ما سبب هذه المشكلة التي لديّ في علاقتي بأقاربي وصعوبة تواصلي معهم؟

Question

انا من وانا صغيرة وانا مش بكلم نص اهلي وبجد معرفش انا كدا ليه مثلا لو الي انا بكلمهم قاعدين مع بعض وجيه حد مش بكلمو بفضل ساكته ولساني حرفيا مربوط حتي لو ليوم كلو بفضل ساكته ولما بيكلموني مش برد عليهم وبيفضلوا يكسفوني والمشكلة أن ماما و بابا محاولوش حتي يودوني لدكتور يعرفو انا بيحصل معايا كدا ليه بجدا انا اتخنقت وتعبت ومش بقدر اتكلم ف الموضوع دا ماما كل ما تقولي انتي مش بتكلميهم ليه بفضل ساكته ومش برد ساعات بفضل لوحدي ف البيت ومش بنزل تجمعات عائليه بسبب كدا

Accepted Answer

السلام عليكم ورحمه الله وبركاته. لو الموضوع ده صغيره من وانت طفله فا احنا هنا كده عندنا نظره من وانت طفله للناس دولت بتستغربيهم بتستغربي طريقه كلامهم من وانت صغيره بتحسي مثلا ان كلامهم سريع جدا فانت مش بتعرفي تستوعبيه اييي ممكن يكونوا دايما توجيهاتهم في ال في الكلام بالنسبه لك صعبه يعني دايما بيسالوكي فبيوتروكي من وانت صغيره لذلك بقيتي ااا متعوده على حاله الصدمه وانك تقعدي ساكته افضل من انك تحاولي تتواصلي معاهم لانك خلاص حكمتي من وانت صغيره انه التواصل معاهم صعب هل ده هو الوضع ولا ممكن يكون في اي حدث حصل ان انت صغيره مع حد من العيله الاهل او الناس اللي بيجوا زياره فلذلك من ساعتها بقيتيش شايفه انه الناس اللي هتيجي اكيد هتعمل معاكي موقف مش لطيف ممكن برده يكون ااا كان بيبقى فيه تنبيهات كثيره في البيت لما يجي حد اا خلي بالك اقعدي كويسه اقعدي مؤدبه ما تتكلميش كتير ما تقوليش كلام بالطريقه الفلانيه يعني كان ممكن يكون كان بيبقى فيه اييي سيل من الاوامر من الاهل او التنبيهات فلذلك بقيتي بتتوتري

Answer

انتي مش محتاجة اخصائي الاخصائي ده اخر حل و حل انا ارفضه من اساسه لان اضراره اكتر من منافعه ممكن تكوني خجولة بس مش اكتر و دي مش حاجة وحشة في البنت ،انتي بتتكلمي مع الناس اللي واخدة عليهم بس بتتكسفي قدام الباقي عشان مش واخدة عليهم و الحل بسيط مع اني مش شايف انها مشكلة كبيرة وهم اكيد شايفينها زيي اقعدي معاهم كتير حتى لو مش هتتكلمي اقعدي و بس و اخرجي معاهم و مرة على مرة هتقولي كلمة ولا كلمتين تلقائي وان شاء الله ربنا يعينك

Answer

عزيزتي، أشعر بمعاناتك وما تمرين به من مشاعر صعبة. من الواضح أن لديك قلقًا في التفاعل الاجتماعي، وشعور بأنك غير قادرة على التعبير عن نفسك أمام عائلتك. هذا الأمر قد يكون محبطًا للغاية، وأتفهم كيف يمكن أن يؤثر على حياتك. أولاً، من المهم أن تعرفي أنك لست وحدك في ما تشعرين به. الكثير من الأشخاص يواجهون صعوبة في التحدث في المواقف الاجتماعية، وهذا قد يأتي من الخوف من الحكم أو الخزي. أوصيك بأخذ خطوة صغيرة نحو العلاج أو الدعم النفسي، مثل استشارة مختص نفسي، حيث يمكنه أن يساعدك على فهم مشاعرك بشكل أعمق وتطوير استراتيجيات للتعامل مع هذا القلق. يمكنك أيضًا محاولة التحدث مع أحد أصدقائك المقربين أو أي شخص تثقين به عن مشاعرك، فهذا قد يساعدك في تخفيف العبء الذي تشعرين به. تذكري، أن خطوة واحدة نحو التغيير تبدأ بالاعتراف بالمشكلة، وأنتِ اليوم قد قمتِ بذلك. لا تيأسي، فكل شيء يحتاج إلى وقت وصبر. تتمنى لك الصحة والسعادة الدائمة.

ما سبب هذه المشكلة التي لديّ في علاقتي بأقاربي وصعوبة تواصلي معهم؟

نفسية

اجتماعية

أهل

سؤال من احد أعضاء فدني

تم النشر الخميس، ٦ فبراير ٢٠٢٥

3 إجابة

6 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك