جماعة لو سمحتم هو انا عندي مشكلة في التعامل مع الناس يعني أنا مقدرش أن أتكلم بصوت عالي أمامهم و دايما بأكون واقفة مهزوزة و صوتي واطي و مش عارفة أطلعه و حتي لغة جسدي و التواصل البصري بردو بأكون خائفة من مواجهتهم و مش بأعرف أطالب بحقوقي خائفة من ردة أفعالهم و أن مش هاعرف أتعامل معها بذكاء و كذلك ارائي في الشغل دائماً باحس أنهم اعلي مني لأنهم بيعرفوا يردوا و واثفين من نفسهم و شخصياتهم قوية و مواكبين الأحداث الا بتحصل حواليهم غيري أنا باحس نفسي لوحدي في دينا وهما ف دينا و كسرين عينيا حتي لو محدش ليه فضل عليا ، مجرد فكرة أن لو عيطت ادام حد باحس أنه احسن مني وان الوقتي بقيت ضعيفة و مش عارفة أتحمل مسئولية...... و لا حتي لو اتجرات عليهم و صوتي بقي عالي و شخصيتي قوية و عارفة ارد و أتعامل و اعبر عن حقوقي و ارائي أنهم هيعقدوا يتكلموا عليا هي بقيت عاملة كده ليه بتفرض شخصيتها علينا هيضحكوا عليا مكسوفة منهم و خائفة من انتقاداتهم حاسة كأنهم مقيمين ليا حاسة أن بجد أنا زي جارية ليهم و هما الأمراء مينفعش اضايقهم و لا اعلي صوتي عليهم و أن لو اتكلمت مع حد باتكلم بصوت واطي و بسرعة كبيرة حاسة أن قليلة ان حد يسمعني ومش عايزة أفضل ظاهرة تحت الأضواء وقت كبير ده بيحسسني بالخوف
شوفي هي غالبا التفاصيل دي بتكون موجوده ف الاشخاص الي عندهم قلق اجتماعي هتلاقي كمان بتحسي بضربات قلب مرتفعه واحمرار ف وشك وبروده او سخونه ف جسمك فجأه وتعرق شديد ورعشه ف اطرافك ف العموم ده سهل نتعامل معاه اول حاجه بتمارين الاسترخاء العضلي والتنفسي وتاني حاجه بتشتت الافكار ومواجتها تشتتيها ف انك لو داخله ع مجموعه من الناس وجتلك افكار توترك ابداي دندني اغنيه بتحبيها استغفري سبحي اعملي عمليه حسابيه بشكل متسلسل عشان تهدي وتواجهي الافكار بأنك مش ضعيفه وانك ذكيه وانك هتقدري تواكبي زمايلك وانك مش مهنى انك هاديه انه ضعيفه وحتى لو قالوا هي اتغيرت ليه هي عايزه تفرد شخصيتها اه ايه المشكله لما اعمل كده ولو استمريت فتره ع كده وتجاهلت تعليقاتهم السلبيه هيعتادوا الوضع وتعليقاتهم هتقل الاهم انك تنتظمي ع تمارين الاسترخاء العضلي والتنفسي والرياضه هتساعدك كتير
تم النشر الجمعة، ٣ مارس ٢٠٢٣
الكلام بصوت واطي مش حاجه وحشه. دي حاجه حلوه و كمان انتي بنت ، اما حوار انك مهزوزه دا معنها عندك مشاكل ف البيت ولازم متبصلهاش و حبي نفسك يعني حطي نفسك اول حاجه في اختيار بس بينك وبين نفسك و افرضي رايك بذكاء و ال مش عجبه عادي ال بعده و كدا كدا يمين شمال الناس بتتكلم و كمان ، محتاجه بس تطوري من شخصيتك الفكريه عن طريق كتب
تم النشر الجمعة، ٣ مارس ٢٠٢٣
لو قرأتي فالتنميه الذاتية هتفهمي إنها أفكار بتتحارب بافكار زيها ولكن بالعكس يعني تكلمي نفسك داخليا كده لو خايفه.. لا هخاف من إيه ماخلاص عملت ال ف استطاعتي ومش يغضب ربنا ولا ضد مبادئي يبقي ال يقول يقول وهيفضلوا يقولوا فمتحطيش فبالكك أصلا. وردك يبقي ابتسامه كده وصمت ولا حتي تديهم مكانه إنك تردي ده لو عملوا كده ولو حد أتكلم باحترام يبقي افهموا إنه اه بتغير وكلنا بنتغير وإن شاء الله للأفضل وبتعلم وبحاول اتنصح وإن ربنا يحب المؤمن القوي اللين يعني هو واعي وفاهم بس مسالم.. شوفي فيديوهات عن لغه الجسد والكاريزما واتمرني مع نفسك ووقفتك. مرني نفسك علي سيناريوهات واقراي عن فن الكلام والردود.. محتاجه بس شويه وعي و تمرين واتنفسي كويس ولو عرفتي تلعبيي يوجا ياريت جدا
تم النشر الجمعة، ٣ مارس ٢٠٢٣
لعرض السؤال في فدني اضغط هنا