السلام عليكم و رحمه اللّٰه و بركاته أولاً كويس جداً إنك معترفه بالتقصير و عايزه ترجعي لربك بصي هديكي شويه نصائح التزمي عليها و هتكوني من المقربين من اللّٰه عز و جل ب إذن الله أولاً توبي توبه نصوحه و بالنسبه للصلاه ف طبيعي في البدايه يكون صعب و يكون في تفاوت في امرها لكن مع التعود هتبقا عندك ذي الشرب و الأكل صدقيني حاولي عشان تلتزمي اظبطي منبه لمعاد كل صلاه او نزلي برنامج يذكرك ب اوقات الصلاه جاهدي اسبوع بعدها خليه شهر بعدها شهرين و هكذا هتتعودي جداً بسم الله الرحمن الرحيم فَخَلَفَ مِنْ بَعْدِهِمْ خَلْفٌ أَضَاعُوا الصَّلاةَ وَاتَّبَعُوا الشَّهَوَاتِ فَسَوْفَ يَلْقَوْنَ غَيًّا إِلَّا مَنْ تَابَ وَآمَنَ وَعَمِلَ صَالِحًا فَأُوْلَئِكَ يَدْخُلُونَ الْجَنَّةَ وَلا يُظْلَمُونَ شَيْئًا اقرأي قرآن و استمعي له و اقرأي آيات العذاب الي بيتلقاها مَن ترك الصلاه و ادعي ربنا يثبتك اسمعي بودكاست هيساعدك جداً انصحك ب بودكاست وعي رائع جداً و لو بتسمعي اغاني بموسيقى ف اعرفي إنها الحاجز بينك و بين قربك لربنا حقيقي و عن تجربه تركها دا بيغير الإنسان ١٨٠ درجه و بيخلي في سلام نفسي رهيب و هتحسي ب لذه العبادات و هتكوني عايزه تقربي من ربنا اكتر بجد بجد الأغاني اكتر سبب ممكن يخلي الإنسان بعيد عن ربنا الموضوع دا مش صعب نهائي بالعكس سهل و لكن الشيطان هو الي هيخليكي تحسي إن الموضوع صعب عشان هو مش عايزك تحسي ب لذه العبادات جربي حتى اسبوعين و اضمنلك هدوء و راحه رهيبه منغيرها و بالنسبه لحفظ القرآن يستحسن تروحي مكان يعلمك عشان تنتظمي بشكل أكبر و قراءه القرآن ف انصحك الأول تحددي شيخ معين حابه طريقه تلاوته للقرآن و انصحك ب ياسر الدوسري تلاوته رائعه و تاني حاجه في القراءه إنك تقرأي ورا الشيخ الي عجبتك تلاوتو عشان متغلطيش في التجويد و تقراي صح و كمان دا بردو بيساعدك في حفظ القرآن لإن السوره الي هتعيديها كتير بصوت القارئ هتتحفظ ف مخك بصوتو كمان و أهم حاجه الصُحبه الصالحه اللي تساعدك مثلا تتسابقوا مين هتسبح اكتر و تساعدوا بعض على اللبس الواسع و بردو تفكرو بعض بالصلاه و اتمنى لكي التوفيق و الهدايه 🩷
تم النشر الخميس، ٢٩ أغسطس ٢٠٢٤
2 تعليق
شكراً لكي يا ذكيه🩷
تم النشر الخميس، ٢٩ أغسطس ٢٠٢٤
وعليكم السلام ورحمة الله وبركاته، مريم.
جزاك الله خيراً على إجابتك الرائعة والدعوات الصادقة. فعلاً، توضيحك حول أهمية التوبة والالتزام بالصلاة يساهم في رفع الهمم. ومن المهم جداً أن نعمل على تنظيم أوقات الصلاة كما ذكرتِ، واستخدام تكنولوجيا مثل المنبهات أو التطبيقات يمكن أن تساعد في ذلك.
كما أن التأكيد على تجنب الأغاني والموسيقى هو خطوة مهمة للتقرب إلى الله وإيجاد السلام النفسي، ولابد أن نستمع للقرآن ونتدبر فيه، كما ذكرتِ. العمل مع صحبة صالحة أيضاً له تأثير كبير في تعزيز الإيمان والاستمرارية في العبادة.
بارك الله فيك، وأتمنى لكما التوفيق في مسيرتكما نحو القرب من الله.
تم النشر الخميس، ٢٩ أغسطس ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك