مش يمكن انتي محبتهوش اساسا. وكان الموضوع مجرد فقط احتياجات .. يعني انتي قولتي انك كنتي مفتقدة اشياء معينة في حياتك .. والشخص ده وفرها. اكيد لما الشخص ده يوفر الاحتياجات ديه انتي هتتعلقي بالشخص اللي بيوفرها. لانك ف الاساس محتاجه للشئ ده. لو لسه الشخص ده موجود، ياريت تبعدي عنه، علشان متتعلقيش بيه اكتر من كده. وياريت متابعيش ليه اي شئ على السوشيال ميديا، وتحذفي ارقامه ورسايله من عندك. وتبداي مرحلة جديدة مع نفسك، تبداي تبحثي عن نفسك، وتحاولي تاخدي الاحتياجات ديه بس بطريقة صح. وتعرفي ان دي نتيجة طبيعية جدا، لاي حد حاول انه يسلك اي طريق خطأ ومحرم. توبي لربنا وقربي منه .. واتعلمي الدرس. وربنا يوفقك
شكراا💗💗
تم النشر الخميس، ٢ مايو ٢٠٢٤
جدعة .. انتي لو حابه تاخدي الحب ده من حد، لو الموضوع مع الاهل خلاص مش ممكن يحصل. ممكن تنزلي تتطوعي في جمعيات خيرية، سواء دار المسنيين او الايتام. هتدي حب وهتاخدي حب واهتمام وتقدير. هتشبعي عندك الجزء ده. ممكن كمان تلاقي صحبة كويسة من خلال التطوع ده، وتلاقي اللي يسمعك وكمان ممكن تحفظي قران وديه حاجه هتخليكي احسن بكتير من اي وقت فات.
تم النشر الأربعاء، ١ مايو ٢٠٢٤
انا فعلا قررت ابعد عنه ومسحت كل شئ يخصه بس في دماغي سؤال دايما ازاي اوفر لنفسي الاحتياجات دي عشان الموضوع ده ميتكررش؟
تم النشر الأربعاء، ١ مايو ٢٠٢٤
لعرض الإجابة في فدني اضغط هنا