تمام احنا ممكن نتكلم ف كام نقطة : انتى ليكى هدف ( كلية الطب ) دا واضح بالنسبالك وموقنة بية ١٠٠٪ وان انتى عاوزة دا لانك حابة دا ونفسك تحققية لنفسك انتي+ رغبة والديكِ … الهدف مطلوب ليه طريق للوصول .. الطريق دا الى هو المذاكرة والاجتهاد .. احنا هنا مشكلتنا تكمن فى " السعى " للهدف دا .. انتى مش حاسة انك بتعملى الى عليكى وزيادة عشان توصلى مع انك عارفة انك لازم تجتهدى اكتر من كدا .. تمام انا مش هفكرك بحاجات انتى اكيد عارفها من حبك للكلية ونظرتك ليها ومساعدتك للناس والنجاح المعنوى لما تحسى انك دكتورة اكيد كل دا عرفاة اكتر مننا .. وانا شايف انة مش حل - يعتبر حل مؤقت - لو قعدنا نحفز فيكى شدى حيلك وموتى نفسك مذاكرة وافتكرى البالطو الابيض واول كشف ليكى والكلام دا .. هو حلو بس لفترة قصيرة حلنا هنا اننا نشتغل ع الانظباط الذاتى .. افتكرى دايما ان اول عدو لنجاحك مزاجك .. زاى دلوقتى مالكيش نفس تذاكرى بس حاسة بالتقصير مهو كدا مش هنوصل لحاجة .. محتاجة انك تذاكرى سواء متقبلة او لا لان دا الصح اولا وان ليكى هدف ثانيا ..طبعا دا مابيجيش مرة واحدة لازم تعود .. ومحتاجين نعلى الارادة شويه .. هاتى ورقة واكتبى عليها بخط كبير - جايلك ياطب واحذرو مني يادكاترة العالم - وعلقيها ع المكتب عندك .. خلى هدفك قدامك دايما دا هيحفزك جدا وكل ماتركنى وتشوفيها هتفتكرى هدفك .. متبصيش للهدف ككل مرة واحدة عشان حقيقى يخض ! اى حد .. متقعديش تفكرى فيها كتيير دى كليه الطبببيب اعععهع ونا مش بعمل الى عليا فهيجيلك احباط حضرتك .. فهتحسى انو حمل تقيل فهنركن للاسف .. انتى قبل كلية الطب ليكى اهداف صغننة دى الى اشتغلى عليها الاول وحاجة ورا التانية لحد ماتوصلى .. يعنى عندى مادة هيا جزء من الطريق الى الهدف اذاكر واجتهد فيها وامتحن وانجح .. كدا هتوصلى .. متذاكريش عشرين ساعة ف اليوم ولا تسهرى طول الليل ولا تمشى ورا اسطوانة فيلم الثانوى التعبانة دى .. انتى نظمى وقتك ونظمى نومك وهتلاقى الدنيا ماشية من غير اى مشكله .. نقطة اخيرة ودا رأي الشخصى .. ماتربطيش نفسك وتتعلقى بحاجة - كلية الطب- وارد متوصلهاش احنا مش ضامنين حاجة .. فمتخليش عليكى عبأ وضغط وانتى بتذاكرى كفاية المواد .. انتى اعملى الى عليكى واجتهدى لنفسك وكله خير واهم حاجة الثقة فى الله وربنا يوفقك يادكتور
آمين يارب
تم النشر الاثنين، ٢٣ ديسمبر ٢٠٢٤
بالضبط خدى الدنيا بسهوله ....اسأل الله العلى القدير ان يبارك فيكى ويرزقك بالى تتمنية ويكون فيه الخير ويرزقك حسن الفهم والحفظ 🙏
تم النشر الاثنين، ٢٣ ديسمبر ٢٠٢٤
يالله علي الڪلام الجميل والمطمئن ده، بجد ربنا يبارڪلك، تعرف أنا كنت بضحك وأنا بقرأ الكلام ده من ڪتر م أنا مبسوطه بيه، شڪرا بجد وادعيلي ربنا يڪرمني. ❤
تم النشر الاثنين، ٢٣ ديسمبر ٢٠٢٤
لعرض الإجابة في فدني اضغط هنا