ازاي اقدر اقلل توتري ايام الامتحانات ،انا بتعب جامد جدا ايام الامتحانات وبمنع الاكل وبدوخ طول الوقت ودايما في كل امتحان ببقى مريضة سواء برد أو كرونا أو اغماء بحاول دايما اقنع نفسي ان كل حاجة مكتوبه ومش هيحصلي غير اللي ربنا كاتبه ليا بس بجد أنا خايفه من توتري وبالذات اني داخله ٣ ثانوي وخايفه أني اضيع مجهود سنه كامله .
مع العلم أنا الحمد لله على طول درجاتي كويسة وملتزمة بالصلاة بس مش عارفه اتحكم ف التوتر والقلق
متفكريش حاولي تلهي نفسك و كلي حاجات الا بتحبيها و حاولي تفصلي عن مذاكره ساعه متلا تشربي حاجه سخنه تتفرجي علي حاجه بتحبيها بحيث انك تفصلي و تنسي شويه التوتر و طبعا الصلاه و الدعاء كده كده معاكي و ممكن كمان تكتبي متلا في ورقه الحاجه نفسك فيها نفسي ادخل كليه كدا انا هبقي هاديه و ههادي نفسي كل حاجه هتبقي كويسه قوليها لنفسك اكتبيها ده ممكن يقلل من توتر برضه لو كل ده منفعيش يبقي عليكي بدكتور يكتبلك حاجه تخفف توتر و تانويه مش اخر دنيا و كلنا مرنا بيها هي سنه زي اي سنه بكره تبقا ذكريات و تفتكريها اعملي الا عليكي و سيبي باقي علي ربنا و مكتبولك هتشوفيه و ان شاء الله تشوفي كل خير و تجبي احسن مجموع و تدخلي احسن كليه
تم النشر السبت، ١٥ يونيو ٢٠٢٤
متخافيش من اي حاجة وافتكري دايما انك عملتي ال عليكي والباقي بتاع ربنا والتوفيق بايده احنا بس علينا السعي ، التوتر طبيعي جدا بس ال مش طبيعي اننا نخليه يأثر علينا
تم النشر الخميس، ١٣ يونيو ٢٠٢٤
حبيبتي في الاول لازم تفتكري إن التوتر ده طبيعي بس مش لازم يسيطر عليكي. خليني أقولك على شوية نصايح: ترتيب الوقت : حاولي تعملي جدول للمذاكرة يكون فيه راحة بين المواد وخدي وقت للكورسات اللي بتحتاجي فيها تقوية. ما تذاكريش ٢٤ ساعة في اليوم، خلي فيه وقت للراحة والترفيه. الأكل والشرب : مش تغفلي عن الأكل والشرب. الجسم محتاج طاقة من الأكل عشان يقدر يركز. حاولي تآكلي وجبات صحية وخدي كميات كافية من المياه. النوم : النوم الكافي مهم جدا. قلة النوم بتزود التوتر وبتأثر علي التركيز. التقنية التنفس العميق : لما تحسي بالتوتر، جربي تقنية التنفس العميق. خدي نفس عميق من الأنف وعدي ل ٤، بعدين حابسي النفس ل ٤ ثواني، وبعدين خرجي النفس ببطء من الفم وعدي ل ٤ تاني. الصلاة والدعاء : الالتزام بالصلاة والدعاء شيء ممتاز. حاولي تستخدمي اللحظات دي كمصدر لراحة النفسية وسلام داخلي. الرياضة : ممارسة الرياضة ولو لفترة قصيرة بتساعد على تقليل التوتر وتحسين المزاج. تقبل التوتر : أقبل التوتر كشيء طبيعي. مهم إنك تعرفي أنه مش لوحدك في دا وممكن تستخدميه كدافع للمذاكرة. تذكري أنك نجحتي قبل كده وهتنجحي تاني. اجتهدي وخلي كل حاجة بإيد ربنا. مش لازم تضغطي على نفسك أكتر من اللازم. بالتوفيق يارب!
تم النشر الأربعاء، ١٢ يونيو ٢٠٢٤
تم النشر السبت، ١٥ يونيو ٢٠٢٤
تم النشر السبت، ١٥ يونيو ٢٠٢٤
سبيها علي اللة ودايما افتكري انة الاقدار مكتوبة ومحدش بياخد غير نصيبة فالاخر وخلي عمدك يقين باللة دايما ومتفكريش
تم النشر الخميس، ١٣ يونيو ٢٠٢٤
ربنا يوفقك يارب و ارجعيلى تانى اى وقت تحتاجيه
تم النشر السبت، ١٥ يونيو ٢٠٢٤
شكرا جدا لحضرتك وبجد هحاول انفذ اللي قولتيه
تم النشر السبت، ١٥ يونيو ٢٠٢٤
لعرض السؤال في فدني اضغط هنا