حاليا انا من طلاب تالتة ثانوي و في الواقع انا نفسي اكون مهندس في السنة المقبل واحقق حلم لأهلي و لنفسي ولكن أشعر بعدم الثقة في نفسي في القيام بهذا الأمر ولا اعرف وفي الواقع انا أشعر بالقلق و ايضًا عدم الرغبة في فعل اي شيء.
للأسف الدراسة الآن سئ لحد ما ولا اعرف ماذا افعل واحيانا أشعر فقط إني اريد ان يأخذني احد في حضنه ويقول لي إن كل حاجة هتكون تمام.
كل شخص يقول لي ما مدى تأثير هذه السنة علي حياتي وده بيزود الضغط علشان انا عارف ان انا بيضع السنة مني وبصراحة الأمر كل يوم بيكون صعب وحاولت اشوف مساعدة ولكن انا عارف ان مافيش حد فاضي ولكن علي الاقل حدا يقول لي ازاي اساعد نفسي
بسم الله .. اخويا عايز اقولك أن السنة مضاعتش ولا حاجه وان الفرصة مازالت متاحه قدامك ... وحابب اطلب منك انك تقفل ودانك ومعنتش تسمع لاي حد سلبي ... وانت مش محتاج ان حد يساعدك انت محتاج تنظم وقتك مش تتوكل على الله، تعمل اللي عليك ودى مش صعب بس سهل ممتنع يعني هيكون سهل جدا بالنسبالك بعد ما تتعود انك تعمل اللي عليك لا ممكن بعض العقبات فالاول بس لكن هتقظر هتتخطاها ... انصحك انك ترتب نفسك ما بين نومك دروسك صلاتك مذاكرتك أكلك شربك بمعني اول حاجه لازم تعملها لازم توفر لنفسك وقت يوميا للمذاكرة ميقلش عن ٦الي ٨ ساعات منفصلين عل مرتين أو متصلين علي مرة واحد ..اللي يريحك بس افضل يبقي منفصلين عشان تبقي فصلت تاني حاجه متنامش من ٨ ساعات لحد ما تقدر تقلل لحد ٧ و٦ كمان تقدر ... دروسك متزودش عد الحصص يوميا. قسم حصصك بالتساوي علي الاسبوع يعني كل يوم ٣ حصص مثلا .. واهم حاجه متاخدش درسين ف ماده واحده .. كل ماده ليها مدرس واحد ... .. خصص لنفسك مكان للمذاكرة وجمله مكان للصلاة .. متضغطش نفسك وتوكل عالله واعمل اللي عليك وجرب النظام ده والنتيجه هالله .. انت تقدر توصل بجد .. وخلي جمبك بويلر وكذا نوع مشاريب سخنه بتحبها عشان الشتا والبرد .. واستمتع بالسنة دي وبمذاكرتك .. طبيعي هيجي عليك وقت كل فين وفين تحس بملل وخوف بس ده طبيعي اصحي اليوم الجديد كمل زي مانت وهتبقي احسن
تم النشر الأحد، ١٠ نوفمبر ٢٠٢٤
مرحباً اخي الكريم إن شاء الله كل شيء هيكون بخير 🥰 لازم يكون عندك ثقه في نفسك انك هتقدر تحقق حلمك لوحدك وهتكون احسن مهندس برضوا دا مستقبلك مفيش ضغط ولا حاجه لازم يكون في صبر ويقين بالله واكتب كل حاجه مضايقك في نوته صغيره لو اهلك ضغطينا عليك اسمع الكلامهم لانه صحيح برضوا خايفين عليك من المرمطه بس لازم تكون هادئ وتحاول اكتر من مره لان ربنا مش بضيع مجهد حدا وربنا كريم حتي لو مجبتش هندسه ف دا خير من عند ربنا ولك احسن من كده بس برضوا اعلم اللي عليك حكايه انك نفسك حد يحتويك في حضنه والاهتمام لانك مضغوط اوي تقدر تعيط لو القرارات كله راحت واحكي لمامتك هي المكان الأمان وإن شاء الله كل هيكون بخير وربنا يوفقك في دراستك يلا اضحك بقا معك اختك العزيزه
تم النشر الأحد، ١٠ نوفمبر ٢٠٢٤
