انا بحب واحد بقالي اربع سنين وكنا بنكلم بعض في الاخر سابني وراح لواحده تانيه ودلوقتي بيكلمها وانا مدمره نفسيه ومش عارفه اعمل اي مش مصدقة بعد الحب دا كله في الاخر يسيبني 💔🙂 وبجد. مدمرة قوي ومش عارفه اعمل اي كل شويه بيجي علي بالي حاولت أنساه مش قادره بجد مش قادره مش عارفه انساه ليه وكل شويه دايما بيجي علي بالي
ليه مش قادرة تصدقي؟ نهاية متوقعة عادي جدًا. مش محتاجة أقولك إن معظم الشباب أصلا بيكون بيتسلى ويلعب لحد ما ربنا يسهل يشوف هيستقر بعد سنين مع واحدة مامته تختارها له ولا مش هيتجوز طول عمره ما دام قادر يتصاحب ويعيش حياته براحته. بالنسبة لإنك مش قادرة تنسي فده عادي. مشاعرك مش بضغطة زر هتوقفيها وتقدري تنسي بسهولة. اعطي نفسك الوقت واشغليها بحاجات نافعة وقربي من ربنا، استغفريه عشان أولا علاقتك بالشاب ده كانت حرام أصلا في ديننا وثانيًا عشان يجعل لك مخرج من اللي انتي فيه ويشفي قلبك. التطبيق مليان مشاكل من بنات قلبها اتكسر زيك وتأذت بسبب العلاقات دي، فنصيحة رجاء، فوقي لنفسك وبلاش تضيعي عمرك وتدمري نفسيتك بسبب شخص لا يستحق. إذا كان نفسيتك مدمرة عشان وثقتِ فيه وضيعتِ مشاعرك عليه تمام لك حق وخدي وقتك واعتبريه درس واتعلمتِ منه. لكن لو قهرتك دي عشانه هو شخصيًا يبقى لازم توقفي مع نفسك وقفة... هو سابك وراح لواحدة تانية، يبقى انتي تفوقي لمصلحتك. وإن شاء الله بعد كده تحافظي على قلبك لحد ما ييجي ابن الحلال اللي عارف طريق بيتك ومش واحد بيتسلى والسلام. ربنا معك.
تم النشر الثلاثاء، ١٧ سبتمبر ٢٠٢٤
بصى انتى زى اختى الموضوع من اولة غلط مش بقول اننا ملايكة اكيد كلنا بنغلط بس دى علاقة بدايتها غلط هاتكون نهايتها توجع ربنا حرمها علشان هى بتوجع اى طرف من العلاقة وبتأذيه والى سابك وتخلى عنك مع السلامة اكيد ربنا كتبلك حد احسن مكنش يستهلك فكرى فى الموضوع بإيجابية وحفظى على قلبك وطقتك ومشعرك للشخص الصح مستنزفيش كل دة على الفاضى اشغلى وقتك بحجات انتى بتحبيها متوقفيش حياتك علشان حد ميستهلش واثبتى لنفسك انك تقدرى تتخطى ومتحسسيش حد انك زعلانة بفراقة مفيش حد مضر غيرك هو خلاص راح وكلم حد تانى هاتقفى انتى بقا؟ اكيد لا فكرى فنفسك
تم النشر الثلاثاء، ١٧ سبتمبر ٢٠٢٤
اربع سنين مش قليلين اربع سنين انا بقوم كل يوم الاربع سنين دول بمضع لبانة فانا مش هاعرف انت طعم اللبانه فمواضيع الارتباط بتبقى كده عملت حاجات بشكل متكرر مش هتخرج من دماغي يعني. مش عارفه تعملي ايه مش مصدقه بعد الحب ده كله... هو ده سيستم الارتباط عادي ان احنا نسيبه عادي ان احنا نبدا حاجه تانيه غيرها مفيش اي مشاكل خالص يعني لا صدقي وصدقي كويس قوي او ما تكرريش مواضيع الارتباط دي تاني عشان ما تلاقيش نفسك كل شويه تزعلي.
تم النشر الثلاثاء، ١٧ سبتمبر ٢٠٢٤
دا تعلق مش حب و م الاول هو كان بيتسلى اللي بيحب بجد مش هيقدر ينسى و يسيب الشخص اللي هو حبه ، و زي م سابك هيسيب البنت التانيه و يروح لغيرها ف حافظي ع نفسك و قلبك للشخص الصح اللي يستحقك انتي غاليه جدا متسيبيش نفسك لاي حد حتى لو بتحبيه لازم يضحي و يحاول كتير انه يوصلك و بالحلال ، افتكري ان الشخص السئ دايما بيقع ف اللي شبهه و انتي ربنا بيحبك علشان بعد عنك ف احمدي ربنا و ركزي ع حياتك و اكيد ربنا هيعوضك احسن منه الف مرة ♡
تم النشر الثلاثاء، ١٧ سبتمبر ٢٠٢٤
عزيزتي، أشعر بألمك ومعاناتك في هذه الفترة الصعبة. فالشعور بخذلان الحب يترك أثراً عميقاً في النفس، وقد يكون من الصعب التخلص من هذه المشاعر. إليك بعض النقاط التي قد تساعدك في تجاوز هذه المرحلة: القبول : اعترفي بمشاعرك، فهذا أمر طبيعي. تقبلي مشاعر الحزن والألم كجزء من عملية الشفاء. تحديد الأولويات : حاولي التركيز على الأشياء التي تجلب لك السعادة، سواء كانت هواياتك، أو قضاء الوقت مع الأصدقاء أو العائلة. تعزيز العلاقات : ابحثي عن الأشخاص الذين يدعمونك ويساعدونك على تجنب العزلة. التحدث مع الأصدقاء قد يخفف من مشاعر الحزن. تجديد الروتين : فكري في تغيير روتينك اليومي، سواء كان ذلك عبر ممارسة نشاط جديد أو تعلم شيء جديد. هذا قد يساعدك على الابتعاد عن الأفكار السلبية. الصبر : تذكري أن الشفاء يحتاج إلى وقت. كوني صبورة مع نفسك، فالمشاعر السلبية ستخف تدريجياً. الدعاء : استمدي القوة من إيمانك، وادعي الله أن يخفف عنك ويساعدك في تجاوز هذه المحنة. الألم لن يدوم، ومع الوقت ستجدين نفسك جاهزة للمضي قدماً. تذكري أن هذا الوضع لا يعكس قيمتك كمشخص، بل هو تجربة يمكن أن تقودك إلى فرص جديدة في المستقبل.
تم النشر الثلاثاء، ١٧ سبتمبر ٢٠٢٤
بصي متزعليش مني بس إنتي غلط من البدايه اصلا مكنش ينفع تكلمي شاب وحب وكل الكلام ده ومفيش بينكم اي شئ رسمي يربطكم ببعض وفي دينا مفيش حاجه اسمها مرتبطين لأنها كده علاقه محرمه فا المفترض دلوقتي انك تنسي خالص بقا الكلام ده والي حصل في حياتك قبل كده وتفتحي مع ربنا صفحه جديده وتستغفري علي اي معصية عملتيها خلال الفترة دي او في حياتك عمتا يعني وحاولي قربي من ربنا اكتر والله غفور رحيم وصدقيني والله نصيبك هيجيلك من غير اي ارتباطات والمجهود منك اصلا عشان اكيد ربنا كاتبلك الي فيه الخير ليكي وأهم حاجه من ده كله انك خلاص متكرريش الغلط تاني عشان تكسبي رضا ربك وكمان متتوجعيش تاني وربنا يقدملك الي فيه الخير يارب 💗
تم النشر الخميس، ١٩ سبتمبر ٢٠٢٤
لعرض السؤال في فدني اضغط هنا