السلام عليكم ورحمة الله وبركاته
انا حاسة اني مريضة نفسية دايما خنقة وعياط من غير سبب كمان مش بعرف اتخطى اى موقف او كلمة جرحتنى مش سواد قلب بس بجد بيبقى قلبى موجوع معنديش شخصية يعني مش بقدر ارد علي حد حتي لو اتريق عليا انا اقدر ارد وهعرف ارد بس مش بقدر بخاف اجرح الى قدامى مع ان هو جرحنى بس مش بقدر لدرجة انى بقيت بكره نفسي جدا جدا جدا وداايما حاطة الحق عليا في كل حاجه و اى حاجه بتحصل حاسة بالفشل وانى بلا قيمة ومش عارفه اعمل ايه مش عارفه اخد اى خطوة تجاه اى حاجه
وعليكم السلام بصي حبيبتي انتي لازم تبقى عندك ثقه في نفسك وتقتنعي انك فعلا جميله وعسوله وقويه ومافيش حد يقدر يأثر عليكي بكلام واللي يقولك حاجه او يتريق متزعليش ده ممكن متغاظ منك بس مترديش الاساءه بإساءه عشان حرام سيبي اللي يتريق عليكي يتريق متحطيش في دماغك وارمي ورا ضهرك وعيشي حياتك وثقي في نفسك
تم النشر الاثنين، ١٢ أغسطس ٢٠٢٤
عليكم السلام ورحمة الله وبركاته لستِ مريضة نفسية ولستِ ضعيفة، أنت فقط حساسة جدًا. اعلمي وتأكدي أن الشخص الذي لا يلقي بالًا لكلامه ولا يراعي مشاعر من أمامه هو من ينبغي أن يشعر بالذنب وليس أنت. الآن اعلمي عزيزتي أن المؤمن القوي خير وأحب إلى الله من المؤمن الضعيف وفي كل خير. ماذا أريد أن أقول؟ أريد أن أخبرك أن عملك على تقوية نفسك وجهدك في صد الأذى النفسي عنك سيكون لك عليه ثواب وأجر. طيب ماذا أقصد بأن تجتهدي في ذلك وتعملي على تقوية نفسك؟ هذا ما يسمى بالمهارات الناعمة، والمهارات لا نولد بها بل نكتسبها. فمثلًا أنت لديك مشكلة في الصمت التام أمام الأذى، يجب أن تدربي نفسك على الرد اللبق الذي يحمي حدودك. جملة مثل: من فضلك لا تكرر التعامل معي بهذا الأسلوب لأنه يزعجني. قولي الجملة بهدوء لكن بحزم، دون توتر أو تردد أو قلق. تدربي مع نفسك أو مع أحد المقربين على التعامل في المواقف التي لا تستطيعي فيها التعامل بطبيعية. وفرقي بين حقك في دفع الضرر عن نفسك وبين جرح من أمامك، كل ما في الأمر أنك تنبهين الطرف المتجاوز أن تجاوزه غير مسموح. ستكون البداية صعبة، نعم أدرك ذلك ولكن لا تيأسي، إنما العلم بالتعلم والحلم بالتحلم، فتدربي. سيفيدك جدًا أن تشاركي في المجتمعات مثل مجتمع فدني هنا، جربي أن تدخلي يوميًا وتختاري سؤالًا واحدًا حتى وتجيبي عليه إجابة كافية ووافية. في البداية ستشعرين أن ملامك مبعثر، وربما غير مفيد، لكن بتكرار المحاولات ستكتسبي حكمة وخبرة في التعامل وهذا سوف ينعكس على شخصيتك بالإيجاب.
تم النشر الاثنين، ١٢ أغسطس ٢٠٢٤
حبيبتي انتى قلبك ابيض من جوه ودى ميزه حلوه فيكى وخوفك على زعل ال حوليكى ده نعمه كبيره احمدى ربنا بيها وبخصوص أنهم بيزعلوكى لو عكستي الصوره وشفتى حياتهم هتكتشفى أنهم اتعذبوا فى حياتهم وانجرحوا قبل منك وجرحهم غيرهم من جوه وخلاهم عايزين يجرحوا زى ما انجرحوا انتى بقى ليسه نظيفه من جوه ودورك هنا تقررى عايزه تبقى كده ولا هتسامحى علشان نفسك دايما تكون نظيفه وبيضه وتحمدى ربنا على بياض وسلامة عقلك وقلبك ربنا يسعدك ويفرحك دائما يا رب وينصرك 🤲
تم النشر الاثنين، ١٢ أغسطس ٢٠٢٤
وعليكم السلام ورحمة الله وبركاته. بجد مؤسف إنك حاسة كده، وأنا هنا عشان أساعدك. أول حاجة، لازم تعرفي إن مش لوحدك، وكثير من الناس بيمروا بمشاعر مشابهة. الواضح إنك بتحسي بألم كبير ودي مشاعر صعبة. حاولي تبصي على نفسك من منظور تاني، وافتكري إن كل واحد فينا له قيمته وأهميته. ممكن تحاولي تكتبي صفاتك الإيجابية أو أي إنجازات صغيرة حققتيها، حتى لو كانت بسيطة. لما تحسي إنك مش قادرة تعملي حاجة، حاولي تبتدي بخطوات صغيرة. مثلاً، اتكلمي مع حد تثق بيه عن مشاعرك، أو حتى ابدئي بقراءة كتب في التنمية الذاتية. ولا تنسي، لو كنت حاسة إن المشاعر دي تؤثر على حياتك بشكل كبير، ممكن تفكري في التحدث مع مختص نفسي. دا ممكن يساعدك تعيشي حياة أفضل وتبني ثقتك بنفسك. تذكري، إنك تستحقي كل الخير والسعادة. أنا هنا معك، شجعتك في كل خطوة.
تم النشر الاثنين، ١٢ أغسطس ٢٠٢٤
لعرض السؤال في فدني اضغط هنا