السلام عليكم ورحمة الله وبركاته
هدخل ف الموضوع علطول
انا طالبه داخله تانيه ثانوي بس للاسف لي سوء حظي جبت ملاحقين انا والله عملت الي عليا طول السنه و مكنتش بنام تعبت اووووي ف اولي بس الحمدالله ع كل حال. باذن الله امتحن الملاحق و انجح فيهم
بس دي مش مشكلتي الي جايه اتكلم عنها
ده جزء بسيط من كل مشكلتي
مشكلتي الاساسيه هيا ( اهلي ) ايوه اهلي
انا شخصيه طموحه جداا و نفسها تحقق احلامها
شخصيه نفسها تشووف نفسها ناجحه نفسها تخش كليه و نفسها تحقق حاجات كتير اوووي محدش فهمها ولا حاسسها غيرها هيا بس و محدش هيفهمها غير الي نفسه يوصل لي حلمه بس ١٠٠ حاجه وقفه قدامه
و ال ١٠٠ حاجه الي وقفه قدامي انا بقي هيا اهلي
واقفين قدام اي حاجه نفسي احققها
مشكلتهم معايا انهم مش فاهمني ولا حاسين بيا ولا بلي جويه
المشكله الاكبر بقي دلوقتي انهم عايزين يجوزوني
ايوه والله . كل يوم عراك بيني و بنهم بسبب موضوع الجواز. بيقولي اتجوزي و انا مش عايزه اتجوز انا عايزه اكمل تعليمي عايزه احس اني شخصيه متعلمه
و غير كل ده انا مش عايزه اتجوز بطريقه بتاعتهم دي
ده مش تكبر مني ولا غرور ولا شايفه نفسي زي ما هما بيقولوا لي. والله ابدا. ده تفكير مني انا يوم ما هتجوز مش هتجوز اي حد لازم يكون فيه الصفات الي انا عايزها و كلمتهم الشهيره ليا. ( انتي فقر . انتي عايزه تعنسي . انتي الي قداك فاتحين بيت . انتي لو وصلتي لسن ٢٠ من غير جواز سعرك هيرخص و محدش هيبوصلك . و بعد ما تتعلمي يعني هتاخدي ايه اخرك برضوا المطبخ . اتجوزي عايزين نفرح بيكي عشان انتي كبيرة اخواتك الخ الخ الخ ) كلامهم تعبني تعبت من كلامهم اقولهم طب سبوني اخلص تالته ثانوي و بعد كده جوزوني الي انتم عايزنه يقولوا ليا لاء. هيبقي عندك ١٩ سنه و هتبقي عنستي
بقيت بسمع كلامهم و نفسي اصووووووت و اصرخ من كتر الكبت و من كتر تفكرهم
مبقتش بعمل حاجه غير اني اقعد ابكي و افكر ف كلامهم
هحكي ليكم موقف بسيط جدا ميجيش حاجه من الي بيحصل اصلا
بنت خالتي اصغر مني و اتجوزت. انا كنت فرحانه ليهم و مش جوايه اي غيره والله و دعيت ليها ان ربنا يسعدها مادام هيا حبه كده معا العلم ( انها هيا الي طلعت نفسها من التعليم لانها مش عايزه تتعلم و غير كده باباها عرباوي يعني بيحب يجوز بناتهم صغيرين ) ما علينا
قبل الفرح بتاعها بيوم
بابا قام عليا ضربني و قعد و قعد يشتمني جااامد و يقولي لي بترفضي و قاعد حرفيا طول النهار يضربني
بس كده ده موقف بسيط جداا
