ليه دايما ع طول مخنوقه وبعيط ع اتفه الأسباب ومش عارفه احقق اللي نفسي فيه
فى البداية.ممكن تكونى مريتى بمواقف صعبه وأثرت عليكى نفسيا الحاله دى ممكن تمرى بيها وده طبيعى نتيجه مواقف مقدرتيش نفسيا تتحملها. لكن حاولى انك تخرجى منها علشان ممكن تأثر على حياتك وتعاملاتك بصورة كبيرة ابدأى انك تغيرى روتين يومك وتحاولى تفتكرى كل حاجه كنتى بتعمليها وبتحسسك بإنجاز وشغف وارجعى ليها تانى اكتبى باستمرار كل اللى جواكى ده هيساعدك جدا. نمى موهبتك لانك هتلاقى نفسك فيها .حاولى تمارسى رياضه بتحبيها هتساعدك انك تتخلصى من الحاله دى. اكتبى وحددى هدفك وازاى ممكن تحقيقه وقبل كل اللى فات ده اهم حاجه الإرادة لأن إرادتك لو قوية هتقدرى تثبتى نفسك ويكون عندك مثابرة وصبر انك توصلى وتحققى هدفك. لو ليكى صديقه مقربه أو لايف كوتش اتكلمى باستمرار معاهم وشاركيهم افكارك لأن الدعم النفسى مهم جدا وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷
تم النشر الأربعاء، ٢٤ يوليو ٢٠٢٤
غالبا بتبقى تراكمات من قبل كده موقف كنتي عايزة تعيطي فيه وكتمتي جواكي وكون انك مش عارفة تحققي اللي نفسك فيه فا ممكن يبقى فقدان شغف خدي الموضوع واحدة واحدة جربي تكسري روتين اليوم بتاعك جربي تخرجي مرة اشتري حاجة نفسك فيها ووقت ما تكوني زعلانة اتكلمي مع حد حتى لو نفسك لو عايزه تعيطي عيطي خدي موضوع أهدافك ببساطة مش استعجال وحطي في دماغك انو تكافئي نفسك على الحاجات الحلوه اللي بتعمليها مهما كانت بسيطه هتلاقي للموضوع صعب شوية في الأول بس بعدين هتلاقي انك حققتي حاجات كتير
تم النشر الثلاثاء، ٢٣ يوليو ٢٠٢٤
ممكن يكون فيه تراكمات وضغوط نفسية من غير ما تاخدي بالك تجمعت على بعضها وأدت لشعورك بالخنقة على طول. ممكن الحزن عادي يكون سببه الشيطان. حاولي وقت ما تشعري بالحزن والخنقة تكتبي مشاعرك على الورق وتفرغيها، اكتبي كل اللي حاسة به وهتلاقي نفسك بتكتبي حاجات سببت حزنك ومكنتيش منتبهة لها. يوميًا ابدأي يومك بورقة تكتبي فيها كل الحاجات الحلوة في حياتك وكل النعم اللي ربنا أنعم عليك بها وهل شكرتِه عليها وامتننت إنه أعطاها لك دون جهد منك. تسجيلك للنعم والأشياء الحلوة في حياتك مع الوقت هيخليك تركزي عليها أكتر من السلبيات أو الأشياء اللي بتسبب لك الحزن. بالنسبة لتحقيق اللي نفسك فيه فده بيعتمد على تحديدك لأهدافك. حددي الهدف اللي عاوزة تحققيه ويا ريت يكون هدف معقول ومنطقي وتقدري تحسبي تقدمك فيه وبعد تحديد الهدف بتضعي الخطة اللي هتمشي عليها يوميًا عشان تنفذيه. تحقيق الأهداف بيحتاج وقت ومثابرة وصبر وعشان تشوفي ثمرة جهدك محتاجة تصبري وتستمري في سعيك وإن شاء الله هتحققيه. المهم لا تستسلمي للحزن وركزي على الحاجات الجميلة من حواليك والأهداف اللي عاوزة تحققيه. وبالتوفيق إن شاء الله.
تم النشر الثلاثاء، ٢٣ يوليو ٢٠٢٤
أهلاً بيكِ، حبيبتي. أول حاجة احب أقولك إنك مش لوحدك، في كتير من الناس بيمروا بنفس الشعور. خلينا نبدأ نحاول نفهم مع بعض الأسباب اللي ممكن تكون ورا الإحساس ده: الضغط النفسي : ممكن يكون عندك ضغوطات كتير سواء في البيت، الشغل، أو العلاقات الإجتماعية. حاولي تقسمي وقتك وتخصصي وقت لنفسك للراحة والاستجمام. النوم والأكل : دايماً فكري في نوعية أكلك ونومك. عدم انتظام النوم أو سوء التغذية ممكن يأثروا سلبًا على حالتك المزاجية. الهدف والطموحات : ممكن تكوني مضغوطة بسبب إنك حاسة إنك مش بتحققي اللي نفسك فيه. حاولي تحددي أهداف صغيرة تدريجية واشتغلي عليها خطوة بخطوة، هيحسسك بتحقيق، حتى لو كانت حاجات بسيطة. العلاقات : شوفي علاقاتك مع الناس حواليك. هل في حد بضايقك أو في علاقة محتاجة تقوية أو تصحيح؟ مساعدة مختصة : ما فيش أي خجل نهائي إنك تلجأي لمعالج نفسي أو مدرب حياة يساعدك تنظمي أفكارك وتفهمي مشاعرك. وأهم حاجة تفكري فيها إنك تعطي لنفسك الحق في المرور بالمشاعر دي من غير ما تتحسسي بالذنب. انتي قوية وقدها، وخليكي دايماً متفائلة وإن شاء الله هتلاقي الحلول وتكوني في أحسن حال. 💖 دايمًا هنا لو حابه تتكلمي أي وقت.
تم النشر الثلاثاء، ٢٣ يوليو ٢٠٢٤
لعرض السؤال في فدني اضغط هنا