بفكر اطلع كاتبة لانى حبيت الكتابة وحاسة ان بطلع كلامى بيها بس أهلى امى عاوزانى مهندسة وابويا دكتورة ولازم كلية قمة وبعدين خايفة اصلا مدخلش الثانوى ومحققش حاجة ونفسى برضو اطلع دكتورة نفسية بس افرض دخلتها ومنجحتش
الكتابة هواية في الاول والاخر .. لو فعلا تمتلكي الهواية ديه ... ف ده كويس جدا ممكن تنميها وكمان ممكن تعملي فيها مستقبلا. وديه حاجة مش محتاجة انك تدخلي لها كلية. اما عن نفسك تكوني دكتورة نفسية .. وماما وبابا نفسهم في كلية قمة .. انتي ممكن تدخلي طب وتخصصي بعد كده طب نفسي رضيتي نفسك ورضيتي بابا وماما في نفس الوقت. الاهم من ده كله دلوقت ايه؟ تركزي وتذاكري .. والكلام ده هيجي في وقته بعدين متشغليش بالك باللي بيحصل من حواليكي ومن كلامهم ركزي دلوقت على مذاكرتك وبس وان شاء الله هتحققي كل اللي نفسك فيه
تم النشر الأحد، ١٩ فبراير ٢٠٢٣
ان شاءالله تنجحي وتبقي احسن بنوته وتدخلي الكليه الي تحبيها ... بصي في كتاب كتير كبار ومن كليات زي طب او هندسه او حقوق او اعلام ملهاش علاقه خالص لانها بتكون موهبه وعشان تنميها بتعرفي اصول الكتابه الجيده ايه ودي سهل تدرسيها بجانب دراستك ايا كانت ... انا بقا جايه اقولك نصيحه حلوه خليكي دايما فكراها دراستك ايا كانت هي مستقبلك والي انتي هتشيليها عمرك كله ف لو درستي مجال مبتحبيهوش ومش متقبلاه مهما كان هتحسي دايما بضيق ف شغلك وانك محققتيش الي انتي عايزاه ...واي ام واب نفسهم يشوفوا ولادهم احسن حاجه ف انتي فكري هتلاقي نفسك فين ف كل ده وانتي اكتر مجال مشدوداله وحاسه انك هتبدعي فيه وعشان تعرفي ده دوري ع كل مجال وشوفي مميزاته ايه وطبيعة شغله وشوفي هتتشدي لأيه وكملي ع اساسه ومعاه تقدري تكوني كاتبه كمان بأذن الله والطب النفسي مجال مشوق جدا وحلو قوي ولقدر الله لو مجبتيش مجموع طب تقدري تحققي جزء من هدفك وتكون اخصائيه نفسيه من كليه اداب يعني لو عندك حلم مفيش حاجه هتوقفه ان شاءالله
تم النشر الأحد، ١٩ فبراير ٢٠٢٣
الكتابة هواية يمكنك أن تمارسيها بجانب أي عمل آخر .. وهناك أطباء أصبحوا كتابا مبدعين .. قبل أن تصبحي كاتبة عليك أولا أو تكوّني حصيلة معرفية تمكنك من معرفة ما يمكنك أن تنقليه للناس بالكتابة .. الطب النفسي قد يكون مجالا مناسبا لهذا! مارسي الكتابة في الأجازات وبعد الثانوية العامة إن شاء الله ستجدين ضوءا في الطريق!
تم النشر الأحد، ١٩ فبراير ٢٠٢٣
بالظبط زي ما وضحولك فالكومنتات إن الكتابة ثانويه مفيش كليه هتمنعها.. ونقطه بابا عاوز وماما عاوزه علي عينا وراسنا بس النصيب والقدرات بس هما ال هيحددوا فما عليكي إلا الاجتهاد و السعي وتشوفي قدراتك في المذاكره بتنجحي في إيه وبعدها تبدأي تتخصصي. اعرفي بس إن من حقك جدا تجربي وتطلعي علي كذه مجال وتختاري ميولك إيه،، وتفرقي بين الميول والتوفيق.. مش كل حاجه بنحبها شاطرين فيها ومش كل حاجه شاطرين فيها بنحبها،، ناس كتييير تجهل النقطة دي وفي دراسات كتير في تحديد الكفاءه والمهنة فإنتي وآحده وآحده علي نفسك و استخيري أهم حاجه وتناقشي مع أهلك بهداوه لو رغبتك ضد رغباتهم إن آنتي ال هتخوضي التجربه مش هماا بقدرتك آنتي مش هما
تم النشر الأحد، ١٩ فبراير ٢٠٢٣
لعرض السؤال في فدني اضغط هنا