مبقتش عارفه اعمل ايه
ع كل الي بيحصلي ده بس عندي ايمان غييير طبيعي ان ربنا هيرضيني و هيجبر بقلبي بس انا مش عاارفه امتا تعبببت من الانتظار
اتمني حد يسعدني ف مشكلتي دي
و اتمني لكل الي يشوف رسالتي انه يدعلي
اختلافك عنهم واضح وطموحك شيء جميل ومبشر وللاسف افكارهم مغلوطة وصعب تتغير بسهولة وده تحدي قدامك انك تتعاملي معاهم بالهداوة وبعد صدام او عناد لكن تمسكي بطموحك واثبتيلهم مزايا ونقط القوة في اختيارك وان الفرص هتبقى اكبر وارقى وان السن مش هو معيار القيمة زي ماهم متخيلين وان التعلم هيفتح قدامك فرص ارتباط بمستويات ارقى وناس اجتماعيا احسن وهكذا ... ربنا يصلح لك الحال ويهديهم عليكي ويسخرلك اللي يساندك في تحقيق مايرضيكي
تم النشر الخميس، ١٨ يوليو ٢٠٢٤
وعليكم السلام ورحمة الله وبركاته، أنا آسفة جداً لسماع كل اللي بتمرّي بيه، وأفهم قد إيه المشاعر دي بتكون مرهقة ومؤلمة. واضح إنك بنوتة طموحة وعندك أحلام كبيرة، وده شيء جميل ومهم جداً انك تتمسكي بيه. للأسف، مجتمعنا أحياناً بيضع ضغوط معينة على البنات بخصوص الجواز والتعليم، وده مش سهل أبداً، خاصة لما يكون من أقرب الناس ليكِ. خليني أقولك حاجة: التغيير بياخد وقت، ومفيش حاجة بتيجي بسهولة. في المواقف دي، مهم جداً إنك تتعلمي تحطي حدود لنفسك وتعبري عن مشاعرك بطريقة هادية ومتحضرة. جربي تتكلمي مع أهلك بشكل واضح عن أحلامك وإزاي مهمة ليكِ كإنسان، مش بس كبنت. كمان، خليكي مركزة على هدفك في الملاحق وأدّيها كل اللي تقدري عليه. يمكن ده يديك حجة أقوى قدام أهلك لما يشوفوا إنك جدية وبتشتغلي بجد على تحسين مستقبلك. ممكن تفكري تلاقي حد من العيلة أو حد كبير يحترموا رأيه يقدر يساعدك في الحوار معاهم. أوقات، وجود طرف تالت بيساعد في إزالة التوتر وفتح باب للنقاش. أما بخصوص الجواز، فمتقلقيش أبداً على موضوع "سعرك يرخص" والكلام ده. الحب والارتباط الصح بييجوا في الوقت المناسب، ومع الشخص المناسب. مش مهم تجهدي نفسك بالتفكير في ده دلوقتي. في النهاية، أهم حاجة هي صحة نفسيتك وسلامة عقلك وقلبك. إوعي تنسي إنك تستحقي السعادة والتحقيق الذاتي. متكليش نفسك بالتفكير السلبي، وركزي على الخطوات الصغيرة اللي هتوصلك لأحلامك. ربنا يكون معاكي ويدّيكي الصبر والقوة، وإن شاء الله الأيام الجاية تحمل ليكِ السعادة والتحقق اللي بتحلمي بيهم. حافظي على إيمانك ومتفقديش الأمل أبداً. بالتوفيق يا جميلة ودعواتي ليكِ بكل الخير.
