السلام عليكم ورحمه الله وبركاته
بصوا يا جماعه انا دلوقتي عندي دايما بتتعبني الجيوب الانفيه وحرفيا انا اسفه علي اللي بقولوا كمية بلغم كبيره جدا جدا جدا حتى أول ما أصحي من النوم اشرب ماية ألاقي كتل بلغم واقفه في حلقي وبيتبلع انا وبشرب لكل شويه لا انف
زائد طبعا ضيق التنفس علي طول والصداع اللي علي طول وألم في عظام وجهي بس للأسف كل لما اجيب أدوية مش بتجيب فائدة أنا رحت لأربع دكاترة وكل واحد كتب لي علاج بس مش نافع في دكتور قال ممكن تحتاج عمليه الأنف الوظيفي هل بقى في الحاله دي اعمل عمليه ولا ايه ؟
وعليكم السلام ورحمه الله وبركاته مش بس عالمها بيكون الادويه لانه لو بتاخذي دواء بس انت مش واخده بالك من الظروف اللي حواليكي بتزود لك التهاب الجيوب الانفيه فالعلاج مش هيجيب نتيجه ان انت مستنياها ضروري انك تبقى عادي عن الروايح القويه او بتستخدمي معطر ريحته قويه في البيت هتحتاجي انك تبعدي عنه لو برده. بتنزلي في الشارع كثير وبتتعرضي للدخان بتاع العربيات والتراب والكلام ده فلازم تاخدي بالك هتحتاجي انك تنزلي في الشارع يكون افضل حاجه تقعدي فتره تلبسي كمامه عشان تساعدي الالتهاب بتاع الجيوب الانفيه ان هو يخف مش عارفه ايه نوعيه الادويه اللي انت اخذتيها مع كذا دكتور ممكن تكوني تاخذي حاجه اللي هي بتكون مؤقته للجام لكن في وقت لما بيكون الالتهاب شديد للدكتور بيكتب مضاد حيوي فهل عدى عليكي ولا لا لو بتاخدي الدوا مثلا اسبوع واسبوعين وبتلاقي المنتظره يعني انه كده خلاص هيتخف خالص والموضوع ما يتكررش فده يبقى صعب لانه التهاب الجيوب الانفيه لما يكون بالدرجه دي بيكون مزمن فانت هتحتاجي انه حتى بعد ما تخلصي الدواء اللي هو كثير بيكون فيه نوع من الادويه كده بيكون شبه مستمر معاكي يعني بتاخديه ممكن بالشكل دائم عشان كمان موضوع البلغم ده يعني انا كانت مرت عليا التجربه دي وفي فتره كنت باخد فيها حاجه بتذوب البلغم على طول علشان الالتهاب كان في مرحله حتى بعد ما عالجته اللي هو المهم ما بقاش فيه صداع او ما بقاش فيه انسداد في الانف كبير ولكن كان لسه فيه بلغم وكنت محتاج دائما اخذ العلاج اللي بيذوب البلغم فانا انصحك يعني تراجعي كده انت كنت بتاخذي العلاج قد ايه؟ والموضوع كان بيتحسن لانه لو بيتحسن بس زي ما قلت لك كده كان في حاجات لسه خارجيه مؤثره عارفه لازم تاخدي بالك في وقت العلاج من الحاجات دي. طبعا مساله العمليه دي هتكون راجعه للطبيب يعني لو مش كل الاطباء رشحوها لك يبقى ما اعتقدش ان هي احسن حاجه.
تم النشر الأحد، ١٢ يناير ٢٠٢٥
للأسف مشكلة الجيوب الأنفية المزمنة بتبقى متعبة ولازم استمرار على التعليمات والعلاج وتجنب أي مسببات تضاعف الأعراض وخاصة في وقت تقلب الفصول وتغيرات الجو. المفروض بتتابعي مع طبيب لفترة قبل ما تقرري تغيري لطبيب آخر، إذا كنتِ تابعتِ لأشهر مثلا وطلب أشعة ولقى إن العملية هي الحل فتوكلي على الله واعمليها. إذا كنتِ قلقانة فممكن تاخدي الأشعة اللي عملتِها (لو كنتِ عملتِ أشعة) وتعرضيها على أكثر من استشاري وتسألي أي أسئلة قلقاكِ بخصوص العملية ونتايجها وإن شاء الله خير. ألف سلامة.
تم النشر السبت، ١١ يناير ٢٠٢٥
وعليكم السلام ورحمة الله وبركاته، أختي العزيزة، أعلم أن المعاناة مع الجيوب الأنفية قد تكون مزعجة جدًا وتؤثر على حياتك اليومية بشكل كبير. الأعراض التي ذكرتها، مثل البلغم الزائد وضيق التنفس والصداع وآلام الوجه، هي شائعة لدى المصابين بالتهاب الجيوب الأنفية. إذا كنت قد زرت عدة أطباء ولم تحصلي على تحسن ملحوظ مع العلاجات التي وصفوها، فقد يكون من المنطقي التفكير في الخيارات الأكثر تقدمًا، مثل العملية الوظيفية للأنف. هذا النوع من العمليات يمكن أن يساهم في تحسين تدفق الهواء وتقليل انسداد الجيوب، مما قد يحسن من حالتك بصفة عامة. قبل اتخاذ أي قرار، يفضل التحدث مع طبيب متخصص في الأنف والأذن والحنجرة، حيث يمكنه تقييم حالتك بشكل دقيق وطلب إجراء الفحوصات اللازمة لتحديد ما إذا كانت العملية هي الخيار الأنسب لك. تذكري دائمًا أن القرار النهائي يجب أن يكون مبنيًا على جميع المعلومات المتاحة بعد التشاور مع المتخصص. أسأل الله أن يخفف عنك ويشفيك سريعًا. إذا كان لديك أي استفسار آخر، فلا تترددي في طرحه. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الجمعة، ١٠ يناير ٢٠٢٥
اكشفي احسن
تم النشر السبت، ١١ يناير ٢٠٢٥
جربتيها انا هموت واعملها 😅😂بصراحه بس عاوزه اطمن أن في ناس عملتها
تم النشر السبت، ١١ يناير ٢٠٢٥
عادي اعملي عمليه منها تجميل ومنها إجراء صحي
تم النشر السبت، ١١ يناير ٢٠٢٥
لعرض السؤال في فدني اضغط هنا