وبسامح أي حد فهل القطيعة الي انا عملتها ديه حرام ده غير اني ممكن اكون اذيته ولما كنت اسأله انا أذيته في ايه يقولي انك مش بتكلمني وبتبعد عني انا بحس أن الموضوع فيه تلزيق يعني من جوايا ببقا عايز اقوله أنت مش مراتي عشان تقولي الكلام الأهبل ده فأنا مش عارف اعمل ايه هل ابتعله أقوله إني سامحته علي كل الي فات واطلب منه أن هو كمان يسامحني ومنكلمش بعض تاني لأن هو مش قريبي فمش لازم نتكلم تاني، فالموضوع مفهوش صله رحم يعني ولا اطنشله والموضوع يبقا بيني وبين ربنا بس ؟
انا عايز بني ادم مش ذكاء اصطناعي هو اللي يجاوبني يا ريت الي يجاوب يجاوب من منظور ديني؟
في جملة شهيرة بتقول Listen to your gut feeling يعني لما تحس من اول مرة انك مش مرتاح لشخص فالغالب احساس بتاعك بيكون صح مش معني كدا انك تبعد عن الناس بس لو لاول مرة قابلت حد وحسيت انك مش مرتاح حاول تحط معاه حدود واضحة وصريحة ومش تخليه يدخل في حياتك ويتعمق فيها
تم النشر الاثنين، ٢٤ يونيو ٢٠٢٤
السلام عليكم ورحمه الله اهلا بك من الواضح انك تتحري الحلال و الحرام و تخاف ارتكاب معصيه و هي الغيبه، خلينا نعرف الاول يعني ايه غيبه؟ ✴️ الغيبه : هو ذكر الانسان لإخيه بما يكره. و هنا ممكن تحكي لأسباب مختلفه لو هتحكي مجرد انك تحكي و تتكلم بلا هدف عادي بندردش لا كدا وقعت في الغيبه و حرام عليك. طيب بتحكي و عاوز نصيحه ، بتحكي لابن عمتك و عاوز منه مساعده في الأمر المريب دا ف دا لا شئ عليك، انت هنا غرضك تلاقي حل ف بتشاور شخص و هنا تكتفي انك تشاور شخص واحد تثق به و برايه و تكون عارف أنه مش هينقل كلامك. ( ممكن ترجع للداعيه مصطفي حسني كنت سمعته و هو بيقول كداعلي فيديوهات الانستجرام) ✴️✴️ ممكن كمان ترجع للأزهر بالاتصال بالخط الساخن 107. تصرفات الشخص اللي تتعبك في الحياه و هو غير رحم لك ، خلاص ابعد عنه ولا تلتفت ، الاصدقاء احنا اللي بنختارهم ، نختار الأقرب الي ارواحنا و أفكارنا و سلوكياتنا. فإذا أنت غير مرتاح في الصداقه دي ليه هتكمل فيها ؟ ايه اللي يجبرك علي انك تكمل فيها ؟؟ الصاحب دا بيكون سرك و سترك و دا اللي يعرف اللي اخوانك ميعرفهوش عنك. ف لو الحاجات دي مش متوفره خلاص ابعد ولا تلتفت وراك خصوصا ان في سلوكيات منه غير مرغوب فيها. ✴️ متأنبش نفسك ، ادعي لك و له بالعافيه و انسي الموضوع و عيش حياتك و ركز في اصدقائك اللي بحبهم . تحياتي لك 💐
تم النشر الأحد، ٢٣ يونيو ٢٠٢٤
هنيجي للنقطه التانيه دلوقتي في شخص انا اتعرفت عليه سواء الشخص ده او غيره هتقابل ده في حياتك كتير ولا بعد ما قربت منه شفت ان هو شخص مش مناسب ان هو يكون قريب منك بالدرجه دي ازاي ان انا اقطع العلاقه دي او ابعده عني ما ينفعش فجاه لان هو مختلف عني ازاي او او انا مش انا مش حابب طريقته طريقته ولكن هو ولكن هو ولكن هو شخص عامل معه بشكل مناسب ايه الشكل المناسب انا ارد على القد ارد بشكل رسمي بس محترم ولطيف اوضح للشخص ده انه انا مش بحب العلاقات القريبه قوي او يعني احنا مختلفين في التفكير او اي حاجه معلش يعني ايه؟ ما بقاش ينفع ان احنا نكون قريبين بنفس الدرجه بس احنا اخوات ولو انت محتاج حاجه انا موجود متاخرش عنك يعني في اسلوب محترم ولطيف علشان الواحد يكون برده رعاه شعور اللي قدامه وفي نفس الوقت ما بقاش مجبر ان هو يتعامل مع حد مش مناسب ان هو يتعامل معه فالافضل انك لا طبعا يعني حد قال لك كل سنه وانت طيب دي زيها زي السلام يعني وليه ما تردش السلام لو حد قال لك. السلام عليكم ما تقول له وانت طيب وبخير وخلاص هو بيقول لك بقى احنا ليه مش قريبين زي الاول او انا بزعل او انا بتضايق يعني اجبر بخاطره واقول له معلش ما تزعلش انا بس يعني ايه شايف ان كده افضل انا مش بحب العلاقات القريبه قوي انا مش بعرف اتعامل كده معلش احنا مختلفين وهكذا وخلاص يعني ونبدا ايه ندرج الموضوع بان احنا ما نتقابلش كتير او حتى لو صادفتوا بعض يعني ايه تسحب نفسك منه كده بشياكه موضوع انك بقى انك حاسس انك عايز تنتقم منه كده بصراحه ده شيء ما فيش منه داعي خالص هو مش اكتر من شخص كان بيقرب منك وانت اكتشفت ان هو مش مناسب ان هو يكون قريب منك وحابب تبعده عنك بس خلاص انت تبعدوا ولكن تنتقم منه عشان هو اتكلم عنه وكده يعني مفيش داعي وكل اللي انت بتقوله هي حاجات انت متخيلها او مستنتجها. فالاستنتاج ده مع اشواقع ومش حاجه ومش تنتقم من شخص اصلا ليه يعني انت لازم لا سمعت كلام معين اتقال ولا اي حاجه. يعني ايه اللي يخليك تعمل كده ما فيش داعي خالص حتى للاحساس ده ويبعد الموضوع ده عنك ويكفي انك تعمل معي زي ما يعني انا نصحتك كده واتمنى تكون نصيحتي.
تم النشر الأحد، ٢٣ يونيو ٢٠٢٤
أنا هنا، ذكية، حابة أساعدك في حل مشاكلك من منظور الحياة والدين. دعنا نبدأ خطوة خطوة: الكلام عن الشخص مع ابن عمتك : طالما إنك حكيت لابن عمتك بنية انك تاخد نصيحة وما كنتش وراك قصد سيء أو ترويج كلام باطل، من الممكن ما تكونش غيبة بالمعنى التقليدي. الغيبة هي لما نتكلم عن شخص بشكل سيء ووراه بهدف الإساءة ليه أو نشر الشر عنه. بما أنك كنت تبحث عن نصيحة وتعامل بحسن نية، يبقى مش بالضرورة تكون غيبة. لكن دايما حاول نتجنب الحديث عن الناس بشكل عام إلا إذا كان فعلاً ضروري. الشخص دا بيتكلم عنك بالسلب : اللي تحدثه الشخص عنك من وراء ظهرك ويأثر على سمعتك من غير سبب مبرر يعتبر غيبة. خصوصًا لما يكون فيه كذب أو مبالغة. لو انت مش عارف بتحديد هو قال ايه، يبقى الله أعلم، بس لو واجهته وكان متردد ومتوتر، فده ممكن يعني انه عارف انه كان غلطان. كلامك عنه دلوقتي للبحث عن النصيحة مبيكنش غيبة، خاصة إذا كان الهدف هو فهم الوضع وكيفية التعامل معه. قطع العلاقة والدعاء عليه : قطع العلاقة بدون سبب وجيه ممكن يعتبر أمر سلبي في الدين، لكن لو الشخص ده كان بيأذيك نفسياً وكان في ضرر من استمرارية العلاقة، فممكن يكون عندك حق في الابتعاد عنه لحماية نفسك. الدعاء عليه ده ممكن يؤثر عليك بالسلب وعلى سلامتك النفسية، وربنا بينصحنا في القرآن بالتسامح والرحمة. لو حسيت إنك بتخفف بغضبك من الشخص، ممكن تبعتله رسالة بأنك سامحته وتطلب منه يسامحك عن أي حاجة، وإنكم تنتظروا بعض التوفيق. مش لازم ترجعوا تتكلموا لو مش حسيت أنه في مصلحة لده. في النهاية، استمع لقلبك واعمل اللي بتحس إنه صح ويتماشى مع الدين ويجعل سلامك الداخلي أفضل. ربنا يبارك فيك ويوجهك لأفضل طريق. یا ريت، لو عندك أي استفسار آخر، أنا هنا لمساعدتك. 😊
تم النشر الأحد، ٢٣ يونيو ٢٠٢٤
إن شاء الله كوتش ياسمين أو أي خبير مختص هيرد عليك وينصحك بخصوص مشكلتك.
تم النشر الأحد، ٢٣ يونيو ٢٠٢٤
لعرض السؤال في فدني اضغط هنا