السلام عليكم و رحمة اللّٰه و بركاته إحساس إنك تكون مش واثق انك هتقدر على حاجه معينه دا مش هيزيدك إلا توتر و إحباط لازم يكون عندك ثقه في ربنا أولاً إنك هتقدر و لازم تعمل الي عليك لإن مش هتنجح لو انت مش عامل الي عليك و شايف الي وراك اعمل الي عليك و سيب الباقي على ربنا ، ربنا مبيضيعش تعب حد و توكل على اللّٰه خلي عندك من جواك ثقه إن حتى لو مدخلتش الكليه الي عايزها ف ربنا هيحطك ف حاجه احسن من الكليه الي كنت هتدخلها و خلي الآيه دي في دماغك ( وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ ) خليك دايما فاكر ان كل الي يجيبوا ربنا كويس اي كليه أياً كانت ، بس مش معنى كدا انك تُهمل الي وراك و تقول الي ربنا عايزو هيكون لاء لازم تحاول على قد متقدر و تجاهد عشان توصل لحاجه احسن من توقعاتك ثقتك ف نفسك دي مش هتيجي غير لما تثق ف ربنا الأول جرب تقرب من ربنا اكتر هترتاح هتحس انك فعلا وقت الحزن و الزعل مبتفكرش غير ف إنك تشكي لربنا ذي مبتقول نفسك حد يحضنك و يقولك كل حاجه هتبقا تمام دا الي هتحسو فعلاً لما تقرب من ربنا اكتر و تستشعر معاني القرآن كل ده هيريحك و هيخليك حاسس إن مهما حصل أنت راضي و واثق انك هتقدر و ان ربنا مش هيجازيك غير خير خلي دايماً على لسانك (بسم اللّٰه توكلت على اللّٰه ولا حول ولا قوة إلا باللّٰه ) توكل على ربنا ف كل امور دنيتك هتحس ب راحه و هتطمئن و هتحس ب ثقه اكتر و مفيش حاجه اسمها بضيع السنه مني لإن السنه لسه مضاعتش أنتَ لسه فيها ، اصحى من غفلتك دلوقتي احسن متضيع منك السنه فعلاً وقتها هتحس ب ندم ذاكر و لو حتى حبه صغيرين لحد مهتلاقي نفسك بتذاكر اكتر و اكتر مع الوقت اتمنى اكون افدتك و بالتوفيق
تم النشر السبت، ٩ نوفمبر ٢٠٢٤
خلي عندك ثقه بنفسك مش بس انك قادر تتخطى التحدي ده لا ديما لما تدخل قصاد اي تحدي قول لنفسك أنا قادر اتخطى و اعمل واجتهد وافتكر كلام ربنا إن الذين آمنوا وعملوا الصالحات إنا لا نضيع أجر من أحسن عملا السنه هتعدي على قد ما انت هتتعب وانشاء الله خير و تنجح وتجيب المجموع اللي انت عاوزه و اعلى كمان
تم النشر السبت، ٩ نوفمبر ٢٠٢٤
أولاً، أود أن أعبّر عن تفهمي لمشاعرك الحالية. من الطبيعي أن تشعر بالقلق وعدم الثقة بالنفس، خاصة في هذه المرحلة الحساسة من حياتك، حيث تعد السنة الأخيرة في الثانوية مؤثرة بشكل كبير على مستقبلك الدراسي. لنبدأ بخطوات تُساعدك على بناء ثقتك في نفسك: حدد أهدافك بوضوح : اكتب ما تريده بالضبط. أن تكون مهندسًا هو هدف عظيم، لكن تحديد خطوات صغيرة للوصول إلى هذا الهدف يمكن أن يُحقق لك شعورًا بالإنجاز. سجل إنجازاتك : حاول كتابة كل الإنجازات الصغيرة التي تحققها يوميًا، مهما كانت بسيطة. هذا سيساعدك على رؤية تقدمك ويُعزز من ثقتك بنفسك. توزيع الوقت : قم بتقسيم دراستك إلى فترات زمنية قصيرة مع استراحات قصيرة بين الحصص. هذا سيساعد على تقليل شعور الضغط. التواصل والمساعدة : لا تتردد في التحدث مع المعلمين أو الأصدقاء عن مشاعرك. يمكن أن يقدموا لك الدعم أو النصيحة. إذا كنت بحاجة لمساعدة إضافية في الدراسة، قم بالبحث عن دروس خصوصية أو مجموعات دراسية. تقبل المشاعر : من المهم أن تعترف بمشاعرك ولا تتجاهلها. التعبير عن المشاعر يمكن أن يُطمئنك بأنك لست وحدك. استعن بالله : تذكر أن الدعاء هو وسيلة قوية للحفاظ على الهدوء الداخلي ولطلب العون في الأوقات الصعبة. كن على يقين أن ما تشعر به هو جزء من الرحلة، ومع الوقت والجهد، ستحصل على القوة والشجاعة لتجاوز كل تحدٍ. تمني لك كل التوفيق في تحقيق أحلامك، فبإمكانك أن تكون المهندس الذي تحلم به!
تم النشر السبت، ٩ نوفمبر ٢٠٢٤
حاول انك متفكرش في المستقبل والنتيجة، فكر بس انك تجتهد وتعمل الي عليك، وتركز فالمواد الدراسة وفاهم ايه، وتوكل على الله. متفكرش كتير في الهندسة او غيرها، وفكر في الواقع الي انت فيه
تم النشر الأحد، ١٠ نوفمبر ٢٠٢٤
لعرض السؤال في فدني اضغط هنا