السلام عليكم ورحمة الله وبركاته
انا شاب متعلم تعليم كويس والحمدلله علي خلق وسيرتي طيبة بين اهل بلدي والحمدالله شغال شغل كويس بشهادتي واهلي ناس طيبة . ونويت اني اخطب واتقدمت لكذا واحدة وكل مرة يبقا اهلها موافقين وكل حاجة تمام وفي الاخر العروسة متوافقش وتقول انها مش مرتاحة ومفيش اسباب واضحة للرفض
فيه حد قالي انه شافلي عند شيخ اني عندي مشكلة وكدة هي السبب في ان العرايس بترفضني بس انا الحمدلله حاسس بنفسي مفيش اي حاجة وبقرأ اذكاري وقراءن وحاسس اني كويس جدا ومعنديش اي اعراض من اللي الشيخ قال عليها هي مشكلتي بس انه اترفضت كذا مرة من العرايس
ودلوقتي انا محتار اسمع كلام الشيخ واتابع ع العلاج اللي ادهولي اللي انا مش حابه اصلا ومش مقتنع بكلامه ولا محطش في دماغي الكلام دا والجواز دا نصيب والتزم بقراءة سورة البقرة والاذكار والصلاة والرقية الشرعية واتوكل ع الله
أخي الكريم .. لا أنصحك أبدا بتصديق كلام شخص يدعي أنه (شاف لك عند شيخ) فإن الشيوخ أو العلماء لا يعلمون الغيب ولا يعلم الغيب إلا الله عليك بالتوكل على الله ..وتحصين نفسك بالقرآن والأذكار الصحيحة في السنة النبوية (إن الله يحب المتوكلين)
تم النشر الأحد، ٢٨ يوليو ٢٠٢٤
أوصيك بثلاث : قيام الليل والاستغفار بالسحر والصلاة على النبي في النهار. حاول ان تواظب على قيام الليل والدعوة كل يوم بالزوجة الصالحة والذرية الصالحة ، لعله يكون اختبار من الله لك، فاثبت واطعه واقترب منه ، واعلم ان الزواج رزق بيد الله واعلم ان القلوب بين يدي الرحمن يقلبها كيف يشاء وأنت لا تعلم في أي قلب قد يكون رزقك ، فإن أردت شيئا من الله فاقترب منه.
تم النشر الأحد، ٢٨ يوليو ٢٠٢٤
عليكم السلام ورحمة الله وبركاته كلام ذلك الرجل غير مطمئن، ما دمت محافظًا على أورادك وأذكارك فلا تلتفت له. بالمناسبة، الشيوخ الذين يعالجون بالقرآن ونحسبهم على خير يطلبون ممن يقصدهم أن يقرأ بنفسه وأن يجتهد وإلا فإن جهدهم بالقراءة على الشخص على فترات غير كافٍ لتمام الشفاء. بالنسبة لرفض الفتيات، فأكيد هذا هو الخير، لا تفكر فيما مضى كثيرًا، ودائمًا قل: الله يختار لنا الخير.
تم النشر الاثنين، ٢٩ يوليو ٢٠٢٤
أحكي لك قصة بسيطه حقيقيه.... الشيخ الكبير احمد ديدات رحمه الله كان قد رُفض في 32 خطوبه وراح ل 33 واتوفق ودا كان لشده فقره قد ترى الرقم كبير بس الجواز نصيب وتلف الايام ويتحول لفضيله الشيخ أحمد ديدات الذي هدى الالاف للاسلام وتتحول زوجته لحرم الشيخ ديدات ركز معي في القادم.... وعندما ابتلاه الله مرض بالشلل 9 سنين اخر عمره زوجته من كانت تغير له ملابسه وفراشه يوميا ولم تتركه في حالته حتى تعجب الاطباء انه لم يأتيه قرحه الفراش فيا اخي الزوجه الصالحه خير متاع الدنيا ممكن هي مش موافقه دا من توفيق ربنا ليك انه بيعدلك الافضل وده طبعا لما تكون نيتك صالحه وانسان كويس قال تعالى " وعسى أن تكرهوا شيئا ويجعل الله فيه خيرا كثيرا" فأستبشر ده ربنا بيختارلك والكويسه هتيجي هتيجي وما تزعل على واحده تروح ففي كتير جدا جيل ورا جيل وحتى نفس الجيل ربنا ما خلق اللي راحت هي بس اللي كويسه في الجيل ده لا في كتير اوووي فأستبشر خيرا
