كل أمنيتي أن اشعر بالامان مع زوجي، الذي رجولته سقطت من عيني!

Question

ممكن احكي مشكلتي عشان حضرتك تشوفلي حل فيها انا عندي حاليا 20 سنه متجوزة وعندي بنوته 4 شهور اتعرفت علي جوزي صالونات عادي بس حبينا بعض بعد الخطوبه او تقدر تقول كنت شيفاه راجل مناسب وهيبقي السند والظهر ليا امنت له بكل حاجه جوايا كنت بحلم باليوم اللي يجمعنا فيه بيت واحد عشان ابقي معاه ويحسسني بالامان بس للاسف اتجوزنا بعد سنتين خطوبه في بيت عيله مكون من امه وبباه واخوه الكبير ومراته واخته واخوه اعزب ومن يوم الصباحيه لحد دلوقتي وانا بكتشف فيه حجات كل يوم بتصدمني عن اليوم اللي قبله💔بكتشف انه ملهوش شخصيه مع اهله ولا مع حد خالص ملهوش كلمه مع اخوه الكبير ولا مع امه ودول اللي ممشين البيت اخوه الكبير ده كان بيجيبني ف شقته يقعد زعق ويشخط فيا قدامه عشان بس ممكن اكون نسيت اغسل لامه ولا نسيت امسح السلم حرفيا كنت بتهان قدامه وكنت بتفحم من العياط قدام جوزي وهو واقف بيتفرج علي اخوه وهو بيهزق ويشخط فيا ويارتني غلط ف حاجه مثلاا وبعد ده كله يخدني علي شقتنا ويتكلم معايا عادي ولا اكني حاجه حصل 💔😞 ومره كنا بنتخانق انا وهو وضربني اتصلت ببابا عشان يجي ياخدني راح جوزي ده نده لاخوه وقاله تعالي خدلي حقي منها وانا اصلااا المظلومه ودخله عليا وانا ببيجامه وانا اصلاا محجبه كل الحجات دي عدي عليها ايام وشهور كتيره بس مش عارفه انساها عشان سعتها قلبي اتكسر من ناحيته جااامد بعد ما كنت شيفاه السند والامان ليا بقيت شيفاه ولا حاجه بالنسبالي ده غير مامته الللي بتزعق وتشخط وتشتم فيا كل يوم والتاني علشان مثلاا الاكل طلع وحش ولا عشان مشمسحت الشقه بتاعتها ولا عشان حاجه معملتهاش نسيت اعملها هي قالتلي عليها وهو لا بيتكلم مع امه ولا بيتكلم مع اخوه سايبني منه ليهم اكني خدامه جايبها ليهم يعملوا فيها اللي هما عوزينه💔😞غضبت عندنا كتير وروحت عندنا كتير ووقفت علي الطلاق بس رجوني لما عرفوا اني حامل انا مفرحتش معاه يادكتور انا مش عارفه افرح معاه هو شخص حنين معايا الي حد ما وبيجيبلي اللي انا عوزاه وبنتفسح وبنخرج وبيخليني اكمل تعليمي والحمد لله انا في تالته كليه السنادي بس برضو مش عارفه انساله الللي عمله معايا مش عارفه افرح معاه ولا عارفه اتبسط دايما ببقي حاسه اني ناقصني حاجه 💔انا لما بشوف اتنين بيحبوا بعض ولا اتنين متجوزين بقالهم كتير ومع بعض بحزن وبحس قلبي مشروخ قد ايه انا مش مبسوطه معاه ولا حباه انا بجد مش عارفه اعيش بطريقه دي ولا حاسه بيه معايا ولا حاسه انه راجل وله كرامه دايما حاسه انه بتاع امه واخوه ولو قالوله في اي وقت طلقها هيطلقني مش ده الراجل اللي هيتمسك بيا ولا ده الراجل اللي هيحارب الكل عشاني انا نفسي احس بالامان معاه علي الاقل دي ابسط حقوقي نفسي احس اني مبسوطه من كل قلبي دا انا لا فرحت لما عرفت اني حامل ولا فرحت لما جيه سبوع بنتي بسبب اهله والمشاكل اللي عملوها ولا فرحت بيه هو لما اتجوزته مع اني كنت بتمني اعيش معاه حجات كتير حلوة انا مش عارفه العيبمن مين مني عشان مش عارفه اامن له وانسي اللي حصل واللي بيحصل منه كل يوم بالاسوء ولا منه عشان محافظش عليا ولاحسسني بالامان ولا حافظ عليا انا مش عارفه اعيش ولا طايقه ابص في وشه ده انا لما بسمع اغنيه رومانسيه بصدفه بحس قلبي رافض الفكره رافض انه يسمع الاغنيه ويوحيها للشخص ده 💔مش عارفه اعمل ايه دلني يادكتور عشان اعرف اتعايشمع بنتي اللي انا مش حباها عشان عندي احساس انه هتحرم منها عشان هي بنته💔

Accepted Answer

مشكلة انك تحطى الإنسان تحت سقف هو مش قده اصلا لانك حطيتى أحلامك والزمتيه بيها ومركزتيش فى الواقع وهل فعلا ينفع ولا مينفعش. طب وبعدين. اولا :تعملى لنفسك شخصية توقف بيها اى حد ومتسمحيش باى اهانه او تجاوز الحدود... شخصيتك قدام أهله وقدامه هو كمان هى اللى بتخليكى تكمل فى البيت ده وتبدأى تحسي انك احسن. انتظارك أن حد هو اللى يقدم الاحترام ده خيال ومش واقع صح ابدا.

Answer

هل حاولتي ان تتحدثي معه بصراحه في هذا الموضوع؟ يعني لما كنتي بترجعي تاني بعد ما تروحي بيت اهلك، هو كان بيحاول يصالحك ازاي؟ وكان بيرد مثلا ع الحاجات اللي بتقوليها ازاي؟ وهل فيه امل انه ياخد شقة بره ولا لا؟

كل أمنيتي أن اشعر بالامان مع زوجي، الذي رجولته سقطت من عيني!

نفسية

اجتماعية

أهل

زواج

سؤال من احد أعضاء فدني

تم النشر الأحد، ١٧ ديسمبر ٢٠٢٣

2 إجابة

9 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك