اتخذلت من صحابي من سنه كلهم فجأة بعدوا عني بسبب أن حصل خلاف بسيط بيني و بين واحده منهم و كلهم بعدوا عني بهدوء رغم أن صاحبه مشكله معملتش كده من بعدها جالي انهيار عصبي و كنت بنام يومياً معيطة بسبب كم الرفض اللي حسيته منهم و من بعدها مبقتش بعرف اثق في حد ثقه عمياء و مش عارفه اتخطى المشكله دي لسه صعبان عليا نفسي و مش عارفه اطلع اني زعلانه
عزيزتي، أفهم تمامًا مدى الألم الذي تشعرين به نتيجة الخذلان الذي تعرضت له من أصدقائك. إن العلاقات الإنسانية تتطلب التفاهم والاحترام المتبادل، وعندما تحدث مشاكل، قد يؤدي ذلك إلى مشاعر الحزن والوحدة. للتغلب على مشاعر الحزن، يمكنك اتباع بعض الخطوات العملية: التقبل : من المهم أن تتقبلي مشاعرك، احزني، وابكي إذا احتجت لذلك، فهذا جزء من عملية الشفاء. لا تلومين نفسك على مشاعر الحزن، فهي طبيعية. التعبير عن المشاعر : حاولي الكتابة في دفتر يومياتك عن ما تشعرين به. قد يساعدك التعبير عن مشاعرك في فهمها بشكل أفضل والخروج من دائرة الحزن. البحث عن الدعم : احرصي على الانفتاح على عائلتك أو أصدقاء جدد. يمكن أن يكون لدى الأشخاص الجدد في حياتك القدرة على تقديم الدعم الذي تحتاجينه. تركيز الطاقة : ابحثي عن أنشطة تعجبك، مثل الرياضة، القراءة، أو الهوايات الأخرى التي يمكن أن تشغلك وتساعدك في تحسين مزاجك. بناء الثقة : تذكري أن الثقة لا تتشكل إلا بمرور الوقت. حاولي أن تكوني طبيعية مع من حولك، ولكن احرصي على اتخاذ خطوات صغيرة لبناء الثقة مجددًا. طلب المساعدة المتخصصة : إذا استمرت مشاعر الحزن بشكل يؤثر على حياتك اليومية، فقد يكون من المفيد التحدث إلى معالج نفسي أو مستشار يتحدث معك عن مشاعرك ويساعدك في تجاوز هذه المرحلة. تذكري دائمًا أن الألم سيخف مع الوقت، وقراراتك الآن ستكون ذات تأثير إيجابي على مستقبلك. تكنولوجيا العنقاء يمكن أن تنهض من الرماد، وبهذا الشكل يمكنك أن تعيدي بناء نفسك وعلاقاتك بشكل أفضل.
تم النشر الاثنين، ٣ فبراير ٢٠٢٥
السلام عليكم و رحمة اللّٰه و بركاته و أنا بقرأ قصتك افتكرت نفسي حصلي نفس موقفك و لكن كان رد فعلي مختلف عنكِ هقولك رد فعلي لعلك تاخدي منو ما يفيدك و ينفعك ،، أنا خذلني أقرب اتنين ليا لموقف بسيط جداً و قبلهم كان في اصحاب كتيره سابوني و كلنا كنا صحاب لسنين و محدش وقف في صفي كنت في فتره صعبه منها عمليه والدي و تعبو و كنت محتاجه حد يقف جمبي بجد و ملقتهمش أنا اكيد زعلت و أي إنسان طبيعي هيزعل في موقف ذي دا و مش هقولك معيطتش بالعكس عيطت كتير جداً ، و لكن وقفت للحظه استوعب الي بيحصل حواليا أدركت إن الحزن المفرط مش هينفعني بحاجه بالعكس دا هيزدني ضعف و ألم و هيأثر على حياتي و دراستي و كل حاجه خاصةً إن أنا الأخت الكبيره الي لازم يكون اخواتها الصغار بيتعلموا منها ، هيتعلمو مني ازاي و أنا بالضعف ده؟ ف استوعبت و أدركت إن الوحيد الي لازم اتعلق بيه هو اللّٰه في لحظه ضعفي قربت من ربنا اكتر ، وقفت عادات كتيره غلط كنت بعملها معاهم و محدش كان بينصحني بالبُعد عنها و مرت ايام كتيره اوي و محدش فيهم وقف معايا ، أنا طبعاً بعد مأدركت إن التعلق بربنا أولى حياتي اتحسنت وقتها عرفت صحاب جديده كتير و مش بس كدا دا جم معايا الدروس و المدرسه و ذيهم بقا ذي أخواتي بظبط، عاشوا معايا ايام حلوه و ايام صعبه، شويه نتخانق و شويه نرجع، جيت بقا أحاول أعرف أخبار عن صحابي الي خذلوني عرفت الي حصلهم في منهم كتير الي اصبحوا متبرجات هداهم اللّٰه و الي بقت تكلم ولاد و كل واحده فيهم اتغيرت بالكامل أدركت وقتها إن ربنا بعدني عنهم بسبب كدا، حمدت ربنا و شكرته، تخيلي معايا