تم النشر الخميس، ١٨ يوليو ٢٠٢٤
الفكرة الوحيدة التي خطرت في بالي هي مسايرتهم، لأن العقلية التي ترى أن الفتاة لها سعر تحدده حالتها الاجتماعية فمن الصعب جدًا النقاش معهم. ادعي ربك كثيرًا وحاولي التعبير عن رغباتك حتى آخر لحظة، فإذا أُجبرتِ على مقابلة أحد ممن يتقدموا لك، أخبريه عن رغبتك في استكمال دراستك، وأنك لستِ مستعدة نفسيًا لخوض تجربة الزواج. هذه المحاولة ستنجح في حالة واحدة، وهي أن يكون الشخص المتقدم متفهمًا ومدركًا، ولكن ما أخشاه أن ينقل كلامك لأهلك. هل هم من نوعية الأهل الذين يرون الضرب وسيلة للتقويم؟
تم النشر الجمعة، ١٩ يوليو ٢٠٢٤
مفيش حاجة اسمها بنت تتجوز عشان السن ولا عشان مش نافعة في التعليم ولا عشان اتخرجت ومش لاقيه حاجه تعملها ولا اي حد يجي يخبط علي باب افتحله لمجرد اني خايفة اكبر في السن واعنس ولا اتجوز عشان قرايبي الاصغر او الاكبر مني او في سني يتجوزوا ولا اهل العريس يختار البنت الاصغر سنا لانها خبراتها في الحياة قليلة فعرف اتحكم واسيطر عليها دي كلها موروثات فكرية بالية رسول صلي الله عليه وسلم قال اذا جاءاكم من ترضونه خلقا ودينا فزوجه )مقالش عشان السن ولا عشان قرايبك اتجوزوا قبلك .وتعليم مهم بيرفع من وعي بنت حتي لو مش هتشتغل بيه .وزواج يبني علي المودة والرحمة ولا يبني علي ند والسيطرة وتحكم ،من ضمن عادات سية في مجتمع انه مش من حق المراه انها تغضب وده بيقلل من انوثتها رغم ان في امراض جسدية كتيرة مرتبطة بكبت مشاعر ،كلها عادات و مورثات فكرية باليه .حاولي تقربي لله عز وجل وتدعي الله تعالي ان يراضيكي ويكرمك بكلية او مجموع كويس وساعتها هيجليك حد يستهلك ،لكن لا تتنازلي عن فرصتك في تعليم.ولاتتزواج خوفا من تقدم في السن
تم النشر الجمعة، ١٩ يوليو ٢٠٢٤
بصي أول حاجه اهدي وادعي. لربنا دايما واوعي تاخلي عن أحلامك إحنا كلنا معاكي وحربي عشانها واوعي تفكري بالكلام ده خديه من ناحية وارميه من ناحية تانيه خالص متزعليش نفسك ولما تلاقيهم بيتملموا فالموضوع او عملوا حاجه ادخلي الاوضه واقفلي علي نفسك وخدش موقف اتكلمي مع حد تآني بهدوء وحتولي تقنعيه وعلي قد إيه آنتي تعبانه ومش قادره و ركذي علي دراستك تحديهم لما يلاقوكي ناجحه ممكن ده يفرق معاهم ركذي وذاكري وسيبك منهم مممكن تذاكري بره البيت مع صحبتك مثلا او جارتك او لوحدك تحت البيت جنينه اي حته عشان تقللي الضغط والتوتر وطبعا الكلام ده كلو الهو تعنسي وبتاع مفيش الهبل ده متفكريش اصلا ممكن كل واحد واصله وجيله وعلته بس صدقيني مبقاش حد يفكر كدا خالص حتي لو عنستي ايه يعني والطبيعي اصلا انك تخلصي الجامعة الأول يعني السن الطبيعي ما بعد 30 مثلا تبقي عانس بجد قبل كدا مراحل دي كلها مناسبة للجواز متفكريش طبعا فالموضوع مش عايزه اقلك فكري فالهرب يعني أكيد في حلول تانيه حاولي تخلي حد يعقلهم يتكلم معاهم ويبقي تفكيره زيك ويفهمهم حتي لو مستر او ميس انو انتي الدراسه مهمه فعمرك البنت لو مدرستش وخدت نتيجة البنت بذات هتتبهدل آوي بلعكس ملكيش غير شهادتك وشغلك تمسكي بالعلم طبعا وانجحي ربنا يوفقك يا رب وحنا كلنا معاكي إنشاء الله
