احتاج علاج نفسى
انا تعبانه نفسيا خارجه من زواج لى سنتين بس تعبانه بسبب كان يهينى يضربنى عملى سحر بهدلنى بس تجى احلام انو رجعت بهدلنى ثانى اقوم من نوم. صراخ عياط لمده خمس ساعات متواصلة دقات قلبي سريعه نفسى يتكتم مقدرش اتنفس مش بفوق من الصراخ غير بعد ساعات اعمل اى ازى اخرج من انا فيه
السلام عليكم ورحمه الله وبركاته طبعا طبعا انت محتاجه علاج نفسي بس لازم تعرفي انت محتاجه تعالج ايه؟ اللي انت محتاجه تعالجيه هو الاثار اللي سابتها عليك التجربه بتاعت الزواج دي كل علامه. من اهانه وضرب لو العلامه الجسديه راحت ففي علامه نفسيه موجوده مكانها كل مره انت عيطت فيها سايبه علامه جواكي كل العلامات دي بتوجعك من جوه فم محتاجين ندخل جوه نحط دواء يخفف يهدي الاول وبعد كده المكان بقى اللي انت هتبقي بتبصي عليه فبتفتكري الخبطه دي محتاجه برده تعرفي ازاي تبصي على الخبطه من غير ما تتوجعي مره ثانيه محتاجه تعرفي ازاي تصالحي نفسك محتاجه تعرفي ازاي فعلا تقولي لنفسك دي كانت مرحله وخلصت ازاي تقنعي نفسك ان المرحله دي فعلا خلصت لان للاسف اللي بيكون وصل لاذى نفسي كبير من جوه بيحس ان القلم ده مش هينتهي بيحس ان المرحله دي مش هتخلص بيحس ان هو في رعب وخوف من ان ده يتكرر مره ثانيه سواء مع نفس الشخص ان هو رجعله او ان ده ممكن يتكرر مع شخص ثاني في الحياه تاني كل الحاجات دي محتاجه حد يتابعها معاكي يعلمها لك يمشي فيها معك واحده واحده تقدري تستعيني بالمختصين اللي موجودين كلهم. ده انك تدخلي على الجزء الخاص بالمهنيون او بخبراء فني يعني بصي عليهم كلهم وشوفي تحبي تتعاملي مع مين اكتر ادخلي تواصلي مع اي حد انت حسيتي ان انت حابه تتعاملي معاه اييي بس ابدئي ارجوكي وما تستنيش على نفسك كثير لان صعب تخرجي من ده لوحدك عايزه اقول لك حاجه مهمه ان ممكن الواحد ما يلجا للدكتور ولا الاخصائي نفسي بس يكون معاه صحبه داعمه تخليه يعدي الفتره دي بسلام وامان لان وجود علاقات. اجتماعيه تقدر تقدم لك اللي انت محتاجاه ممكن يغنيكي على فكره عن العلاج النفسي اا بس هتكوني بتعملي ده بجانب انك تبداي توعي نفسك تقري كتب تشوفي فيديوهات لناس بتتكلم عن التخطي وعن المراحل اللي زي دي. وحبيتي انك تعملي ده لوحدك بس احترمي المرحله دي لانك هتحتاجي انك تعيشي فيها شويه لحد ما تعديها ان شاء الله.
تم النشر الأربعاء، ٩ أكتوبر ٢٠٢٤
لازم تقربي من ربنا أولًا طبعًا ولو مش بتصلي أبدأي صلي واقرأي الاذكار قبل ما تنامي احمدي ربنا انو طلع الشخصيه المريضه دي من حياتك ده أساسي طبعًا وأبدأي بقي تابعي مع أستشاريه نفسيه كده لحد ما تتحسني أن شاء الله واحده واحده وتقديري تطلعي وتتخطي كل التراكمات اللي جواكي اللي ماثره عليكي دي
تم النشر الثلاثاء، ٨ أكتوبر ٢٠٢٤
الحمدلله الذي عفاكي واكيد كانت تجربه قاسيه جدااا عشان تواصلي لدرجه دي ربنا يهون عليكي وربنا يعوضك كل خير يارب وان شاءالله تتعافي وتكوني احسن من الاول انتي محتاجه تساعدي نفسك أكثر ومحتاجه كمان تملي قلبك بالايمان ومحتاجه صديقه مكربه أو اخت قريبه منك تقدري تتخطي معها المحنه دي وان شاءالله هتنسي وهتتعافي.
