السلام عليكم
انا فيه حاجه محتاره فيها جدا و مش عارفه اخد قرار
انا للاسف مرتبطه بشخص بقالي اكتر من شهرين بس علاقتنا فيها كلام مش كويس و كمان بتقودنا لمشاهدة حاجات مش كويسه انا عارفه اني غلط و حولت ابعد ميت مره مش عارفه و كمان مش عارفه ابطل مشاهده الحاجات اللي مش كويسه دي من زمان
المهم دلوقتي انا فكرت اتجوز افضل حل و متقدملي شخص مناسب و مش عارفه اوافق عليه و لا لا لان الخطوبه مدتها من هتقل عن سنتين و مش عارفه هل هعرف ابعد عن الشخص اللي مرتبطه بيه ده و لا لا و المشكله اني بدئت اتعلق بيه اوي أو احبه كمان و خايفه الحوار يكبر علشان كده قولت الجواز حل
فيدوني اعمل ايه و انا فعلا بحاول اتغير و الله بس صعب أوي و هفضل احاول بس حاليا مش عارفه اوافق علي الجواز و لا بلاش
الولد ده لو فعلا بيحبك مش هيتكلم معاكي في الحجات دي كلامي ممكن يكون صدمه بس هو شهوتك متحكمه فيه وطمعان في جسمك عمره ما هيكون راجل او هييج يتقدملك لانه مدخلش البيت من بابه من الاول وانتي مبتحبهوش انتي بس معجبه بيه وشهوتك حكماكي اقبلي اللي متقدملك لان هو ده اللي شاريكي ومش لازم تتجوزيه اتعرفي عليه لو طلع شخص كويس اتجوزيه وصوني واحفظي نفسك قبل ماتندمس ولو مش مناسب فشكلي واستتني ابن الحلال اللي يتقدملك
تم النشر السبت، ٢ مارس ٢٠٢٤
اللي بتحسيه الشاب ده مش حب ده تعود انتي اتعودتي علي وجوده وعلي طرقته حتي لو انتي كرهاها فهتحسي بأعراض انسحاب اول فتره وانك عايزه ترجعي بس الاحساس ده لو انتي عندك عزيمه انك تبغدي وتتوبي مش هيكمل اكتر من شهر وانتي نفسك هتكرهي الشخصيه اللي انتي كنتي عليها ومش هتبقي عايزه تشوفي رقمه قدامك تاني ومن رأيي انك تدي للي هيخطبك فرصه تفهميه حتي لو هتطول هو لو كويس هيخليكي تستعفيي وحل مشكلتك انك تبقي تحت ستر ربنا مفيش غيره هيفيدك
تم النشر الجمعة، ١ مارس ٢٠٢٤
عايز اقولك على حاجه خطيرة جدا لازم تعرفيها كويس الشاب اللي بيكلمك ده اولا حرام شرعا وثانيا هو مش بيحبك ولا نيله هو عايز منك حاجه معينة علشان كده خلاكي تتفرجي على الإباحية وللأسف ده هيوصلك لمرحلة والعياذ بالله ممكن تأذي نفسك بيها وبالأخص أنتي بنت وبالمناسبة العريس اللي متقدم لك ده إشارة من ربنا إنك خلاص حان وقت التوبة النصوح وإنك تتحصني وربنا يسترك ويصلح حالك وعلشان خاطر ربنا وخاطر والدك ووالدتك اعملى حظر للشاب ده وابعدي عن الطريق السيء ده خالص
تم النشر الجمعة، ١ مارس ٢٠٢٤
وعليكم السلام ورحمة الله الأهم من كل الكلام دا الاول ان حضرتك تتوبي نهائيا وتجددي توبتك وبعد ما تجددي توبتك اعتبري نفسك لسه مولوده وإنسانه بدون أي أخطاء، بالنسبه للشخص اللي متقدملك لو انتي شايفه انوا محترم وخلوق وقادر انوا يفتح بيت فا خوضي الخطوه دي او استني القرار يرجعلك في الاول وفي الاخر وبالنسبه للشخص اللي حضرتك بتقولي انك بدأتي تحبيه فا دا بصفتي رجل اصنفوا مخنث لان مفيش راجل فعلا واهلوا مربينوا بيعمل اللي بيعملوا دا و خدي بالك لو كملتي معاه الحوار هيتطور لحاجات اكتر بكتييير وساعتها نفسيتك هتكون متدمره لو دا حصل فا الشخص دا تديلوا بلوك حالا ولو حاول يكلمك تاني قوليلوا انك هترفعي فيه محضر لو فضل يتعرضلك ويحاول يكلمك كل شويه.