تم النشر الأربعاء، ٣١ يوليو ٢٠٢٤
وعليكم السلام ورحمه الله. وعليكم السلام ورحمه الله وبركاته. خليني اقول لك وافكرك انه الجواز ده رزق من الارزاق فحتى الان لم ياتيك هذا الرزق لم يكتب لك يعني مش اكثر من كده مش بس الاسباب لازم تكون الشكل الاجتماعي والادب والاخلاق لانه اصلا الرقيه الشرعيه اسفل الرؤيه الشرعيه بتتعمل ليه بتتعمل علشان. يعني الطرفين يشوفوا اذا في قبول ولا لا القبول ده اللي هو ايه ده قبول نفسي ملهوش علاقه باي حاجه لازم يكون شكلك وحش او شكلك غير مقبول فمعنى كده ان البنت ما قبلتكش مش لازم يكون فيك عيب فظيع يعني فهي تحس انها مش قبلاك لا يعني ده ده قبول نفسي ملوش علاقه باي حاجه بيبقى ارتياح مبدئي يقول انه كل شخص والموضوع متبادل يعني حس ان في تقبل انه احنا ممكن نعرف بعض اكثر ااا انا حسيت انه الشخص ده ممكن اتقبل ان هو يكون زوج ليا فيه كده. راحه وانشرح بيجي ما فيش حد بيبقى عارف يفسره لسبب معين او مش شرط تلاقي البنت بتقول لك يعني انا ارتحت لك عشان كذا يعني مش شرط خالص فيه بيبقى كده وفي بيبقى كده في بتبقى اسباب ماديه واضحه وفي اسباب ما بتبقاش واضحه خالص عشان كده بنقول ان هو رزق من عند الله ربنا رزق وييسر وقدر انه الاثنين دول يرتاحوا لبعض فااا يقدروا ان هم يبداوا مشروع خطوبه وجواز هيحسوا بارتياح تجاه بعض الامور هتاخد مسارها ربنا لسه مقدرش خلاص هتلاقي انه محسنا اللي بيقول لك بقى انت ممكن يكون في شيء روحاني عامل لك يعني لا طالما انت محافظ على اورادك واذكارك ملكش دعوه بالكلام ده خالص همم. اقرا سوره البقره ورقيه شرعيه على نفسك يعني ان لازم الامر واكثر من كده ما فيش داعي ملكش دعوه بحد.ش بكبته بس كده.
تم النشر الأربعاء، ٣١ يوليو ٢٠٢٤
وعليكم السلام يجب عليك تحصين نفسك للصلاة وتشغيل ايه البقره يوميا
تم النشر الأربعاء، ٣١ يوليو ٢٠٢٤
وعليكم السلام ورحمة الله وبركاته! أول حاجة، ربنا يصبرك ويكرمك باللي فيه خير لك. موضوع رفض العرايس أوقات بيكون مش سهل، ومش دايمًا له سبب واضح. ممكن يكون فيه ضغط نفسي عليهم أو هم محتاجين وقت للتفكير. كمان، أحيانا العروسة ممكن تحس بارتياح أو عدم ارتياح لأسباب حاجات داخلية، مثل شعورها تجاهك أو موقف معين، بغض النظر عن مستواك التعليمي أو عملي. بالنسبة لكلام الشيخ، إذا كنت مش مؤمن بالكلام ده، ما تضغطش نفسك عليه. لكن في نفس الوقت، تقدر تأخد فترة تركز فيها على نفسك وتعمل تقييم لحالتك عشان تطور نفسك أكتر، سواء من الناحية الاجتماعية أو النفسية. واصل قراءتك للقرآن وأذكارك، فده مهم وبيديك طاقة إيجابية. الجواز نصيب، بس خلّيك دايمًا متفائل وفتح أبواب جديدة في حياتك، سواء من خلال التعرف على بنات جديدة أو أنشطة جديدة تشارك فيها. لا تفقد الأمل، كل حاجة هتتيسر بإذن الله. وإذا احتجت تتكلم أو تخوض تجربة نصائح، أنا هنا معاك!
تم النشر الأحد، ٢٨ يوليو ٢٠٢٤
لعرض السؤال في فدني اضغط هنا