السلام عليكم دلوقتى انا بقيت بنام كتير ودايما مهما كان عدد الساعات اللى نمتو ببقا صاحيه تعبانه وجسمى همدان جدا يعنى ف اغلب الوقت بنام ع ١٢ او ١ وبقوم ٩ او ٨ وساعات ١١ مش بنام اققل من العادى ولا ازود بس بقوم بفضل طول اليوم عينى نعسانه وبقيت انام ف المحاضره والمجال اللى انا فيه محتاج حركه كتير لو عملت اى مجهود بصدع وبحس انو قله نوم
الهيموجلوبين بتاعى كويس ١٣ ومعنديش حاجه تقريبا غير شويه املاح والتهابات عظام يعنى كلها ملهاش علاقه بالنوم
لو حد يقدر يفيدنى ازاى حتا ابقا باقى اليوم مصحصحه وفايقه ومش تعبانه
حبيبتي سيبك من مشكله النوم الاول خالص ولكن اين انت من صلاة الفجر حبيبتي؟ هل بتصحي في النص تصلي وتكملي نوم ولا بتصحي على وقت المحاضرة لو مش بتصلي الفجر خلي بالك انت بتضربي بركة يومك وبركة جسمك كلها ده اول سبب اصلا يخلي يومك مفيهوش بركه الصلاة دي اول خاجه الانسان بيتحاسب عليها مينفعش ايا كان ولا تحت اي ظرف ولا لاي سبب انك تفرطي فيها ولا تهملي وقتها اكيد شفت فيديو البنت الصغيرة ال طلعوها من تحت الانقاض وهي مش دريانه وعماله تتالم وتقول عاوزة اصلي ليا يومين ما صليت !!! اول حاجه في مشكلتك حافظي على صلاتك في وقتها تاني حاجه حاولي تعملي تحليل فيتامين د احيانا نقصه بيعمل خمول وتعب من اقل مجهود ولو هو سليم ممكن تطمني على الغدة الدرقيه برضه شفاك الله وعافاك
تم النشر السبت، ١٨ مارس ٢٠٢٣
عليكم السلام ورحمة الله وبركاته.. حللي فيتامين د وهرمونات ادعي قبل متنامي ربنا يباركلك ف نومتك و لما تصحي يباركلك ف طاقتك. وحاولي تصلي الفجر هيفرق معاكي.. ف البداية مرهق وبعدين هتحسي ب حماس وبعدين يرجع الشيطان يكسلك بس لو ظبطي نفسك هتحسي بفرق.. وطبعا اذكارك قبل النوم و الصباح.. بلاش كافيين أول ما تصحي اكتفي بتمارين تمدد أو شاور واهو الصيف جاي فقبل ما تنزلي دش كده يفوقك وصلاه الضحي.. و الكافيين مره فاليوم ع الظهر وممكن مره تاني بس لبن بقي ع العصر المكسرات مهمة آوي للنشاط التفاح الصبح ف الفطار وعصير برتقال مشاكل العظام بتعمل خمول فالجسم علفكره ف حاولي تتابعي مع دكتور
تم النشر السبت، ١٨ مارس ٢٠٢٣
جربي تنامي عدد ساعات اكتر وحاولي تحسني من جوده نومك يعني قبل النوم تاخدي شاور وتشربي لبن دافي او يانسون وكركاديه واستخدمي كريمات وروايح تحبيها واعملي تمرين ارسترخاء تنفسي وعضلي وحاولي متفكريش ف اي مشاكل قبل النوم خلي افكارك عن افضل مواقف طول اليوم او نفسك ف ايه تعمليه وهيسببلك سعاده ونامي من ٩ ل ١٠ ساعات ولما تصحي اعملي روتين صحيان وده بيكون شبه روتين قبل النوم شاور ومشروب بقا فيه كافيين واكله بتحبيها وابدأي حطي خطط حلوه لليوم وحجات هتعمليها ف اليوم هتحبيها ووسط المحاضرات واليوم ممكن تاكلي اكله بتحبيها او تسمعي حاجه بتحبيها او تكلمي صاحبتك الي بتحبيها هيفرق جدا ف نشاطك وف نفسيتك وهيغير معاكي جوده النوم ويحسسك بالاكتفاء لان وارد النوم الي عندك قهري من ضغط او مود سيئ ف احنا ممكن نواجهه بأننا نحسن جوده النوم ونحط انشطه تسببلنا السعاده وتقللنا الضغط وتفرق طول اليوم
تم النشر السبت، ١٨ مارس ٢٠٢٣
اولا ...الهيموجلوبين والانيميا مش الحاجة الوحيدة اللى بتسبب الخمول ده حللى تحاليل الغدة الدرقية ووظائف كبد نقص الفيتامينات بردوا بيأثر على النشاط والخمول....اقعدى فى الشمس بتاعت الصباح قبل الظهر ....على قد ما تقدرى. اعتمدى فى اكلك على الخضروات كتير .
تم النشر السبت، ١٨ مارس ٢٠٢٣
وعليكم السلام ورحمة الله وبركاته، أولاً يجب الانتباه إلى وقت النوم، وهو الأمر الذي يؤثر بشكل كبير على الحالة الصحية والنشاط اليومي. يفضل النوم المنتظم بمتوسط 7-8 ساعات في الليل، ويجب الانتباه للتغيرات في نوعية النوم، مثل الشعور بالتعب بعد الاستيقاظ أو الشعور بأن الجسم لم يستريح بشكل كافٍ. وإذا كنتِ تعاني من صعوبة النوم في الليل يمكنكِ تجربة بعض العادات الصحية مثل تناول وجبة خفيفة وتجنب تناول المشروبات المنبهة قبل النوم، والمحافظة على درجة حرارة الغرفة وهدوءها واستخدام الألوان الهادئة في التصميم. و يمكن ممارسة الرياضة بشكل منتظم وتغيير الروتين اليومي من خلال العمل على مهام مختلفة لمنح الجسم شعوراً بالنشاط والحيوية. كما يمكن استشارة الطبيب لمعرفة ما إذا كان هناك أي مشكلات صحية يجب التحقق منها.
تم النشر الجمعة، ١٧ مارس ٢٠٢٣
لعرض السؤال في فدني اضغط هنا