تم النشر الجمعة، ١ مارس ٢٠٢٤
في كل الاحوال لو هتقبلي العريس بلاش تظلميه .. لازم تكوني متاكدة انك تخلصتي من مشاعرك من الشخص التاني
تم النشر السبت، ٢ مارس ٢٠٢٤
ربنا يهديك ويصلح حالك حاولي أن انتي ترميه التلفون في اي مكان بعيد أو تديه لاي احد وتوبي الي الله توبه نصوحا
تم النشر الجمعة، ١ مارس ٢٠٢٤
اولا الجواز مش حل لمشكلتك و فيه طرف تالت مش هيسيبك تعيشى مع اللى هتتجوزيه فى سلام و زى ما بنشوف و احنا مش عارفين هو مسجلك ايه فى العلاقة دى هيهددك بيه سواء كانت محادثات او صور او مقابلات و لو هددك بيها هتستجيبى عشان هتخافى من الفضايح رغم ان القانون بيحمى البنت من الابتزاز و فيه سرية لبياناتها وانا مش عارف ايه دوره فى حياتك غير التفريغ كنت معتقد انه هيقولك لا متتخطبيش لحد لان انا اللى هاجى اخطبك لكن انك تتخطبى و تقولى ابعد عنه و خايفة ما اقدرش يبقى انتى بتتسلى و مش فاهمة يعنى ايه جواز و مسئولية وراجل و ولاد مينفعش يكبروا و امهم خاينة او ابوهم قاتلها و دا موجود كل يوم واذا كان ع العادة السرية و التفريغ دا عادى مش لازم له طرف تانى بس من غير اسراف و من غير ضرر مع محاولة التخفيف بالتدريج و اللى هيساعدك على التخفيف هو الصلاة و قراءة القرآن لأنك هتضطرى تبعدى عن اى مثيرات تأثر على طهارتك للصلاة و قراءة القرآن و فرصة و شهر رمضان جاى انك تمنعى الكلام دا و بعد العيد هتتعودى و يبقى مرة كل اسبوع او كل شهر قبل البريود بأسبوع لأن دا وقت الاثارة بسبب الهرمونات و شوية شوية هتتظبطى و تكونى جاهزة نفسيا و بدنيا للجواز بدون مكدرات
تم النشر الجمعة، ١ مارس ٢٠٢٤
بص أكثر من الاستغفار قريب من ربنا لو حسيت انك هتفرج حول تفتكر ربنا اني هيبقى في اخر هيبقي في عقاب وفق على الجواز
تم النشر الجمعة، ١ مارس ٢٠٢٤
المنطق يفرض نفسه ، لو كان هذا الشخص يحبك ما يخليكي تعملي أشياء غلط تحت مسمى بحبك _ صدقيني هذا الشخص مرتبط مع اكثر من بنت وانتي بالنسبة له مجرد وقت للتسلية وافقي على العريس وتوبي لرب العالمين واطلبي المغفرة والرحمة والسماح من الله ثم نزلي برنامج واعي هذا البرنامج راح يساعدك تتخلصي من مشاهدة المحرمات
تم النشر الجمعة، ١ مارس ٢٠٢٤
تم طرد العضو المسيء من تطبيق فدني
تم النشر الجمعة، ١ مارس ٢٠٢٤
ارجعي لربنا بالصلاة والاستغفار بنية صادقة و وافقي علي العريس وابدئي صفحه جديده كلها خير وخوف من ربنا.. لو فكرتي تشاهدي الاباحية اقرأي سوره الناس واعرفي أنها هتدمر صحتك ومستقبل، اسأل الله العفو والعافيه للجميع.
تم النشر الجمعة، ١ مارس ٢٠٢٤
ارجعي لربك وربنا عفور رحيم بس عاوزه اقلك للاسف الشخص دا مينفعش تكملي معاها لاني متقاش ربنا فيكي في فتره الخطوبه ولو بيحبك مكنش خلاكي تعملي كدا ف استخيري ربنا وحاولي تبطلي تبص ع المشاهده لاني كدا انتي بتزني بعينك علشان الزنا انواع زنا اليد والعين وغيره ف ارجعي للربنا ويسترها عليكي ربنا
تم النشر الجمعة، ١ مارس ٢٠٢٤
السلام عليكم. بصي حضرتك. اولا التوبه النصوح. لأن ربك أن يترك مرة مش هيستر عليكي كل مرة. تاني حاجه. اللي بيحبوكي بيوجهومي. الصح والعفاف. مش لعدم الاحترام والاستغلال. ياريت تدركي ده. هو نفسو إذا كان الموضوع ذي منتي بتقولي كده. يبق ده مش باصصلك اصلا بصه احترام اصلا. وفنظره كون كده يبق دي وحدة. للتسليه. توبي الي الله وندمي علي مافعلتي. والعديد. عن الأشخاص السللبيين دول. دول لا يعرفوا دين ولا اخلاق. ومتنسيس فالطريق اللي انتي ماشبه فيه ده. انتي نفسك بعدين هتبصي لنفسك نظرة متدنيه عللي بتعمليه. تعرفي طريق ربك واختاري أفعالك. وكمان الي ناويه ترتبطي بيه. يكون علي خلق. لان أو مس علي خلق. ده اثر عليمي انتي قبل ماثره علي نفسه. والله الموفق و المستعان اختي،😑✊
تم النشر الجمعة، ١ مارس ٢٠٢٤
وافقي ع العريس
تم النشر الجمعة، ١ مارس ٢٠٢٤
كل الكلام اللي انتي كاتباه ليس له علاقه بالحب وخلينا ناخد كده بالعقل اولا لا يوجد شيء اسمه حبيبي وده اللي هيتجوزني عشان كده انا بكلمه عشان هو حبيبي هذا الشي حرام شرعا ثانيا انت بعيد عن ربنا وده اهم سبب في الاسباب كلها وانت لو قريبه ما كنتش عملت دي كله اساسا فرجعي الى ربك قبل فوات الاوان واسال الله ان يهدينا ويهدي جميع نساء المسلمين وشباب المسلمين
تم النشر الجمعة، ١ مارس ٢٠٢٤
جزاك الله خيرا يا ادمن
تم النشر الجمعة، ١ مارس ٢٠٢٤
لعرض السؤال في فدني اضغط هنا