انا عازب وقادم علي الزواج من انسانه اعرفها بس المشكله هنا انها مطلقه وعندها اولاد وانا كنت فاكر أن الموضوع عادي وسهل وخاطبها بقالي شهور وقربت اكتب الكتاب المشكله أنها صعبانه عليا بس انا تعبت من نظره الناس وانتقادتهم انك ليه تاخد واحده متجوزه ومش عارف احل المشكله دي ازاي وكلام الناس تعبني ونظرتهم ليا وانا ماشي معاها بحس انهم بيقولو بعينهم ليا هو ده اخرتها مع أن كنت خاطب قبلها بنت عندها 16سنه وانا 29سنه بس النصيب ومش عارف اخد قرار وحل لدرجه ان خلاص عملت تحاليل الصحه يعني ناقص المأذون بس
انت كده بتظلمها لانك واجب ان تقدمك لخطبتها كان بسبب انك مكتفى بيها ومختارها على حسب معاييرك اللى انت شايفه فى نظرة الناس هو الحقيقة انعكاس للى جواك واللى يمكن كنت بتحاول تتجاهله يمككن بسبب شوية عاطفة ...بس لما الموضوع دخل فى الجد بدأت تفكر بعقلك اللى جواه النظرة دى للمطلقة وان هى درجة تانيه والعازب بيظلم نفسه كده رأيي انا بوضعك ده تفسخ الموضوع من دلوقتى قبل كتب اكتاب ...اه هى هتتوجع بس احسن ما تتصدم فى معاملتك ليها بعد الجواز لانك مش هتعرف تدارى كسوفك منها زى ما انت حاسس بيه و بتحكيه كده ومش قادر تقاوم نظرات الناس ما بالك و حد اتكلم بقي ...مش هتلاقى عندك رد يصون كرامتها .....ف على ايه كل ده خليك فى اقل الضرر
تم النشر الثلاثاء، ٢٦ سبتمبر ٢٠٢٣
سهله جدا ولو حضرتك فارق معاك الناس اوى كده اكتر من الانسانة مطلقة خلاص قول الحقيقة وواجه الامر الا اذا كانت الانسانة ديه هى الفارقة هى ديه ال تستهل كل ال انا عملوا علشان ولكن علشان الجواز بس فى ناس كتير سنها صغير واش ضمنك من كلام الناس ما ممكن نفس النظرات ونفس الكلام لما تتجوز انسانة صغيرة .
تم النشر الثلاثاء، ٢٦ سبتمبر ٢٠٢٣
نصيحة ليك لو انت فسخت خطوبتك مع البنت اللي ال16 سنة عشان خاطر اللي انت خاطبها حاليا يبقى كدة ظلمت البنت اللي فسخت خطوبتك معاها وظلمت الللي انت خاطبها حاليا وبتظلم نفسك... لكن لو كنت فسخت معاها لأسباب أخرى مالهاش علاقة باللي انت خاطبها حاليا يبقى اتوكل على الله وكمل معاها واكتب عليها... نظرة المجتمع ليكم انت وهي ما هي إلا نظرة حمقاء لا وجود لها في الدين او في السنة... ولعلمك هذا أفضل بكتير من انكم تعرفو بعض في الخفاء... من كان الحلال مراده أعطاه الله من خيراته
تم النشر الأربعاء، ٢٧ سبتمبر ٢٠٢٣
انا مش بقتنع بفكرة ان واحد أعزب يتزوج من واحده مطلقه ومش مطلقه وبس ديه معاها اولاد دلوقتي حضرتك متزوجتش قبل كده الأفضل انك تاخد واحده بردو متزوجتش قبل كده
تم النشر الثلاثاء، ٢٦ سبتمبر ٢٠٢٣
يا صديقي مادام انت معملتش حاجه حرام متلتفتش لكلام الناس اللي مش مستند علي دين اسأل عليها واسمع واوزن الكلام اكيد انت سألت عليها وعرفت انها بنت ناس ومحترمه حضرتك ٢٩ سنة يعني كبير وعارف وادري بظروفك ومصلحتك
تم النشر الثلاثاء، ٢٦ سبتمبر ٢٠٢٣
ايه مقصدك بالظبط من انها صعبانه عليك؟ قصدك صعبانه عليك لو هتسبيها؟ نصيحة بلاش كتب كتاب دلوقت مادمت لم تقتنع بالموضوع، ارجع تاني وقيم العلاقة ككل. هل يهمك نظرة الناس ؟ والموضوع هيفرق معاك ف ايه بالظبط لو تزوجتها؟ نظرة الناس هي اللي هتجرحك؟ ولا ايه بالظبط ولا انت مقتنع اساسا بيها ك انسانه من الاول متوافقة معاك. ف الحقيقة القرار ب ايدك .. مقدرش اقولك سيبها او لا .. بس من ناحيه انك بتاخد رأينا ف انها صعبانه عليك، هي هتزعل شوية وبعد كده هتتخطي الموقف عادي. احسن لها من بعدين لما تظلمها معاك.
تم النشر الثلاثاء، ٢٦ سبتمبر ٢٠٢٣
لو الراجل حس بخجل من الست عمره مهيكون سعيد لازم تقعد مع نفسك وتكون صريح وتسأل نفسك هل هتقدر تكون شجاع وتستحمل نظرة وكلام الناس وتقدر تحميها ولا لو حسيت واحد فالميه انك هتكون خجلان من ارتباطك بيها متكملش لو حسيت انها اقل من البنات التانيه متكملش لانك هتفضل طول حياتك معاها حاسس انها ناقصه ومش ماليه عينك وكمان فكر فيها بدل متكون متجوزة وانطلقت مرتين سيبها يمكن ربنا يرزقها اللي تملي عينه ويحارب الدنيا عشانها واعرف ان الخسارة القريبه احسن من مكسب بعيد تكونوا شوهتها وهدمتها نفسيا سيبها لوجه الله كفاياه أشباه رجال
تم النشر الأربعاء، ٢٧ سبتمبر ٢٠٢٣
ليك اخوي محد دخله فيك و لا فيها هي وانت حرين شو تعملو تزوجها و ما تهتم لحد 💗
تم النشر الاثنين، ٢ أكتوبر ٢٠٢٣
لعرض السؤال في فدني اضغط هنا