لو كنت فضلت صحبتهم كان زماني ارتكبت نفس خطأهم ، و وقتها مكنش زماني اتعرفت على ناس تساعدني في التقرب من ربنا و وقتها مكنتش هفهم و أُدرك حاجات كتيره منها ، إن مفيش حاجه اسمها خسرت ثقتي في الناس من مجرد موقف و إن الغلط كان عليا من البدايه و ادركت و سمعت كذا بودكاست عن إن إزاي احط حدود في التعامل مع أي حد أياً كان مش عيب الحذر بالعكس دا مفيد بقا عندي ثقه اكتر في نفسي و في طريقه تعاملي مع غيري و بقيت واثقه اكتر إن محدش هيقدر يدخلني في حاله الحزن دي تاني و بالمناسبه مش بس عرفت و ادركت كل دا ، كمان مع مرور الوقت صحابي القدام اتصالحوا معايا و طبعاً بحكم ديننا ف سامحتهم على الي عملوه ، دا خلاهم عايزين يرجعوا صحابي اكتر من الأول رجعنا صحاب بس كان عندي حذر زياده في المعامله معاهم هم بالأخص و بعدت عنهم ب إرادتي و بطريقه كويسه و لسه على تواصل و لكن طبعاً مش ذي الأول ،، حبيت أشاركك موقف حقيقي حصل بدلاً من تقديم النصيحه ، هو الحقيقه مش مجرد موقف هو حل لمشكلتك ، افتكري دايماً الآيه دي بسم اللّٰه الرحمن الرحيم { وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ } أحمدي الله حمداً كثيراً و اتركي الحزن ، و افتكري ان لو كان الخير إنك تكملي معاهم مكنش حصل كل ده.
تم النشر الخميس، ٦ فبراير ٢٠٢٥
الأخت الغاليه أتمنى من الله رفع الحزن والخذلان عنك انتي انسانه صادقه وعمله نادره وتعاملين الناس بكل صفاء وصدق ولكن دعينا نجيبك اولا اذا كان سبب الخلاف بسيط ولا يستدعي كل هذا البعد وكان رد فعل مبالغ فيه احب اعرفك ان في قاعده بتقول ان الصديق الذي يتحول الي عدو دون اسباب تستدعي ذلك فهو اصلا ليس بصديق ولكن كانت توجد مصلحه ما تربط بينكم وانتهت فظهر هذا الصديق علي حقيقته الذي كان يخفيها لشئ ما لان عندما انتهت المصلحه اي الدافع لإخفاء المشاعر السلبيه تجاهك ما عدا يتحمل تقبلك ثانيا بنسبه كبيره جدا ان الصديق الذي هو محور الخلاف والذي لم يأخذ موقف عنيف مثلهم هو يعيش دور الضحيه وهو الذي قام بتنفير باقي الأصدقاء منك وهذا شخص سااام جدا لذا عليكي ان تتمسكي بمبدئك لانكي انسانه نبيله وتستحقين أصدقاء أوفياء وعليكي التجاهل لهم وللافكار السلبيه وحاولي ان تكوني صداقات جديده ودائما لا تدفعي بمشاعرك وان تعطي لنفسك فرصه ان تقيمي الصديق حتي لا تنخدع وتكرر هذه الحاله واسأل الله العظيم ان يهون عليكي اختي الكريمه انتي انسانه رائعه
تم النشر السبت، ٨ فبراير ٢٠٢٥
مش لازم تثقي في حد لكن لازم تتعايشي معاهم اتعاملي مع كل الناس عادي واعرفي أننا في فترة الناس كلها مشغولة في حياتها وما اعتقدش إن لسه في حاجة اسمها صحوبية أوي أو كده اعملي علاقات وقوي نفسك بنفسك واكبري واهتمي بنفسك وكوني اجمل بنت واقوي بنت ثقي في نفسك وقربي من ربنا وطول مانت واثقة في نفسك وبتعاملي الكل حلو هتلاقي الناس هي اللي بتقرب منك وعاوزين يتعاملو معاكي وحبي نفسك وثقي فيها وصاحبيها ومش بقلك انعزاي عن العالم قدمي الخير للكل واستني من ربنا الجزاء مش من الناس وهتلاقي الجزاء في الدنيا أو في الآخرة أو في الاثنين
تم النشر الأربعاء، ٥ فبراير ٢٠٢٥
سيبك منهم و متفكريش فيهم تاني و اعرفي انك لو مكانهم عمرك ما كنتي تعملي كدة لحد فيهم و الدنيا واسعة و تقدري تصاحبي بنات غيرهم بس طبعا لازم يكونو محترمين و تختاريهم كويس عشان ميتكررش اللي حصل ده تاني و إن شاء الله تكون فيها خير ليكي انهم بعدو عنك و متجيش على نفسك بزيادة عشان ناس متستاهلش عشان هتندمي على ده قدام و خليكي قوية مش اي حاجة تخليكي تعيطي💪
تم النشر الاثنين، ٣ فبراير ٢٠٢٥
لعرض السؤال في فدني اضغط هنا