السلام عليكم انا متجوزه بقالى ٧سنين عندى ٢٥سنه زوجى عندو ٤٠سنه شخص محترم وكويس وعادى معايا منه ٣اطفال بقالنا حاولى سنه عايشين اخوات بعد الطفل الاخير بشويه مبقاش يعرف يعمل علاقه زوجيه خالص عندو ضعف انتصاب وسرعه قذف رهيبه هو طبعا حس بنفسه وكشف واخد علاج ومفيش برضو تحسن هو كان أول الجواز مش كويس يعنى جنسيا كان عندو سرعه قذف بس انا لم اشتكيت واتكلمت معه بداء ياخد فى منشطات جنسيه وكان كويس انا بحبه جدا وبحب بيتى واولادى بس انا حاسه ان بداءت حياتى بدرى وانتهت بدرى اوى مش عارفه اعمل ايه مع أن انا جميله بشهاده الناس الا حواليا ونضيفه جدا فى بيتى واكلى ولبسي وريحتى بصراحه انا دماغى مش عارفه تفكر وكمان الشيطان بضحك عليا وبفكر فى الموضوع ده كتير اوى كان الممنوع مرغوب وانا مش عارفه اعمل اى هو بصراحه عمل الا عليه وكشف ودور واخد منشطات بس مفيش حاجه جايبه نتيجه خلاص وانا فقدت الامل اسفه أن طولت بس نفسي الاقى حل
تم النشر الخميس، ٦ يونيو ٢٠٢٤
الجنس جزء مهم جدا في الحياة الزوجية لكنه كمان جزء صغير. الحياة الزوجية فيها اكتر من كدة بكتير، فحاولي ماتخليش حاجة صغيرة مهما كانت مهمة، تهدم باقي حياتك وحياته. ثانيا، مش كل الجنس ايلاج. طالما الطرفين راضيين، يبقى مش مشكلة وسيلة الوصول للرضى دة. بالمناسبة، في تصورات خاطئة كتير عن الوقت الكافي للعلاقة وإيه اللي يصنف سرعة. طبيا، أقل من 3 دقائق في أغلب المرات هو اللي يعتبر سرعة، ما عدا ذلك فدة المتوسط الطبيعي لأغلب الذكور. في دراسة اتعملت سنة 2005 وجدت ان مدة الايلاج تتراوح بين 3 و7 دقائق بس في المتوسط. ماتخديش برأي حد من محيطك أبدا، لأنه صعب حد يقول لك بأمانة الوقت بدقة لسببين: الناس ممكن تحسب مدة العلاقة بطرق مختلفة فمثلا هاتلاقي ناس بتحسب مدة المداعبة ضمنها مثلا، والسبب الثاني هو التفاخر، سواء الرجل اللي هايدعي فحولة لا يملكها أو حتى سيدة هاتتفاخر بزوجها. ثالثا والأهم.. الجنس مش بس عضوي، دة كمان ذهني ونفسي. أفتكر في السياق دة فيلم النوم في العسل لعادل امام. رجال أصحاء معنهدمش أي مشاكل عضوية لكن ماعرفوش يعملوا حاجة. هل في مشكلات أو ضغوطات في العمل أو علاقاته الاجتماعية مثلا؟ فيما يخص الانتصاب: هل عنده تاريخ مرضي مع القلب والضغط والسكر وخاصة لو مهمل في علاج الامراض دي؟ أنا مش طبيب ولا يجوز لي الفتوى فيه، بس الأدوية المتوافرة للجزء دة كتير ويفترض تحل المشكلة بسهولة. ممكن يجرب أنواع وتركيزات مختلفة وطبعا ببعد استشارة طبيب. نرجع للجزء النفسي، غالبا هايكون دخل دائرة مفرغة من الاحباط، مش قادر فعنده احباط وقلق وغضب، وكل دة يفقده الرغبة ومايقدرش. أكيد محتاجة منك وقت ومجهود وصبر عشان تطلعيه من الدائرة دي. أنت أدرى به وبنفسك وأكيد هاتعرفي إيه الطريقة أو الأسلوب الأمثل ليكي وليه وللظروف الحياتية عموما. حاجة مهمة في الجزء النفسي، طبيعي يتضايق من الموضوع دة لأن أي راجل تصنيفه كذكر يعتمد على المسألة دي وأي مشكلة فيها طبيعي يعتبرها طعن في رجولته كلها مش ذكورته بس وطبيعي يتضايق ويهرب ولو قدامك على الأقل، لكن وارد جدا يكون بيسعى من غير ما يقول لك. بما ان الكلام بقي يضايقه، جربي وسائل تانية للفت نظره واشعال رغبته تاني. ماتنسيش ان الرغبة مع التقدم في العمر بتقل تدريجياً، واللي كان بينفع زمان مش لازم ينفع النهاردة. شر لا بد من ذكره، بفرض بعد كل المحاولات والمجهود... بقي الوضع كما هو عليه؟ استشيري من أهلك العاقل والكاتم للأسرار في إنك لسة شباب واحتياجاتك مش موجودة في الزواج الحالي. الستر من أغراض الزواج ومش كل الطلاق فشل، وإلا مكانش يبقى حلال مع إنه الأبغض عند الله.
