انا صاحبت ندي . انا كنت بكلم واحد صحاب وكان كل كلامنا عادي عن الدروس وكدا لانه قدي ومعايا في معظم الدروس واخويا جيه فيوم كان شاكك اني بكلم حد قولتله لا مش بكلم ومصدقش وقالى احلفي ع المصحف قولتله والمصحف م بكلم حد يعني حلفت كدب وخايفه خالص من عقاب ربنا ليا ع الكلام دا وفي نفس الوقت لو كنت قولت الحقيقه كان ممكن اخسر اهلى ويحصلى مشاكل جامده مش عارفه اعمل اي بجد
كفارة الحلفان كدب صوم تلات ايام، و عايزاكي تعرفي الولد اللي بتكلميه و في بينك و بينه كلام ده حرام حتى لو كلام عن الدروس أو المواضيع العامة فالاحسن متتكلميش معاه تاني عشان برده متخسريش ثقة اهلك و قربي من ربنا عشان لو كملتي و اتكلمتي معاه هتحصل مشاكل بعد كده و انتي مش اد المشاكل دي فالاحسن انك تحافظي على نفسك و على ثقة اهلك
تم النشر الجمعة، ٣ مايو ٢٠٢٤
صوم ٣ ايام واقفل كلام مع الولد ده البت لازم تصون نفسها وخلي بالك من نفسك محدش دلوقتي ليه امان يحببتي وغير كدا حرام وخليكي حاطه ف دماغك ثقه اهلك ليكي اللي ممكن ف يوم تتهز لو عرفوا
تم النشر الاثنين، ٦ مايو ٢٠٢٤
كفاره الحلفان كذب هي صوم ٣ ايام وانتي قربي من ربنا اكتر وقوليلي انك توبتي اليه من ده وإنشاء الله يغفرك
تم النشر الأحد، ٥ مايو ٢٠٢٤
انتِ كبيرة وبالغة ومكلفة ولازم تعرفي إن الحلف بالله كذب دا من كبائر الذنوب وهو دا اليمين الغموس الذي قال عنه النبي صلى الله عليه وسلم: الكبائر: الإشراك بالله، وعقوق الوالدين، وقتل النفس، واليمين الغموس. رواه البخاري وغيره. و كفارته هي التوبة لربنا ، التائب من الذنب كمن لا ذنب له والتوبة بتكون بالندم على اللي فات، وترك الذنب في الحال، والعزم على عدم الرجوع إليه في المستقبل، ورد المظالم إن كانت هناك مظلمة لأحد من العباد. نصيحتي تتوقفي عن التحدث مع زميلك نهائيا و الندم على الكذب والحلفان كذب وخدي قرار عدم الرجوع لهذا الذنب مره تانية مهما حصل.
تم النشر السبت، ٤ مايو ٢٠٢٤
خلينى اقولك الاول كده ...بلاش كذب بالله عليكى ...حتى لو تخيلتى انه هو اللى هينجيكى ..لان النجاة بالكذب هى هلاك من نوع اخر ..زى ما انتى حاسه دلوقتى . لو فعلا كان اخوكى يقصد يحلفك انك بتكلمى اى ولد اى كان شكل الكلاام وانتى حلفتى على ده ...فكده الحلف كذب وكفارته تصومى 3 ايام وتستغفرى ربنا على ده كتير وباذن الله يقبل منك . لو اخوكى كان بيحلفك على انك ليكى كلام ارتباط عاطفى مع ولد يعنى وانتى حلفتى على ده فانتى ان شاء الله مكذبتيش ...بس طبعا ده مش هتتاكدى منه اوى لانك مش ضامنه نية اخوكى .. فانتى هتصومى الثلاث ايام كفارة عن هذا الحلف ...والحاجة اللى مش هتقدرى تواجهى بيها اهلك متعمليهاش بالله عليكى
تم النشر الجمعة، ٣ مايو ٢٠٢٤
أن الله غفورا رحيم . يجب أن تكفرى عن الحلفان كذب ومحادثه الغرباء بشكل مستمر فى أمور غير مهمه محرمه
تم النشر الثلاثاء، ٧ مايو ٢٠٢٤
لعرض السؤال في فدني اضغط هنا