تم النشر الخميس، ١٨ يوليو ٢٠٢٤
حبيبتي كان الله ف عونك والله بأذن الله ربنا هيرضيكي مبدئيا كدا اصرارك علي تكميل تعليمك دا نجاح وسط كل الهزايم دي ومشاكل اهلك بصي كملي معاهم وتعالي علي نفسك سيريهم وقوليلهم لما تخلصي ٣ ث بعدين ابقي اتجوز وبعدين يبقي يحلها ربنا ي عالم الظروف تتغير بعدين حاولي انتي تناقشيهم ب أهدافك وطموحك عايزه ابقي كذا ي ماما مش نفسك تشوفيني دكتوره تفتخري بيا مش نفسك ابقي كذا وكذا حاولي معاهم مره واتنين وعشره علشان حلمك وعلشانك انتي انتي مش عايزه تتجوزي ومشاء الله راسمه أحلام ليكي ف قبل كل دا علشانك ربنا يعينك علي اهلك ويهديهم يارب ويوفقك عايزه اقول برضو الملحقين مش حوار كتر خيرك طالما مقصرتيش وعافرتي وسط ظروف اهلك وكلامهم هتدخليهم وتعديهم بأذن الله مواقفه يارب
تم النشر الخميس، ١٨ يوليو ٢٠٢٤
المفروض ان مامتك اقرب حد ليكي بعد ربنا طبعا مش بتسمعك. المهم اتكلمي مع اي حد ممكن يغير وجهه النظر يتاع والديكي عمك خالك جدك اي حد. وشكر اي احنا اخوات ولو عوزت اي حاجه انا هنا هسمعك وقربي م ربنا
تم النشر الاثنين، ٢٢ يوليو ٢٠٢٤
وربنا يوفقك ويجعلك الصعب سهل ويصلح حالك وييسر امورك ويهدي اهلك عليكِ.
تم النشر الجمعة، ١٩ يوليو ٢٠٢٤
وان شاء الله المادتين سهل ان شاء الله خير متقلقش رب الخير لا ياتي الا بالخير. بس طوول مهما كدا الوضع هيبقي صعب الصراحه وم هتعرف تركز ودي سنه محتاجه حرفيا كامل تركيزك وانت بتزاكري. وقربي من ربنا وادعي كتتتتييييير
تم النشر الجمعة، ١٩ يوليو ٢٠٢٤
ف البدايه مامتك فين المفروض تكون هيا القريبه ليكي وتسمعك وكدا وحوار الجواز دا لسه بدري 18 سنه لسه صغيره يعتبر سوري يعني. بس بما انك شخص طموووح كدا ما شاء الله ودي حاجه حلوه جدا. مش بتحكي لاي حد طيب يسمع كلامك ويخلي باباكي يهدي ع الموضوع دا مثلا جدتك جدك عمك مامتك اي حد.
تم النشر الجمعة، ١٩ يوليو ٢٠٢٤
استغفري ربنا واتقربي منه وحاولي تقربي من أهلك وكلميهم بالراحه واحكيلهم ايه مضايقك وسبب رفضك
تم النشر الجمعة، ١٩ يوليو ٢٠٢٤
,انا امي قريبه مني. بس المشكله ف ان بابا هو اللي عايز كده و هو اللي زرع التفكير ده ف امي و منكرش برضوا ان امي بتفكر زي بابا كده و يمكن كمان تقدمت عنه + انهارده اتكلمت معاها و للاسف زي كل مره بتحصل بتتعارك معايا و بنسبه ليهم اللي انا بقوله ده هبل و عبط مني و اني مش عايزه افرح زي كل البنات معا العلم اني مش رافضة الجواز والله بس انا رافضه اني ارتبط دلوقتي و غير كل ده انا عايزه اكمل تعليمي. بس للاسف مش قدرين يفهمه كده + شكرا جدا لحضرتك
تم النشر الجمعة، ١٩ يوليو ٢٠٢٤
لعرض السؤال في فدني اضغط هنا