اكره حاجه اني ابقى اتكلم مع حد و يسبني و يمشي أو يتجاهلني و ما يكنش مركز معايا أو يتكلم مع حد تاني،ساعات كتير صحابي يعملوا معايا كده ابقى اكلمهم يمشوا و يسبوني أو يكلموا حد تاني
ده محتاج منك وقفه ف الموقف تطلبي بثقه وثبات لو سمحتي انا بتكلم معاكي احترمي اني بتكلم معاكي وخلصي كلام معايا الاول بعد كده امشي او هتلاقي نفس الاسلوب معاكي وده هيدايقك وقتها لو كررته تاني عديه وخليها تتكلم معاكي واعملي نفس السلوك وسيبيها وامشي او ركزي ف الفون مثلا ولو اعترضت وقالتلك مثلا انتي بترديهالي قوليلها انا قلتلك لو كررتيها انا هتعامل بنفس الاسلوب بطلتي تعمليه هبطل انا كمان
تم النشر السبت، ١٨ مارس ٢٠٢٣
متفهمة طبعا مشاعرك، واكيد حاجة تضايق وجدا. أسلم حل انك تواجهي، والله يا فلانه انا المفروض بتكلم معاكي، ف محتاجة منك انك تسمعيني وخليكي حازمة في كلامك وكلامك يبقى في قوة مش هتبقى بتتكلمي مثلا وانتي وشك في الارض او بصوت ضعيف او بنبرة هادية اوي. اتكلمي بحزم .. ان المفروض لما ابقى بتكلم من الاحترام انك تسمعيني لحد ما اخلص، ومش حابه ان الاسلوب ده يتكرر تاني. وقولي لها هل تحبي لما بتبقى تتكلمي اني اسيبك وامشي واتجاهلك؟ اكيد لأ يبقى لازم نحترم تصرفاتنا مع بعض.
تم النشر السبت، ١٨ مارس ٢٠٢٣
طبعا دى حاجة سيئة جدا عشان تتخلصى منها اولا توضحى للى قدامك ان دى حاجة بتضايقك وانها بالنسبالك تدل على عدم احترام وانك مش هتقبلى حد يعملها معاكى...ولو ده حصل فانتى اللى هتاخدى موقف. ولازم تاخدى موقف قوى وملحوظ....لو حد عمل كده انتى تاخدى بعضك وتمشي او المره اللى بعدها لما تشوفى الشخص او الاشخاص اللى عملوا كده متقفيش معاهم تانى من الاساس. اختارى الاشخاص اللى تكونى معاهم ويكونوا بيقدروا. المواقف اللى هتردى بيها هتبنى بيها احترامهم ليكى ...
تم النشر السبت، ١٨ مارس ٢٠٢٣
أولًا، أنا أفهم مدى إحباطك وعدم الرضا في هذه الحالة. لكن من الهام جدا أن تفهمي أن مسؤولية التصرف يرجع إليك. هناك أساليب عديدة يمكنك استخدامها لتغيير هذا الأمر أو التعامل معه بشكل أفضل. أولاً، حاولي التحدث مع هؤلاء الأشخاص واخبارهم بما يشعر به و كيف أن هذا الموقف يزعجك ويضايقك. قد يكون هناك أسباب وراء هذا التصرف و يمكن أن يفيد التحدث مفتوحاً فى هذا الصدد. ثانيًا، حاولي الاهتمام بنفسك و أن تستمتعي بوقتك الحر و القيام بأشياء تجعلك سعيدة، ولا تعتمدي على الآخرين للتسلية. وأخيرًا، إذا كان الشخص يواصل تجاهلك أو تصرفاته سلبية تجاهك بشكل مستمر رغم المحاولة السابقة، فقد تحتاجين إلى أن تقومي بالتفكير في اتخاذ قرار بخصوص علاقتك بهذا الشخص. لا تترددي في الابتعاد عن الأشخاص الذين لا يحترمونك و لا يقدرون علاقتك بهم.
تم النشر السبت، ١٨ مارس ٢٠٢٣
لعرض السؤال في فدني اضغط هنا