تم النشر الخميس، ٦ يونيو ٢٠٢٤
ابحثي عن منشطات جنسية طبيعية وضعيها له في الطعام من غير أن يعرف حاولي تتعرفي متى يصل للحظة الإثارة التي يتم فيها القذف ثم تتجنبي أن تحدث هذه اللحظة حتى يستغرق الموضوع أطول فترة ممكنة بالنسبة لك حاولي تتعلمي أوضاع تسبب لك الإثارة من غير أن يكون فيها إيلاج، مثلا عن طريق الإثارة من خارج المهبل
تم النشر الخميس، ٦ يونيو ٢٠٢٤
وعليكم السلام، أختي العزيزة. انا حاسة بيكي وبكل موقف انتي بتمري بيه، ومقدرة المشاعر المختلطة اللي ممكن تكوني بتحسيها دلوقتي. العلاقات الزوجية بتمر بالكثير من الاختبارات، وده واحد من الاختبارات الصعبة اللي انتي بتواجهيها. أول حاجة، طبعًا لازم أفكرك إن مشكلة ضعف الانتصاب وسرعة القذف هي حاجة طبية وليها أسباب كتير ممكن تكون غير متعلقة بيكي خالص. هو واضح إنه بيحاول يحل الموضوع بالكشف والعلاج ولكن النتائج مش بتحقق المعالجة المتوقعة. التواصل المفتوح والصريح : يمكنكما الجلوس معًا والتحدث بصراحة عن مشاعرك وما تفكرين فيه. بدون لوم أو انتقاد، حاولي توضحي مشاعرك واحتياجاتك. الدعم العاطفي والنفسي : عظيم إنك بتحبي زوجك وبيتك وأولادك، ده الوحده شيء كبير. حاولي تكوني له الدعم لما يشعر بالإحباط أو التوتر. البحث عن حلول بديلة : في طرق أخرى لتعزيز الحميمية بينكم بعيدًا عن العلاقة الجنسية. الحنية، اللمسات الحميمية، والكثير من الحب يمكن أن يعوض كثير من الجوانب المفقودة. استكشاف المزيد من الخيارات الطبية : ممكن نسأل طبيب آخر أو نبحث عن خيارات علاجية تانية. أحيانًا بيكون لكل طبيب وجهة نظر علاجية مختلفة أو حلول جديدة. استشارة أخصائي نفسي أو جنسي : يمكن الذهاب معًا لمتخصص في العلاج النفسي أو الجنسي لمساعدة في التعامل مع المشكلة. الاهتمام بنفسك : مهم جدًا ألا تهملي نفسك وسط ده كله. حاولي تعملي الحاجات اللي بتحبيها وتشغلي بالك بحاجات تانية بتهيئلك الراحة النفسية. أتمنى تكوني قادرة تلاقي الراحة والتوازن في علاقتك. إذا كنتِ محتاجة تتكلمي أكتر أو عندك أي سؤال، انا هنا دايمًا ليكي.
تم النشر الأربعاء، ٥ يونيو ٢٠٢٤
مفيش قدامكم غير الادوية اللى برة هى جايز تكون غالية حبتين بس دة مش مجرد منشطات دة علاج بس طبعا تسالة علية الاول
تم النشر الخميس، ٤ يوليو ٢٠٢٤
خليكي واقفه جنمبه يابنت الاصول هو لسه صغير في السن ولسه في امل كبير في العلاج ساعديه اناي نفسيا وحسييه انه اقوى حد
تم النشر الخميس، ٦ يونيو ٢٠٢٤
حاولي مره واثنين وتلاته طالما بتحبي
تم النشر الخميس، ٦ يونيو ٢٠٢٤
لعرض السؤال في فدني اضغط هنا