تم النشر الثلاثاء، ٨ أكتوبر ٢٠٢٤
الف سلامه عليكي الحمد لله تجربة وعدت لازم تطلعي كل مشاعر الحزن والغضب اللي جواكي متسبيش حاجه خدي وقتك ف الحزن عشان لما تقرري تبداي من جديد مفيش حاجه من القديم تأثر فيكي المهم انه تشوفي نفسك وتحبيها لا تلوميها علي شئ اللي حصل حصل مفيش ف ايدك شئ
تم النشر الاثنين، ٧ أكتوبر ٢٠٢٤
الف سلامة عليكي اختي طريق ربنا هو الحل لكل هاد الي بتحكيه، قومي صلي بهاي اللحظة ركعتين قيام ليل واشكيلو كل الي بقلبك، ابكي واشكي ، ربنا قادر على تغيير حالك... اقرأي سورة البقرة كاملة واصحي على صلاة الفجر وبإذن الله بكرا بتصحي احسن ونفسيتك احسن والكوابيس بتروح... بس كرري هاد كل ليلة، ركعتين قيام ليل وسورة البقرة رح تشوفي العجايب الايجابية طبعا... قولي يا الله توضي وأبدئي
تم النشر الاثنين، ٧ أكتوبر ٢٠٢٤
عزيزتي سارة، أولاً وقبل كل شيء، أود أن أعبّر لك عن تعابير العزاء والتفهم تجاه ما تمرين به. من الواضح أنك تعانين من تجربة مؤلمة وصعبة جداً، وهذا يعد أمرًا طبيعيًا في مثل هذه الظروف. مما يهم جداً أن تدركي أن ما تشعرين به من آلام نفسية ونوبات قلق ليست سوى ردود فعل طبيعية نتيجة لما تعرضت له من إساءات. إن تجاوز هذا الألم يحتاج إلى وقت، ولكن هنا بعض الخطوات العملية التي يمكنك اتخاذها لمساعدتك في عملية الشفاء: استشارة مختص نفسي : من المهم البحث عن متخصص نفسي تكونين مرتاحة للحديث معه، يمكنه مساعدتك في التعامل مع مشاعرك ورواية تجربتك. قد يوصي بإحدى وسائل العلاج المناسبة مثل العلاج السلوكي المعرفي. التواصل الاجتماعي : تحدثي مع الأصدقاء أو العائلة الذين تثقين بهم. تعزيز شبكة الدعم الاجتماعي يمكن أن يكون له تأثير إيجابي كبير على حالتك النفسية. كتابة المشاعر : قد تكون الكتابة عن مشاعرك تجربة علاجية. حاولي كتابة يوميات حول ما تشعرين به، فهذا يساعد على إخراج ما بداخلِك من أحزان وضغوط. التحصين الروحي : تذكري دائماً الالتجاء إلى الله بالدعاء والاستغفار. اقضي بعض الوقت في قراءة القرآن والذكر، هذا يمكن أن يُجنبك القلق ويمنحك السكينة. تجنب المحفزات السلبية : حاولي تجنب الأمور أو الأشخاص الذين يذكّرونك بتجاربك السلبية. أنت لست وحدك في هذه المعركة، وعليك أن تحطي نفسك بالحب والرعاية. الشفاء يتطلب الجهد والوقت، ولكن بكثير من العناية الذاتية والدعم، يمكنك تجاوز هذه المرحلة. إذا كنت بحاجة إلى مساعدة إضافية، فلا تترددي في طلب دعم من محترف.
تم النشر الاثنين، ٧ أكتوبر ٢٠٢٤
زوري طبيب نفسي بعض المشاكل تحتاج مختصين
تم النشر الثلاثاء، ٨ أكتوبر ٢٠٢٤
لعرض السؤال في فدني اضغط هنا